Klei Mphŭn Dơ̆ng 6:9 - Klei Aê Diê Blŭ 2015

⁹ Nĕ anei phung anak čô Y-Nôê. Y-Nôê jing mnuih kpă ênô, amâo mâo klei năng ƀuah ôh hlăm ênuk ñu. Y-Nôê êbat mbĭt hŏng Aê Diê.

Klei Mphŭn Dơ̆ng 6:9 Iomraidhean Croise

Klei Mphŭn Dơ̆ng 10:1

Anei phung anak čô mơ̆ng tlâo čô anak Y-Nôê, Y-Sem, Y-Čam, leh anăn Y-Japhet, kkiêng êdei kơ êa lip.

Klei Mphŭn Dơ̆ng 17:1

Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Mphŭn Dơ̆ng 2:4

Anei yơh, klei mphŭn mâo kơ klei hrih adiê leh anăn lăn ala tơdah Aê Diê hrih diñu. Hlăk ênuk Khua Yang Aê Diê mjing lăn ala leh anăn adiê,

Klei Mphŭn Dơ̆ng 48:15

Ñu hơêč hmưi kơ Y-Yôsep leh anăn lač, “Aê Diê, ti anăp pô anăn aê kâo Y-Abraham, leh anăn ama kâo Y-Isăk êbat leh; Aê Diê, Pô jing mgăt kâo jih klei hdĭp kâo hlŏng kơ hruê anei,

Klei Mphŭn Dơ̆ng 5:1

Anei jing klei čih djŏ kơ phung anak čô Y-Ađam. Tơdah Aê Diê hrih mnuih, Ñu mjing digơ̆ tui si rup Aê Diê pô.

Klei Mphŭn Dơ̆ng 5:22

Leh kkiêng kơ Y-Mêthusêla, Y-Ênŏk êbat mbĭt hŏng Aê Diê tlâo êtuh thŭn, leh anăn ñu lŏ mâo phung anak êkei leh anăn phung anak mniê.

Klei Mphŭn Dơ̆ng 5:24

Y-Ênŏk êbat mbĭt hŏng Aê Diê, êdei tinăn arăng amâo lŏ ƀuh ñu ôh, kyuadah Aê Diê mă ba ñu leh.

Klei Mphŭn Dơ̆ng 6:10

Y-Nôê mâo tlâo čô anak êkei, Y-Sem, Y-Čam, leh anăn Y-Japhet.

Klei Mphŭn Dơ̆ng 7:1

Khua Yang lač kơ Y-Nôê, “Mŭt bĕ hlăm kŭmpăn mbĭt hŏng jih gŏ sang ih, kyuadah Kâo ƀuh ih kpă ênô ti anăp Kâo đơ phung mnuih ênuk anei.

II Y-Samuel 22:24

Kâo amâo mâo klei arăng ƀuah ôh ti anăp Ñu, leh anăn kâo mkhư̆ kâo pô kơ klei wê.

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

II Klei Yăl Dliê 15:17

Ƀiădah arăng amâo bi rai hĕ ôh anôk dlông hlăm čar Israel. Wăt snăn dưn ai tiê Y-Asa amâo mâo klei arăng dưi ƀuah ôh êjai jih hruê ñu dôk hdĭp.

II Klei Yăl Dliê 25:2

Ñu ngă klei djŏ ti anăp ală Yêhôwa, ƀiădah amâo djŏ ôh hŏng ai tiê êngeh sĭt.

Y-Yôp 1:1

Mâo sa čô êkei hlăm čar Us, anăn ñu Y-Yôp; êkei anăn amâo mâo klei arăng dưi ƀuah ôh leh anăn kpă ênô, sa čô huĭ mpŭ kơ Aê Diê, leh anăn weh đuĕ mơ̆ng klei jhat.

Y-Yôp 1:8

Yêhôwa lač kơ Satan, “Ih tuôm ksiêm dlăng mơ̆ kơ dĭng buăl Kâo Y-Yôp, kyuadah amâo mâo ôh sa čô msĕ si ñu ti lăn ala, sa čô êkei amâo mâo klei arăng dưi ƀuah ôh leh anăn kpă ênô, sa čô huĭ mpŭ kơ Aê Diê leh anăn weh đuĕ mơ̆ng klei jhat?”

Y-Yôp 12:4

Kâo jing mnuih mah jiăng kâo djă djik djak; kâo pô tuôm wah lač kơ Aê Diê, leh anăn Ñu lŏ wĭt lač kơ kâo leh, kâo jing sa čô kpă leh anăn amâo mâo klei arăng dưi ƀuah ôh, ƀiădah jing hĕ sa čô mnuih arăng djă djik djak.

Klei Mmuñ Hđăp 37:37

Ksiêm bĕ kơ mnuih jăk leh anăn dlăng kơ mnuih kpă, kyuadah anak čô sa čô mnuih êđăp ênang srăng dôk nanao.

