Klei Mphŭn Dơ̆ng 4:4 - Klei Aê Diê Blŭ 2015

⁴ Bi Y-Aƀel myơr phung êđai biăp mđai tal êlâo leh anăn prăi digơ̆. Khua Yang tŭ Y-Aƀel leh anăn mnơ̆ng ñu myơr.

Klei Mphŭn Dơ̆ng 4:4 Iomraidhean Croise

Klei Mphŭn Dơ̆ng 15:17

Leh yang hruê lĕ mâo klei mmăt, nĕ anei mâo kpur pui ƀlĕ săp leh anăn mâo pui arôk găn ti plah wah kdrêč hlô blah anăn.

Klei Mphŭn Dơ̆ng 4:3

Sui ƀiă tinăn Y-Kain ba mnơ̆ng myơr kơ Khua Yang boh mơ̆ng lăn.

I Bruă Mtao 18:24

Brei diih iêô anăn yang diih, leh anăn kâo srăng iêô anăn Yêhôwa. Leh anăn yang pô lŏ wĭt lač hŏng pui, Ñu yơh jing Aê Diê.” Leh anăn jih jang phung ƀuôn sang lŏ wĭt lač, “Klei blŭ anăn djŏ leh.”

I Bruă Mtao 18:38

Hlăk anăn pui Yêhôwa trŭn leh anăn ƀơ̆ng mnơ̆ng myơr čuh, djuh, boh tâo, ƀruih lăn, leh anăn hrip hĕ êa hlăm mnuôr.

I Klei Yăl Dliê 21:26

Y-Đawit mdơ̆ng tinăn sa boh knưl kơ Yêhôwa leh anăn myơr mnơ̆ng myơr čuh leh anăn mnơ̆ng myơr kơ klei êđăp ênang, leh anăn iêô wah lač kơ anăn Yêhôwa, leh anăn Yêhôwa lŏ wĭt lač kơ ñu hŏng pui mơ̆ng adiê lĕ ti dlông knưl myơr mnơ̆ng myơr čuh.

II Klei Yăl Dliê 7:1

Tơdah Y-Salômôn bi ruê̆ leh klei ñu wah lač, pui trŭn mơ̆ng adiê leh anăn čuh hĕ mnơ̆ng myơr čuh leh anăn mnơ̆ng ngă yang; leh anăn klei guh kơang Yêhôwa bi bŏ sang yang.

Klei Mmuñ Hđăp 20:3

Akâo Ñu hdơr kơ jih jang mnơ̆ng ih myơr, leh anăn akâo Ñu tŭ mnơ̆ng ngă yang ih myơr čuh! (Sêla)

Klei Kbiă 13:12

brei ih pioh brei kơ Yêhôwa jih jang anak êkei khua; jih jang êđai khua knô hlô mnơ̆ng rông jing dŏ Yêhôwa.

Klei Bi Hriêng 3:9

Mpŭ kơ Yêhôwa hŏng mnơ̆ng mơ̆ng klei mdrŏng ih, leh anăn hŏng boh hlâo hlang mơ̆ng bruă ih.

Khua Pô Mtô 4:4

Leh anăn kâo ƀuh leh jih jang klei suăi leh anăn klei mbruă kbiă hriê mơ̆ng klei tluh kơ pô riêng gah ñu. Klei anăn msĕ mơh jing klei hơăi mang leh anăn klei tiŏ angĭn.

Bruă Lêwi 9:24

Pui kbiă mơ̆ng anăp Yêhôwa leh anăn ƀơ̆ng mnơ̆ng myơr čuh leh anăn prăi ti dlông knưl. Tơdah jih jang phung ƀuôn sang ƀuh klei anăn, diñu ur hơ̆k leh anăn buôn kŭp ƀô̆ ti lăn.

Klei Yap 16:15

Y-Môis ăl snăk, leh anăn lač kơ Yêhôwa, “Đăm mpŭ kơ mnơ̆ng diñu myơr ôh. Kâo amâo tuôm mă mơ̆ng diñu sa drei aseh dliê ôh, leh anăn kâo amâo tuôm ngă klei jhat kơ sa čô diñu ôh.”

Klei Yap 16:35

Leh anăn pui kbiă mơ̆ng Yêhôwa čuh phung dua êtuh êma pluh čô êkei myơr mnơ̆ng ƀâo mngưi.

Klei Yap 18:12

Kâo brei kơ ih mnơ̆ng hlâo hlang diñu srăng myơr kơ Yêhôwa, jih jang êa prăi boh ôliwơ jăk hĭn, jih jang kpiê leh anăn mdiê jăk hĭn, boh hlâo hlang diñu brei kơ Yêhôwa.

Klei Yap 18:17

Ƀiădah ih amâo srăng brei lŏ bi tui ôh êđai êmô tal êlâo, êđai biăp tal êlâo, amâodah êđai bê tal êlâo; diñu jing doh jăk. Ih srăng hƀrah êrah diñu ti dlông knưl, leh anăn srăng čuh prăi diñu jing mnơ̆ng myơr brei pui ƀơ̆ng, mnâo ƀâo mngưi kơ Yêhôwa.

Hêbrơ 11:4

Hŏng klei đăo Y-Aƀel myơr kơ Aê Diê mnơ̆ng ngă yang jăk hĭn kơ Y-Kain. Hŏng klei đăo anăn Aê Diê tŭ ñu jing kpă, hưn bi êdah klei anăn êjai tŭ mnơ̆ng ñu myơr. Ñu djiê leh, ƀiădah hŏng klei ñu đăo ñu ăt dôk blŭ.

Hêbrơ 9:22

Sĭt nik tui si klei bhiăn păt čiăng jih jang mnơ̆ng arăng bi doh hŏng êrah, leh anăn tơdah amâo mâo ôh êrah tuh, amâo mâo klei pap brei kơ klei soh ôh.

Klei Bi Êdah 13:8

Jih jang mnuih dôk ti lăn ala srăng kkuh mpŭ kơ ñu, grăp čô amâo mâo anăn čih leh mơ̆ng êlâo klei hrih lăn ala hlăm hdruôm hră klei hdĭp Êđai Biăp, Pô arăng bi mdjiê leh.

Phung Khua Phat Kđi 6:21

Dĭng buăl jăk Yêhôwa yơr êdŭk giê Ñu djă ti kngan leh anăn dưh ti kđeh čĭm leh anăn ti ƀêñ amâo mâo kpei. Leh anăn pui ƀlĕ mơ̆ng boh tâo čuh kđeh čĭm leh anăn ƀêñ amâo mâo kpei. Leh anăn dĭng buăl jăk Yêhôwa đuĕ mơ̆ng anăp ală ñu.

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.