Klei Mphŭn Dơ̆ng 7:11 - Klei Aê Diê Blŭ 2015

¹¹ Tơdah Y-Nôê mâo năm êtuh thŭn, ti mlan dua, hruê pluh kjuh, jih jang akŏ êa ƀăng êlam bluh leh anăn ƀăng bhă điêt ti adiê pŏk leh jih.

Klei Mphŭn Dơ̆ng 7:11 Iomraidhean Croise

Klei Mphŭn Dơ̆ng 1:7

Aê Diê mjing anôk êhŏng čiăng bi kah êa ti gŭ mơ̆ng êa ti dlông anôk êhŏng. Leh anăn klei anăn jing mtam.

Klei Mphŭn Dơ̆ng 6:17

Kyuadah Kâo srăng brei êa lip ti lăn ala čiăng bi rai jih jang mnơ̆ng mâo êwa klei hdĭp ti gŭ adiê; jih jang mnơ̆ng ti rŏng lăn ala srăng djiê.

Klei Mphŭn Dơ̆ng 7:6

Hlăk mâo êa lip ti lăn ala Y-Nôê mâo năm êtuh thŭn leh.

Klei Mphŭn Dơ̆ng 8:14

Ti mlan tal dua, hruê tal dua pluh kjuh, lăn thu leh.

Klei Mphŭn Dơ̆ng 8:2

Akŏ êa ƀăng êlam leh anăn ƀăng bhă điêt ti adiê kđăl leh; leh anăn adiê amâo lŏ hjan ôh.

II Bruă Mtao 7:19

khua kahan anăn lŏ wĭt lač leh kơ mnuih Aê Diê, “Wăt tơdah Yêhôwa Pô srăng ngă ƀăng bhă điêt hlăm adiê, klei anăn dưi truh mơ̆?” Leh anăn Y-Êlisê lač leh, “Ih srăng ƀuh klei anăn hŏng ală ih pô, ƀiădah ih amâo srăng ƀơ̆ng dŏ anăn ôh.”

II Bruă Mtao 7:2

Khua kahan ti kngan pô anăn mtao knang leh lač kơ mnuih Aê Diê, “Wăt tơdah Yêhôwa pô srăng ngă ƀăng bhă điêt hlăm adiê, klei anei dưi truh mơ̆?” Ƀiădah Y-Êlisê lač, “Ih srăng ƀuh klei anăn hŏng ală ih pô, ƀiădah ih amâo srăng ƀơ̆ng dŏ anăn ôh.”

Y-Yôp 12:15

Tơdah Ñu kơ̆ng hĕ êa, digơ̆ khuôt; tơdah Ñu brei digơ̆ đoh, digơ̆ lip čar.

Y-Yôp 28:4

Diñu klei ƀăng êlam ti anôk amâo mâo mnuih dôk ôh; phung hiu amâo truh anôk anăn ôh, diñu yuôl diñu pô dai wĭt nao kbưi mơ̆ng mnuih mkăn.

Y-Yôp 38:16

Ih tuôm trŭn mơ̆ truh ti akŏ êa ksĭ, amâodah êbat ti anôk êa êlam?

Y-Yôp 38:37

Hlei dưi yap knam hŏng klei knhâo? Amâodah hlei dưi brei knam hlăm phung adiê bi lĕ êa hjan,

Klei Mmuñ Hđăp 33:7

Ñu bi kƀĭn êa hlăm êa ksĭ msĕ si hlăm sa boh giêt êa; Ñu dưm êa êlam hlăm anôk pioh diñu.

Klei Mmuñ Hđăp 74:15

Ih mơh brei akŏ êa ƀlĕ leh anăn brei êa hnoh đoh; Ih bi khuôt hĕ êa krông prŏng.

Klei Bi Hriêng 3:20

Hŏng klei thâo mĭn Ñu ƀăng êlam bluh êa, leh anăn knam bi rôč êa nguôm.

Y-Êsai 24:18

Hlei pô đuĕ mơ̆ng ênai bi huĭ srăng lĕ hlăm ƀăng êlam; leh anăn hlei pô kbiă mơ̆ng ƀăng êlam srăng djŏ ñuăl. Kyuadah ƀăng bhă điêt ti adiê pŏk leh, leh anăn atur lăn ala mgei leh.

Y-Êsai 24:19

Lăn rai leh, lăn ala kơhiêk leh, lăn mgei ktang snăk.

Y-Yêrêmi 5:22

“Diih amâo huĭ hĕ kơ Kâo?” Yêhôwa lač; “Diih amâo ktư̆ yơ̆ng hĕ ti anăp Kâo? Kâo dưm leh čuah jing kdriêl kơ êa ksĭ, sa knông dôk nanao êa ksĭ amâo dưi gao ôh; wăt tơdah êa ksĭ poh yă, diñu amâo dưi ngă kơ knông anăn ôh, wăt tơdah diñu gruh, diñu amâo dưi gao knông anăn ôh.

Y-Yêrêmi 51:16

Tơdah Ñu grêñ, phung êa hlăm adiê ktơ̆ng, Ñu brei knam đĭ mơ̆ng knhal lăn ala. Ñu mjing kmlă mbĭt hŏng êa hjan, leh anăn Ñu bi kbiă angĭn mơ̆ng hjiê Ñu.

Y-Êsêkiêl 26:19

Kyuadah snei Yêhôwa Aê Diê lač: “Tơdah Kâo brei ih jing sa boh ƀuôn rai leh, msĕ si ƀuôn arăng amâo lŏ dôk ôh, tơdah Kâo atăt ƀăng êlam kơ ih leh anăn êa prŏng guôm ih,

Y-Malaki 3:10

Djă ba bĕ bi ênŭm jih dŏ sa kdrêč hlăm pluh kơ sang pioh ngăn, čiăng bi mâo mnơ̆ng ƀơ̆ng huă hlăm sang Kâo. Hŏng klei anăn brei diih lông dlăng Kâo,” Yêhôwa kơ phung kahan lač, “Thâodah Kâo amâo srăng pŏk ƀăng bhă điêt hlăm adiê kơ diih leh anăn tuh kơ diih sa klei jăk jĭn êbeh dlai.

Y-Mathiơ 24:38

Kyuadah msĕ si hlăm ênuk êlâo kơ êa lip arăng ƀơ̆ng mnăm, bi dôk ung mô̆, leh anăn brei phung anak diñu dôk ung mô̆ truh ti hruê Y-Nôê mŭt hlăm kŭmpăn,

I Têsalônik 5:3

Êjai phung mnuih lač, “Mâo leh klei êđăp ênang leh anăn klei hơĭt mđao”, hlăk anăn bhiâo riâo rit klei bi rai srăng truh kơ diñu msĕ si klei ruă kkiêng truh kơ sa čô mniê ba tian, leh anăn diñu amâo srăng dưi tlaih ôh.

II Y-Pêtrôs 3:6

Hŏng klei Aê Diê blŭ anăn lăn ala hlăk anăn rai leh hŏng êa lip.