Klei Mphŭn Dơ̆ng 8:1 - Klei Aê Diê Blŭ 2015

¹ Ƀiădah Aê Diê hdơr kơ Y-Nôê leh anăn jih jang hlô dliê leh anăn hlô mnơ̆ng rông dôk mbĭt hŏng ñu hlăm kŭmpăn. Aê Diê brei mâo angĭn thut ti lăn ala, leh anăn êa hrŏ.

Klei Mphŭn Dơ̆ng 8:1 Iomraidhean Croise

Klei Mphŭn Dơ̆ng 19:29

Tơdah Aê Diê bi rai ƀuôn hlăm Lăn Dap, Aê Diê hdơr kơ Y-Abraham, leh anăn bi kbiă Y-Lot mơ̆ng krah klei bi rai anăn tơdah Ñu bi rai ƀuôn Y-Lot dôk mphŭn dô.

Klei Mphŭn Dơ̆ng 30:22

Leh anăn Aê Diê hdơr kơ H'Račel. Ñu hmư̆ gơ̆ leh anăn brei gơ̆ dưi ba tian.

Klei Mphŭn Dơ̆ng 9:10

hŏng jih jang mnơ̆ng hdĭp dôk mbĭt hŏng diih, čĭm čap, hlô mnơ̆ng rông, leh anăn jih jang hlô dliê hlăm lăn ala mbĭt hŏng diih, kơ jih jang mnơ̆ng kbiă leh mơ̆ng kŭmpăn.

Y-Nêhêmi 13:14

Hdơr bĕ kơ kâo, Ơ Aê Diê kâo, kyua klei anăn leh anăn đăm lăm hĕ ôh bruă jăk kâo ngă leh hŏng klei sĭt suôr kơ sang yang Aê Diê kâo leh anăn kơ bruă Ñu.

Y-Nêhêmi 13:22

Kâo mtă kơ phung Lêwi brei diñu bi doh hĕ diñu pô, leh anăn hriê kiă ƀăng jang, čiăng pioh hruê sabat jing hruê doh jăk. “Hdơr bĕ kơ kâo kyua klei anei msĕ mơh, Ơ Aê Diê kâo, leh anăn mgang pioh kâo tui si klei jăk leh anăn klei khăp prŏng Ih.”

Y-Nêhêmi 13:29

Hdơr bĕ kơ diñu, Ơ Aê Diê kâo, kyuadah diñu bi čhŏ leh klei jing khua ngă yang, leh anăn klei bi mguôp phung khua ngă yang leh anăn phung Lêwi.

Y-Nêhêmi 13:31

Leh anăn ti mông bi kčah kâo mkra dưi mâo djuh myơr leh anăn boh hlâo hlang. Hdơr bĕ brei klei jăk kơ kâo, Ơ Aê Diê kâo.

Y-Yôp 12:15

Tơdah Ñu kơ̆ng hĕ êa, digơ̆ khuôt; tơdah Ñu brei digơ̆ đoh, digơ̆ lip čar.

Y-Yôp 14:13

Čiăng snăk Ih mdăp kâo hlăm Ƀuôn Phung Djiê čiăng Ih bi hgăm kâo tơl klei Ih ngêñ ruê̆ leh, čiăng Ih bi kčah ênuk kơ kâo, leh anăn hdơr kơ kâo hlăk anăn!

Klei Mmuñ Hđăp 105:42

Kyuadah Yêhôwa hdơr kơ klei Ñu ƀuăn doh jăk, brei leh kơ Y-Abraham, dĭng buăl Ñu.

Klei Mmuñ Hđăp 106:4

Ơ Yêhôwa, brei Ih hdơr kơ kâo tơdah Ih brei klei jăk kơ phung ƀuôn sang Ih, đru kâo tơdah Ih bi mtlaih diñu,

Klei Mmuñ Hđăp 115:12

Yêhôwa hdơr mĭn leh kơ drei, Ñu srăng brei klei jăk jĭn kơ drei: Ñu srăng brei klei jăk jĭn kơ sang Israel, Ñu srăng brei klei jăk jĭn kơ sang Y-Arôn,

Klei Mmuñ Hđăp 132:1

Ơ Yêhôwa, brei Ih hdơr kơ Y-Đawit, leh anăn kơ jih klei dleh ñu tŭ leh.

Klei Mmuñ Hđăp 136:23

Pô hdơr kơ hmei tơdah hmei knap mñai; kyua klei khăp Ñu dôk nanao hlŏng lar.

Klei Mmuñ Hđăp 137:7

Ơ Yêhôwa, brei Ih hdơr čiăng rŭ ênua kơ phung anak čar Êđôm. Hlăm hruê ƀuôn Yêrusalem lĕ diñu lač, “Bi rai hĕ ñu, bi rai hĕ ñu, tơl truh ti atur ñu.”

Klei Mmuñ Hđăp 29:10

Yêhôwa jing Mtao kiă kriê êa lip; Yêhôwa dôk gŭ jing Mtao hlŏng lar.

