Klei Mphŭn Dơ̆ng 9:16 - Klei Aê Diê Blŭ 2015

¹⁶ Tơdah kêñ krô dôk hlăm knam, Kâo srăng dlăng kơ ñu čiăng kơ Kâo hdơr klei bi mguôp hlŏng lar ngă leh mơ̆ng Aê Diê hŏng jih jang mnơ̆ng hdĭp ti rŏng lăn ala.”

Klei Mphŭn Dơ̆ng 9:16 Iomraidhean Croise

Klei Mphŭn Dơ̆ng 17:13

Arăng srăng khăt klĭt hlei pô kkiêng hlăm sang ih leh anăn hlei pô arăng blei hŏng prăk. Snăn klei Kâo bi mguôp srăng bi êdah hlăm asei mlei ih jing klei bi mguôp hlŏng lar.

Klei Mphŭn Dơ̆ng 17:19

Aê Diê lač, “Hơăi, ƀiădah H'Sara mô̆ ih srăng kkiêng sa čô anak êkei kơ ih, leh anăn brei ih bi anăn ñu Y-Isăk; Kâo srăng bi kjăp klei Kâo bi mguôp hŏng ñu jing klei bi mguôp hlŏng lar kơ phung anak čô ñu kơ êdei.

Klei Mphŭn Dơ̆ng 17:7

Kâo srăng bi kjăp klei bi mguôp Kâo hŏng ih leh anăn hŏng phung anak čô ih kơ êdei hlăm jih jang ênuk diñu, jing klei bi mguôp hlŏng lar, čiăng jing Aê Diê kơ ih leh anăn kơ phung anak čô ih kơ êdei.

Klei Mphŭn Dơ̆ng 9:17

Aê Diê lač kơ Y-Nôê, “Anei yơh mnơ̆ng bi knăl kơ klei bi mguôp Kâo ngă leh plah wah Kâo hŏng jih jang mnơ̆ng hdĭp ti rŏng lăn ala.”

II Y-Samuel 23:5

Sĭt nik amâo djŏ snăn hĕ sang kâo ti anăp Aê Diê? kyuadah Ñu ngă leh hŏng kâo sa klei bi mguôp hlŏng lar, mtă leh hlăm jih jang klei leh anăn jing kjăp. Kyuadah amâo djŏ hĕ Ñu srăng brei jih klei bi mtlaih kâo leh anăn klei kâo čiăng čăt jing?

Y-Êsai 55:3

Mđing bĕ knga diih, leh anăn hriê bĕ kơ Kâo; dôk hmư̆ bĕ čiăng kơ mngăt diih dưi hdĭp; leh anăn Kâo srăng ngă hŏng diih klei bi mguôp hlŏng lar, si tô hmô klei khăp sĭt suôr ƀuăn leh kơ Y-Đawit.

Y-Yêrêmi 32:40

Kâo srăng ngă klei bi mguôp hlŏng lar hŏng diñu, čiăng kơ Kâo amâo lui klei ngă jăk kơ diñu ôh; leh anăn Kâo srăng dưm klei huĭ mpŭ kơ Kâo hlăm ai tiê diñu, čiăng kơ diñu amâo lui wir Kâo ôh.

Y-Êsêkiêl 34:26

Kâo srăng brei diñu leh anăn anôk jŭm dar kbuôn Kâo jing klei jăk jĭn; leh anăn Kâo srăng brei êa hjan djŏ yan; êa hjan anăn srăng jing klei jăk jĭn.

Y-Êsêkiêl 37:26

Kâo srăng ngă sa klei bi mguôp kơ klei êđăp ênang mbĭt hŏng diñu; klei anăn srăng jing klei bi mguôp hlŏng lar mbĭt hŏng diñu; Kâo srăng hơêč hmưi kơ diñu leh anăn bi lar êngŭm diñu, leh anăn Kâo srăng dưm adŭ doh jăk Kâo ti krah diñu hlŏng lar.

Hêbrơ 13:20

Ară anei brei Aê Diê klei êđăp ênang, Pô lŏ bi hdĭp leh Khua Yang drei Yêsu mơ̆ng phung djiê, mgăt khua kơ phung biăp, hŏng êrah klei bi mguôp hlŏng lar,