Klei Mphŭn Dơ̆ng 48:4 - Klei Aê Diê Blŭ 2015

⁴ Ñu lač kơ kâo, ‘Nĕ anei, Kâo srăng brei ih jing lu leh anăn bi lar êngŭm. Kâo srăng brei ih jing sa phung găp djuê, leh anăn Kâo srăng brei čar anei kơ phung anak čô ih êdei jing dŏ diñu hlŏng lar.’

Klei Mphŭn Dơ̆ng 48:4 Iomraidhean Croise

Klei Mphŭn Dơ̆ng 12:2

Kâo srăng brei ih jing sa găp djuê prŏng; Kâo srăng brei klei jăk jĭn kơ ih; Kâo srăng brei anăn ih mâo klei hing ang, leh anăn ih srăng jing klei jăk jĭn kơ phung mkăn.

Klei Mphŭn Dơ̆ng 17:13

Arăng srăng khăt klĭt hlei pô kkiêng hlăm sang ih leh anăn hlei pô arăng blei hŏng prăk. Snăn klei Kâo bi mguôp srăng bi êdah hlăm asei mlei ih jing klei bi mguôp hlŏng lar.

Klei Mphŭn Dơ̆ng 17:6

Kâo srăng brei ih mâo lu anak čô, leh anăn Kâo srăng bi kbiă phung găp djuê mnuih mơ̆ng ih, leh anăn phung mtao srăng kbiă mơ̆ng ih.

Klei Mphŭn Dơ̆ng 17:8

Jih čar Kanaan ih dôk ară anei, Kâo srăng brei kơ ih leh anăn kơ phung anak čô ih kơ êdei, srăng jing dŏ diñu hlŏng lar; leh anăn Kâo srăng jing Aê Diê diñu.”

Klei Mphŭn Dơ̆ng 22:17

Kâo srăng brei klei jăk jĭn kơ ih, leh anăn Kâo srăng bi lar phung anak čô ih msĕ si mtŭ hlăm adiê leh anăn msĕ si čuah ti hang êa ksĭ. Leh anăn phung anak čô ih srăng dưi hŏng phung roh diñu.

Klei Mphŭn Dơ̆ng 26:4

Kâo srăng bi lar phung anak čô ih msĕ si mtŭ hlăm adiê; leh anăn Kâo srăng brei jih čar anei kơ phung anak čô ih. Jih jang găp djuê hlăm lăn ala srăng mâo klei jăk jĭn kyua phung anak čô ih;

Klei Mphŭn Dơ̆ng 28:3

Brei Aê Diê, Pô Mâo Jih Klei Myang, brei klei jăk jĭn kơ ih leh anăn bi lar êngŭm ih, čiăng kơ ih srăng jing sa phung ƀuôn sang lu.

Klei Mphŭn Dơ̆ng 32:12

Ƀiădah Ih lač leh, ‘Kâo srăng ngă klei jăk kơ ih, leh anăn Kâo srăng brei phung anak čô ih lu msĕ si čuah êa ksĭ, arăng amâo dưi yap ôh kyuadah lu êdimima.’ ”

Klei Mphŭn Dơ̆ng 35:11

Aê Diê lač kơ ñu, “Kâo jing Aê Diê, Pô Mâo Jih Klei Myang. Brei ih bi lar êngŭm. Sa phung găp djuê leh anăn lu phung găp djuê srăng kbiă hriê mơ̆ng ih, leh anăn mơ̆ng tian prôč ih srăng kbiă phung mtao.

Klei Mphŭn Dơ̆ng 46:3

Aê Diê lač, “Kâo jing Aê Diê, Aê Diê ama ih. Đăm huĭ ôh trŭn nao kơ čar Êjip; kyuadah tinăn Kâo srăng brei ih jing sa găp djuê prŏng.

Klei Mphŭn Dơ̆ng 47:27

Phung Israel dôk hlăm čar Êjip ti krĭng Gôsen. Diñu mkăm dŏ dô tinăn, mđĭ ngăn drăp, leh anăn bi lar êngŭm.

Klei Mmuñ Hđăp 127:3

Nĕ anei, phung anak jing ngăn dưn mơ̆ng Yêhôwa; leh anăn boh mơ̆ng tian prôč jing klei mưn.

Klei Kbiă 1:11

Snăn arăng mdưm phung khua bruă kiă diñu, čiăng bi knap diñu hŏng bruă ktrŏ. Diñu ngă ƀuôn hjiê kơ Pharaôn, ƀuôn Pithôm, leh anăn ƀuôn Ramse.

Klei Kbiă 1:7

Ƀiădah phung Israel kkiêng lu anak, jing lar êngŭm, đĭ hĭn, leh anăn jing ktang hĭn nanao; leh anăn čar anăn bŏ hŏng diñu.

Y-Êsêkiêl 37:25

Diñu srăng dôk hlăm čar phung aê diih dôk leh, čar anăn Kâo brei leh kơ dĭng buăl Kâo Y-Yakôp, diñu leh anăn phung anak diñu leh anăn phung čô diñu hlŏng lar; leh anăn Y-Đawit dĭng buăl Kâo srăng jing khua diñu hlŏng lar.

Bruă Lêwi 26:9

Kâo srăng wir anăp uêñ kơ diih leh anăn bi lar êngŭm diih, leh anăn bi kjăp klei Kâo bi mguôp hŏng diih.

Klei Mtô Mñă Klei Bhiăn 32:8

Tơdah Pô Ti Dlông Hĭn brei leh kơ phung găp djuê mnuih ngăn dưn diñu, tơdah Ñu bi ktlah phung anak mnuih, Ñu bi kčah kdriêl phung ƀuôn sang tui si dŭm čô phung anak Israel.