Klei Mphŭn Dơ̆ng 42:2 - Klei Aê Diê Blŭ 2015

² Ñu lač, “Kâo hmư̆ leh mâo mdiê hlăm čar Êjip. Trŭn nao bĕ tinăn, blei mdiê kơ drei čiăng kơ drei dôk hdĭp leh anăn amâo djiê ôh.”

Klei Mphŭn Dơ̆ng 42:2 Iomraidhean Croise

Klei Mphŭn Dơ̆ng 42:3

Snăn pluh čô ayŏng Y-Yôsep trŭn nao čiăng blei mdiê hlăm čar Êjip.

Klei Mphŭn Dơ̆ng 43:2

Tơdah jih leh diñu ƀơ̆ng huă mdiê diñu djă ba mơ̆ng čar Êjip, ama diñu lač kơ diñu, “Lŏ nao blei bĕ mnơ̆ng ƀơ̆ng huă ƀiă kơ drei.”

Klei Mphŭn Dơ̆ng 43:4

Tơdah ih srăng tiŏ nao adei hmei mbĭt hŏng hmei, snăn kơh hmei srăng nao blei mnơ̆ng ƀơ̆ng huă kơ ih.

Klei Mphŭn Dơ̆ng 43:8

Y-Yuđa lač kơ Y-Israel ama ñu, “Brei hđeh anăn nao mbĭt hŏng kâo. Hmei srăng kgŭ nao, snăn drei srăng dôk hdĭp, amâo djiê ôh, hmei, ih, leh anăn phung anak hmei.

Klei Mphŭn Dơ̆ng 45:9

Ruăt bĕ diih, wĭt kơ ama kâo leh anăn lač kơ ñu snei, ‘Anak ih Y-Yôsep blŭ, Aê Diê brei kâo jing khua kơ jih čar Êjip. Hriê bĕ kơ kâo, đăm lŏ krư̆i ôh.

Klei Mmuñ Hđăp 118:17

Kâo amâo srăng djiê ôh ƀiădah srăng dôk hdĭp, leh anăn hưn bruă Yêhôwa ngă leh.

Klei Mmuñ Hđăp 33:18

Nĕ anei, ală Yêhôwa dlăng kơ phung huĭ mpŭ kơ Ñu, kơ phung knang kơ klei Ñu khăp sĭt suôr,

Klei Mmuñ Hđăp 33:19

čiăng kơ Ñu bi mtlaih mngăt digơ̆ mơ̆ng klei djiê, leh anăn pioh klei hdĭp digơ̆ êjai klei ư̆ êpa.

Y-Êsai 38:1

Ênuk anăn Y-Hêsêkia ruă giăm djiê. Khua pô hưn êlâo Y-Êsai anak êkei Y-Amôt nao kơ ñu leh anăn lač, “Snei Yêhôwa lač: ‘Bi leh jih bruă hlăm sang ih, kyuadah ih srăng djiê, amâo lŏ dôk hdĭp ôh.’ ”

Y-Mathiơ 4:4

Ƀiădah Yêsu lŏ wĭt lač, “Klei Aê Diê Blŭ čih leh snei: ‘Mnuih hdĭp amâo djŏ knŏng hŏng kpŭng ôh, ƀiădah kyua jih klei blŭ kbiă mơ̆ng ƀăng êgei Aê Diê.’ ”

Bruă Phung Khua Ƀĭng Kna 7:12

Tơdah Y-Yakôp hmư̆ hing mâo mdiê hlăm čar Êjip, ñu tiŏ nao phung aê drei tinăn tal êlâo.