Klei Mmuñ Hđăp 36:6

Klei kpă ênô ih jing msĕ si čư̆ Aê Diê, klei ih phat kđi jing msĕ si êa ksĭ êlam; Ơ Yêhôwa, ih yơh răng kriê mnuih wăt hlô mnơ̆ng.

Klei Kbiă 14:21

Y-Môis yơr kngan ñu phă êa ksĭ; leh anăn Yêhôwa bi ñăk hĕ êa ksĭ hŏng angĭn ktang mơ̆ng ngŏ jih mlam, bi thu êa ksĭ, leh anăn êa bi mbha.

Klei Kbiă 15:10

Ih thut leh hŏng angĭn Ih, êa ksĭ guôm diñu leh; diñu kngăm leh msĕ si kmrak hlăm êa êlam.

Klei Kbiă 2:24

Aê Diê hmư̆ klei diñu krao, leh anăn Aê Diê hdơr klei Ñu bi mguôp hŏng Y-Abraham, Y-Isăk, leh anăn Y-Yakôp.

Klei Bi Hriêng 25:23

Msĕ si angĭn mơ̆ng dưr brei adiê hjan, msĕ snăn mơh êlah blŭ êkŭt brei arăng ăl.

Y-Êsai 44:27

Pô lač kơ ƀăng êlam, ‘Khuôt bĕ ih, Kâo srăng bi khuôt hĕ êa krông ih;’

Y-Yêrêmi 50:38

Brei adiê không ti dlông hnoh êa diñu, čiăng kơ digơ̆ khuôt hĕ! Kyuadah ñu jing čar bŏ hŏng rup krah, leh anăn phung anăn khŏ kyua rup yang.

Y-Amôs 8:7

Yêhôwa kat asei leh hŏng klei guh kơang Y-Yakôp, “Sĭt nik Kâo amâo srăng wơr bĭt ôh sa mta bruă diñu ngă.

Y-Yôna 4:11

Amâo jing djŏ hĕ Kâo pap kơ ƀuôn Niniwơ, ƀuôn prŏng anăn, hlăm ƀuôn anăn mâo êbeh kơ sa êtuh dua pluh êbâo čô amâo thâo klei mdê kngan hnuă hŏng kngan điâo ôh, leh anăn msĕ mơh mâo lu hlô mnơ̆ng.”

Y-Nahum 1:4

Ñu ƀuah êa ksĭ leh anăn bi khuôt gơ̆, Ñu bi khuôt jih jang êa krông; čar Basan leh anăn čư̆ Karmel thu krô, mnga čar Liƀan dliu.

Y-Haƀakuk 3:2

Ơ Yêhôwa, kâo hmư̆ leh klei arăng yăl dliê kơ Ih, leh anăn kâo huĭ kơ bruă Ih, Ơ Yêhôwa. Hlăm ênuk anei lŏ bi mrâo bĕ bruă Ih, leh anăn ênuk anei brei arăng ƀuh klei anăn; hlăm klei Ih ngêñ brei Ih hdơr kơ klei pap.

Y-Sakari 10:11

Diñu srăng găn êa ksĭ klei dleh, arăng srăng bi êđăp êlah êa ksĭ poh yă, leh anăn jih jang anôk êlam êa krông Nil srăng khuôt. Arăng srăng mdlưh klei mgao čar Asiri, leh anăn giê mtao čar Êjip srăng luč.

Klei Yap 10:9

Leh anăn hlăm čar diih, tơdah diih nao bi blah hŏng roh ktư̆ juă diih, snăn diih srăng ayŭ ki brei nao bi blah, čiăng kơ Yêhôwa Aê Diê diih hdơr kơ diih, leh anăn diih srăng tlaih kơ phung roh diih.

Klei Yap 22:32

Dĭng buăl jăk Yêhôwa lač kơ ñu, “Si ngă ih čăm aseh dliê ih tlâo blư̆ leh? Nĕ anei, kâo hriê leh čiăng bi kdơ̆ng hŏng ih, kyuadah êlan ih jing wê yơh ti anăp kâo;

Klei Bi Êdah 16:19

Ƀuôn prŏng kčar mbha jing tlâo kdrêč, leh anăn jih jang ƀuôn prŏng hlăm phung găp djuê mnuih klưh, leh anăn Aê Diê hdơr kơ ƀuôn prŏng Ƀaƀilôn, čiăng brei ñu mnăm atŏ kpiê klei Aê Diê ngêñ ktang.

Klei Bi Êdah 18:5

kyuadah klei soh ñu mkăm leh truh ti adiê, leh anăn Aê Diê hdơr leh kơ klei wê ñu.

I Y-Samuel 1:19

Diñu kgŭ aguah ưm leh anăn kkuh mpŭ ti anăp Yêhôwa; leh anăn diñu wĭt kơ sang diñu ti ƀuôn Rama. Y-Êlkana dôk hŏng mô̆ ñu H'An, leh anăn Yêhôwa hdơr kơ gơ̆.