Klei Mmuñ Hđăp 37:39

Klei bi mtlaih phung kpă kbiă hriê mơ̆ng Yêhôwa; Ñu jing anôk đuĕ dăp kơ digơ̆ êjai mâo klei knap mñai.

Klei Bi Hriêng 4:18

Ƀiădah êlan phung kpă ênô jing msĕ si klei mngač ang dar, klei mngač ñu jing ktang hĭn ƀrư̆ ƀrư̆ tơl truh yang hruê dơ̆ng.

Khua Pô Mtô 7:20

Sĭt nik ti lăn ala amâo mâo ôh sa čô mnuih kpă ênô, pô ngă jăk leh anăn amâo tuôm ngă soh ôh.

Y-Êsêkiêl 14:14

wăt tơdah tlâo čô êkei anei, Y-Nôê, Y-Đaniel, leh anăn Y-Yôp, dôk hlăm čar anăn, digơ̆ dưi bi mtlaih knŏng digơ̆ pô kyua klei kpă ênô digơ̆, Yêhôwa Aê Diê lač.

Y-Êsêkiêl 14:20

wăt tơdah Y-Nôê, Y-Đaniel, leh anăn Y-Yôp dôk hlăm čar anăn, tui si Kâo dôk hdĭp Yêhôwa Aê Diê lač, digơ̆ amâo dưi bi mtlaih sa čô anak êkei amâodah sa čô anak mniê ôh; digơ̆ dưi bi mtlaih knŏng hjăn digơ̆ pô kyua klei kpă ênô digơ̆.

Y-Haƀakuk 2:4

Nĕ anei, ñu jing pô mgao; klei ñu čiăng amâo kpă ôh, ƀiădah pô kpă ênô srăng dôk hdĭp kyua klei đăo.

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Y-Luk 2:25

Hlăk anăn mâo ti ƀuôn Yêrusalem sa čô êkei, anăn ñu Y-Simêôn. Ñu jing kpă ênô leh anăn doh jăk. Ñu dôk čang hmăng klei bi juh kơ phung Israel, leh anăn Yang Mngăt Jăk dôk ti ñu.

Y-Luk 23:50

Mâo sa čô êkei, anăn ñu Y-Yôsep, mơ̆ng ƀuôn Arimathê hlăm čar Yuđa. Ñu jing sa čô hlăm phung khua phat kđi, sa čô mnuih jăk leh anăn kpă. Ñu amâo ư ai ôh hŏng klei phung anăn trông čhai leh anăn ngă, leh anăn ñu čang guôn ƀuôn ala mtao Aê Diê.

Bruă Phung Khua Ƀĭng Kna 10:22

Digơ̆ lač, “Y-Kornei, sa čô khua kahan kơ sa êtuh čô, sa čô kpă leh anăn huĭ mpŭ kơ Aê Diê, Pô jih jang phung Yuđa mpŭ. Mâo sa čô dĭng buăl doh jăk mtă brei hriê iêô ih nao kơ sang ñu, čiăng hmư̆ klei ih mtô.”

Hră Y-Pôl Mơĭt kơ Phung Rôm 1:17

Kyuadah klei mrâo mrang jăk bi êdah klei kpă ênô Aê Diê mâo mơ̆ng klei đăo leh anăn atăt kơ klei đăo; tui si klei čih leh, “Pô kpă srăng hdĭp hŏng klei đăo.”

Galati 3:11

Arăng thâo săng mngač leh, amâo tuôm mâo ôh sa čô mnuih mâo klei yap kpă ti anăp Aê Diê tui si klei bhiăn; kyuadah “Pô kpă srăng hdĭp hŏng klei đăo.”

Klei Mtô Mñă Klei Bhiăn 18:13

Brei diih jing phung arăng amâo dưi ƀuah ôh ti anăp Yêhôwa Aê Diê diih.

Hêbrơ 11:7

Hŏng klei đăo Y-Nôê gưt leh anăn ngă sa boh kŭmpăn čiăng bi mtlaih sang ñu, leh Aê Diê hưn kơ ñu kơ klei srăng truh ka arăng tuôm ƀuh ôh. Hŏng klei ngă snăn ñu phat kđi lăn ala leh anăn jing pô dưn klei kpă ênô truh kyua klei đăo.

I Y-Pêtrôs 2:5

Diih msĕ si boh tâo hdĭp, brei Aê Diê mdơ̆ng diih pô hlăm sa boh sang myang, čiăng jing phung khua ngă yang doh jăk, čiăng myơr mnơ̆ng ngă yang myang bi mơak kơ Aê Diê hlăm Yêsu Krist.

II Y-Pêtrôs 2:5

leh anăn tơdah Aê Diê amâo pap brei kơ lăn ala hđăp tơdah Ñu brei êa lip truh kơ phung lăn ala amâo mpŭ kơ Aê Diê ôh, ƀiădah bi mtlaih Y-Nôê, sa čô pô mtô klei kpă ênô, mbĭt hŏng kjuh čô mkăn;