Klei Mphŭn Dơ̆ng 6:3 - Klei Aê Diê Blŭ 2015

³ Khua Yang lač, “Mngăt myang Kâo amâo srăng dôk nanao hlăm mnuih kmưn ôh, kyuadah ñu jing kđeh. Ƀiădah ăt ñu srăng dôk hdĭp sa êtuh dua pluh thŭn.”

Klei Mphŭn Dơ̆ng 6:3 Iomraidhean Croise

Klei Mphŭn Dơ̆ng 6:2

phung anak êkei Aê Diê ƀuh phung anak mniê phung mnuih kmưn jing siam; leh anăn digơ̆ dôk mô̆ hŏng hlei pô digơ̆ ruah.

Y-Nêhêmi 9:30

Ih gĭr hŏng diñu êjai lu thŭn, leh anăn hưn brei diñu răng hŏng Yang Mngăt Jăk Ih mơ̆ng phung khua pô hưn êlâo Ih; ƀiădah diñu amâo čiăng mđing knga ôh. Kyua anăn Ih jao diñu leh hlăm kngan phung ƀuôn sang hlăm čar.

Klei Mmuñ Hđăp 78:39

Aê Diê hdơr kơ diñu jing knŏng kđeh, sa êwa angĭn găn leh anăn amâo lŏ hriê ôh.

Klei Mmuñ Hđăp 90:10

Thŭn hmei dôk hdĭp mâo kjuh pluh thŭn, năng ai phung ktang mâo sa păn pluh thŭn; dŭm thŭn anăn bi truh knŏng klei suăi leh anăn klei dleh, thŭn hmei găn pral leh anăn hmei djiê.

Y-Êsai 5:4

Ya klei yuôm ăt dôk kơ đang boh kriăk ƀâo Kâo, Kâo ka ngă brei kơ ñu ôh? Êjai Kâo čang hmăng kơ ñu srăng mâo boh jăk, si ñu mâo hĕ boh jhat lĕ?

Y-Êsai 57:16

Kyuadah Kâo amâo srăng bi tăng nanao ôh, kăn srăng ăl nanao rei; huĭdah mngăt êwa phung mnuih Kâo hrih leh srăng tuč.

Y-Êsai 63:10

Ƀiădah digơ̆ bi kdơ̆ng leh anăn bi ênguôt leh Yang Mngăt Doh Jăk Ñu; kyuanăn Ñu lŏ wir jing roh digơ̆, Ñu pô bi blah hŏng digơ̆.

Y-Yêrêmi 11:11

Kyuanăn Yêhôwa lač snei, ‘Nĕ anei Kâo dơ̆ng bi truh klei jhat kơ diñu leh anăn diñu amâo dưi tlaih ôh; wăt tơdah diñu ur kơ Kâo, Kâo amâo srăng dôk hmư̆ diñu ôh.

Y-Yêrêmi 11:7

Kyuadah hŏng klei ktang Kâo hưn leh brei phung aê diih răng tơdah Kâo atăt diñu kbiă mơ̆ng čar Êjip, brei diñu răng nanao, hlŏng truh kơ hruê anei, lač, “Gưt bĕ asăp Kâo.”

Klei Yap 11:17

Kâo srăng trŭn leh anăn tinăn Kâo srăng blŭ hŏng ih; Kâo srăng mă Mngăt Myang dôk ti dlông ih leh anăn dưm gơ̆ msĕ mơh ti dlông diñu; leh anăn diñu srăng klam klei ktrŏ phung ƀuôn sang mbĭt hŏng ih, čiăng kơ ih amâo klam hjăn ih ôh klei anăn.

Y-Yôhan 3:6

Ya mnơ̆ng kkiêng hŏng kđeh jing kđeh, leh anăn ya mnơ̆ng kkiêng hŏng Mngăt Myang jing mngăt.

Bruă Phung Khua Ƀĭng Kna 7:51

Ơ phung ƀuôn sang khăng kŏ, ai tiê leh anăn knga amâo mâo khăt klĭt ôh. Diih bi kdơ̆ng nanao hŏng Yang Mngăt Jăk. Msĕ si phung aê diih ngă leh, diih ngă msĕ mơh.

I Têsalônik 5:19

Đăm bi ram Yang Mngăt Jăk ôh.