Klei Mphŭn Dơ̆ng 48:9 - Klei Aê Diê Blŭ 2015

⁹ Y-Yôsep lač kơ ama ñu, “Diñu jing anak êkei kâo Aê Diê brei kơ kâo leh tinei.” Y-Israel lač, “Brei diñu hriê giăm kâo, kâo akâo kơ ih, čiăng kơ kâo dưi hơêč hmưi kơ diñu.”

Klei Mphŭn Dơ̆ng 48:9 Iomraidhean Croise

Klei Mphŭn Dơ̆ng 27:4

Mkra čĭm hlô anăn kơ kâo tui si kâo khăp ƀơ̆ng. Ba kơ kâo čiăng kơ kâo ƀơ̆ng leh anăn kâo dưi hơêč hmưi kơ ih, êlâo kâo djiê.”

Klei Mphŭn Dơ̆ng 30:2

Y-Yakôp đĭ ai ăl kơ H'Račel leh anăn lač, “Kâo hĕ jing Aê Diê, Pô hngah brei anak kơ ih?”

Klei Mphŭn Dơ̆ng 33:5

Y-Êsâo kngưr ală ƀuh phung mniê leh anăn phung anak, lač, “Hlei phung anei mbĭt hŏng ih?” Y-Yakôp lač, “Phung anak Aê Diê brei leh kơ dĭng buăl ih hŏng klei pap.”

Klei Mphŭn Dơ̆ng 49:28

Jih phung anei jing phung pluh dua găp djuê Israel; leh anăn snăn klei ama diñu blŭ tơdah gơ̆ hơêč hmưi kơ diñu. Gơ̆ brei kơ grăp čô diñu klei hơêč hmưi năng kơ pô mdê mdê.

I Klei Yăl Dliê 25:5

Jih jang phung anăn jing phung anak êkei Y-Hêman pô thâo bi ƀuh kơ mtao, tui si klei Aê Diê ƀuăn čiăng bi mđĭ ñu; kyuadah Aê Diê brei leh kơ Y-Hêman pluh pă čô anak êkei leh anăn tlâo čô anak mniê.

Klei Mmuñ Hđăp 127:3

Nĕ anei, phung anak jing ngăn dưn mơ̆ng Yêhôwa; leh anăn boh mơ̆ng tian prôč jing klei mưn.

Y-Êsai 8:18

Nĕ anei, kâo leh anăn phung anak Yêhôwa brei leh kơ kâo jing klei bi knăl leh anăn klei bi hmô hlăm čar Israel mơ̆ng Yêhôwa kơ phung kahan, Pô dôk ti čư̆ Siôn.

Klei Mtô Mñă Klei Bhiăn 33:1

Anei jing klei jăk jĭn Y-Môis, mnuih Aê Diê hơêč hmưi leh kơ phung anak Israel êlâo ñu djiê.

Hêbrơ 11:21

Hŏng klei đăo Y-Yakôp, hlăk ñu dơ̆ng djiê, hơêč hmưi klei jăk jĭn kơ grăp čô anak êkei Y-Yôsep, êjai dôk krơ̆ng ti giê dra, ñu kkui kŏ kkuh mpŭ kơ Aê Diê.

I Y-Samuel 1:20

Hlăm thŭn anăn, H'An ba tian leh anăn kkiêng kơ sa čô anak êkei. Ñu bi anăn gơ̆ Y-Samuel, kyuadah ñu lač, “Kâo akâo leh gơ̆ mơ̆ng Yêhôwa.”

I Y-Samuel 1:27

Kyua hđeh anei yơh kâo wah lač leh; leh anăn Yêhôwa brei leh klei kâo wah lač kơ Ñu.