Klei Mphŭn Dơ̆ng 6:7 - Klei Aê Diê Blŭ 2015

⁷ Snăn Khua Yang lač, “Kâo srăng bi rai mơ̆ng lăn ala mnuih kmưn Kâo hrih leh, mnuih kmưn wăt hlô mnơ̆ng, mnơ̆ng êbat ban, leh anăn čĭm hlăm adiê; Kâo hƀlŏk kyua Kâo mjing hĕ leh diñu.”

Klei Mphŭn Dơ̆ng 6:7 Iomraidhean Croise

Y-Sôphôni 1:3

“Kâo srăng bi rai mnuih leh anăn hlô mnơ̆ng; Kâo srăng bi rai čĭm hlăm adiê leh anăn kan hlăm êa ksĭ. Kâo srăng mdlưh hĕ phung ƀai; Kâo srăng bi rai hĕ găp djuê mnuih mơ̆ng rŏng lăn ala,” Yêhôwa lač.

Klei Mmuñ Hđăp 37:20

Ƀiădah phung ƀai srăng rai tuč; phung roh Yêhôwa jing msĕ si klei siam kdrăn rơ̆k: diñu rai tuč, luč msĕ si săp pui.

Klei Bi Hriêng 16:4

Yêhôwa ngă leh jih jang mnơ̆ng pioh kơ klei Ñu čuăn, wăt mnuih ƀai pioh kơ hruê bi kmhal.

Klei Bi Hriêng 10:27

Klei huĭ mpŭ kơ Yêhôwa bi sui hruê arăng dôk hdĭp, ƀiădah thŭn phung soh dôk hdĭp jing ƀiă.

Y-Ôsê 4:3

Kyuanăn čar kơŭ kyăm, jih jang phung dôk hlăm ñu djiu, leh anăn wăt hlô dliê msĕ mơh, leh anăn čĭm phiơr hlăm adiê; wăt kan hlăm êa ksĭ djiê jih.

Klei Mphŭn Dơ̆ng 6:6

Khua Yang hƀlŏk kyuadah Ñu mjing leh mnuih kmưn ti lăn ala, leh anăn Ñu mâo ai tiê ênguôt.

Klei Mphŭn Dơ̆ng 7:4

Kyuadah ăt dôk kjuh hruê Kâo srăng brei adiê hjan ti lăn ala êjai pă pluh hruê leh anăn pă pluh mlam; leh anăn Kâo srăng bi rai hĕ mơ̆ng rŏng lăn ala jih jang mnơ̆ng hdĭp Kâo mjing leh.”

Klei Mphŭn Dơ̆ng 7:21

Jih jang mnơ̆ng thâo kpư̆ hiu ti rŏng lăn ala djiê mơngăt, čĭm, hlô mnơ̆ng rông, hlô dliê, jih jang mnơ̆ng êbat ban rui ti rŏng lăn ala, wăt jih jang mnuih.

Klei Mphŭn Dơ̆ng 8:21

Khua Yang ƀâo mnâo jăk leh anăn lač hlăm ai tiê Ñu, “Kâo amâo srăng lŏ tăm pah kơ lăn ôh kyua mnuih, kyuadah klei mĭn ai tiê mnuih jing jhat dơ̆ng mơ̆ng ñu hlăk ai; kăn Kâo srăng lŏ bi rai rei jih jang mnơ̆ng hdĭp msĕ si Kâo ngă leh.

Klei Mtô Mñă Klei Bhiăn 28:63

Msĕ si Yêhôwa mâo klei mơak êjai ngă jăk kơ diih leh anăn bi lar êngŭm diih, snăn mơh Yêhôwa srăng mâo klei mơak êjai bi truh klei bi luč leh anăn bi rai diih; leh anăn arăng srăng buč hĕ diih mơ̆ng ala čar ih dôk mŭt čiăng mă bha.

Klei Mtô Mñă Klei Bhiăn 29:20

Yêhôwa amâo srăng pap kơ ñu ôh, ƀiădah klei Yêhôwa ăl leh anăn klei gơ̆ trih srăng ngă kơ êkei anăn, leh anăn klei tăm pah čih leh hlăm hdruôm hră anei srăng lĕ ti ñu, leh anăn Yêhôwa srăng lăm anăn ñu mơ̆ng ti gŭ adiê.

I Y-Samuel 15:11

“Kâo hƀlŏk kơ klei Kâo mjing leh Y-Sôl mtao; kyuadah ñu lui wir leh amâo lŏ tui hlue Kâo ôh, leh anăn amâo ngă ôh tui si klei Kâo mtă leh.” Y-Samuel ngêñ snăk leh anăn ur kơ Yêhôwa jih mlam.

Y-Amôs 7:3

Yêhôwa bi mlih klei mĭn, “Klei anei amâo srăng truh ôh,” Yêhôwa lač.

Y-Amôs 7:6

Yêhôwa bi mlih klei mĭn, “Klei anei msĕ mơh amâo srăng truh ôh,” Aê Diê Yêhôwa lač.

Y-Sôphôni 1:2

“Kâo srăng bi rai hĕ jih jang mnơ̆ng mơ̆ng rŏng lăn ala,” Yêhôwa lač.

Y-Sôphôni 1:18

Prăk amâodah mah diñu amâo dưi bi mtlaih diñu ôh ti hruê klei Yêhôwa ngêñ. Hŏng pui klei trih Ñu, jih jang lăn ala srăng rai tuč; kyuadah sĭt yơh bhiâo riâo rit Ñu srăng bi rai luč jih jang mnuih dôk ti lăn ala.”

Y-Êsai 27:11

Tơdah adhan ñu krô, arăng đăk diñu, phung mniê hriê mă yua kơ djuh. Kyuadah phung ƀuôn sang anei amâo mâo klei thâo săng ôh. Kyuanăn Pô hrih diñu amâo srăng pap kơ diñu ôh; Pô mjing diñu amâo srăng bi êdah klei jăk kơ diñu ôh.