8 Leh anăn ñu phưi sa drei mgăm, čiăng dlăng thâodah êa hrŏ leh ti rŏng lăn ala;
Ñu phưi sa drei ak. Gơ̆ phiơr êrô hiu tơl êa khuôt ti lăn ala.
ƀiădah mgăm amâo ƀuh anôk gam ôh, snăn gơ̆ lŏ wĭt kơ Y-Nôê ti kŭmpăn; kyuadah ăt dôk êa tar rŏng lăn ala. Ñu yơr kngan mă gơ̆, leh anăn bi mŭt gơ̆ hlăm kŭmpăn mbĭt hŏng ñu.
Nĕ anei, ih jing siam, Ơ pô kâo khăp, nĕ anei, ih jing siam êdi yơh; ală ih jing msĕ si mgăm.
Ơ mgăm kâo, hlăm anôk ƀăng kđang boh tâo, leh anăn ti ping čư̆ dơ̆ng, brei kâo ƀuh ƀô̆ mta ih, brei kâo hmư̆ asăp ih, kyuadah asăp ih blŭ jing mơak mơưr, leh anăn ƀô̆ mta ih siam sĭn.
“Nĕ anei, Kâo tiŏ nao diih msĕ si phung biăp ti krah phung asâo tan. Snăn brei diih thâo răng msĕ si ala leh anăn ênang msĕ si mgăm.