Klei Mphŭn Dơ̆ng 9:1 - Klei Aê Diê Blŭ 2015

¹ Aê Diê hơêč hmưi klei jăk jĭn kơ Y-Nôê leh anăn kơ phung anak êkei ñu, leh anăn lač kơ digơ̆, “Brei diih jing lar êngŭm leh anăn bi bŏ lăn ala.

Klei Mphŭn Dơ̆ng 9:1 Iomraidhean Croise

Klei Mphŭn Dơ̆ng 1:22

Aê Diê hơêč hmưi kơ diñu, lač, “Brei diih mđai bi lar êngŭm, bi bŏ êa ksĭ, leh anăn brei čĭm bi lar êngŭm ti lăn ala.”

Klei Mphŭn Dơ̆ng 1:28

Aê Diê hơêč hmưi klei jăk jĭn kơ digơ̆ leh anăn lač kơ digơ̆, “Brei diih mâo anak leh anăn bi lar êngŭm, bi bŏ lăn ala, leh anăn brei diih jing khua kơ lăn ala; brei diih kiă kriê kan hlăm êa ksĭ, čĭm hlăm adiê, leh anăn jih jang mnơ̆ng hdĭp kpư̆ hiu ti lăn ala.”

Klei Mphŭn Dơ̆ng 10:32

Anăn yơh jing phung găp djuê phung anak êkei Y-Nôê tui si ênuk diñu, hlăm čar diñu. Mơ̆ng diñu yơh phung găp djuê bra hiu dôk hlăm lăn ala leh êa lip.

Klei Mphŭn Dơ̆ng 2:3

Snăn Aê Diê hơêč hmưi klei jăk jĭn kơ hruê tal kjuh leh anăn pioh brei gơ̆ jing hruê doh jăk, kyuadah hruê anăn Aê Diê mdei mơ̆ng jih bruă Ñu hrih.

Klei Mphŭn Dơ̆ng 24:60

Digơ̆ hơêč hmưi kơ H'Rêƀêka leh anăn lač kơ gơ̆, “Ơ adei mniê hmei, brei ih jing amĭ kơ klăk klai čô mnuih; leh anăn brei phung anak čô ih dưi hŏng phung bi êmut kơ diñu.”

Klei Mphŭn Dơ̆ng 35:11

Aê Diê lač kơ ñu, “Kâo jing Aê Diê, Pô Mâo Jih Klei Myang. Brei ih bi lar êngŭm. Sa phung găp djuê leh anăn lu phung găp djuê srăng kbiă hriê mơ̆ng ih, leh anăn mơ̆ng tian prôč ih srăng kbiă phung mtao.

Klei Mphŭn Dơ̆ng 8:17

Bi kbiă bĕ jih jang mnơ̆ng hdĭp dôk mbĭt hŏng ih, čĭm, hlô mnơ̆ng, leh anăn jih jang mnơ̆ng êbat ban rui ti rŏng lăn, čiăng kơ diñu dưi mđai lu leh anăn bi lar êngŭm ti rŏng lăn ala.”

Klei Mphŭn Dơ̆ng 9:19

Tlâo čô anei jing anak êkei Y-Nôê; leh anăn mơ̆ng diñu yơh lŏ mâo mnuih bi bŏ lăn ala.

Klei Mphŭn Dơ̆ng 9:2

Jih jang hlô mnơ̆ng hlăm lăn ala leh anăn jih jang čĭm hlăm adiê, jih jang mnơ̆ng êbat ban rui ti lăn, leh anăn jih jang kan hlăm êa ksĭ srăng huĭ kơ diih. Kâo jao leh jih jang mnơ̆ng anăn hlăm kngan diih sơăi.

Klei Mphŭn Dơ̆ng 9:7

Bi diih, brei diih bi lar êngŭm, brei diih mâo phung anak čô lu tơl diñu bi bŏ lăn ala.”

Klei Mmuñ Hđăp 112:1

Bi mni kơ Yêhôwa. Jăk mơak yơh pô thâo huĭ mpŭ kơ Yêhôwa, leh anăn khăp gưt klei Ñu mtă.

Y-Êsai 51:2

Brei diih dlăng kơ Y-Abraham ama diih, leh anăn kơ H'Sara pô kkiêng kơ diih. Tơdah Kâo iêô ñu leh, êjai ñu dôk hjăn, Kâo hơêč hmưi kơ ñu, leh anăn brei ñu jing lar.