Klei Mphŭn Dơ̆ng 39:3 - Klei Aê Diê Blŭ 2015

³ Khua ñu ƀuh Yêhôwa dôk mbĭt hŏng ñu, leh anăn Yêhôwa brei jih bruă ñu ngă jing sơăi.

Klei Mphŭn Dơ̆ng 39:3 Iomraidhean Croise

Klei Mphŭn Dơ̆ng 21:20

Aê Diê dôk mbĭt hŏng hđeh êdam anăn, leh anăn ñu hriê kơ prŏng. Ñu dôk hlăm kdrăn tač, leh anăn ñu jing pô knhăk mnah hna kmêč.

Klei Mphŭn Dơ̆ng 21:22

Hlăk anăn Y-Abimêlek mbĭt hŏng khua kahan ñu Y-Pikôl lač kơ Y-Abraham, “Aê Diê dôk mbĭt hŏng ih hlăm jih bruă ih ngă.

Klei Mphŭn Dơ̆ng 21:23

Kyuanăn ară anei hin brei ih kat asei kơ kâo tinei hŏng anăn Aê Diê ih amâo srăng mplư kâo ôh, phung anak, čô, čĕ kâo kăn rei. Ƀiădah msĕ si kâo ngă jăk leh hŏng ih, brei ih srăng ngă jăk msĕ mơh hŏng kâo leh anăn kơ čar ih dôk jưh bhiâo anei.”

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Klei Mphŭn Dơ̆ng 26:28

Diñu lač, “Hmei ƀuh mngač leh Yêhôwa dôk mbĭt hŏng ih; snăn hmei mĭn, ‘Brei mâo klei kat asei hdơ̆ng ih hŏng hmei’ — brei hmei ngă klei bi mguôp hŏng ih;

Klei Mphŭn Dơ̆ng 30:27

Y-Laban lač kơ ñu, “Brei kâo lač klei anei: kâo thâo Yêhôwa brei leh klei jăk jĭn kơ kâo kyua ih.

Klei Mphŭn Dơ̆ng 30:30

Kyuadah ih mâo ƀiă mnơ̆ng êlâo kâo truh, ƀiădah ñu đĭ jing lu. Yêhôwa brei leh klei jăk jĭn kơ ih ti anôk kâo nao. Bi ară anei hin, hbĭl kâo srăng bi mâo mnơ̆ng kơ sang kâo pô lĕ?”

Klei Mphŭn Dơ̆ng 39:2

Yêhôwa dôk mbĭt hŏng Y-Yôsep, leh anăn ngăn drăp ñu đĭ nanao. Ñu dôk hlăm sang khua ñu, mnuih Êjip.

Klei Mphŭn Dơ̆ng 39:21

Ƀiădah Yêhôwa dôk mbĭt hŏng Y-Yôsep leh anăn bi êdah klei jăk kơ ñu, brei ñu mâo klei pap ti anăp ală khua war mnă.

Klei Mphŭn Dơ̆ng 39:23

Khua war mnă amâo dlăng ôh ya bruă Y-Yôsep ngă, kyuadah Yêhôwa dôk mbĭt hŏng ñu; leh anăn Yêhôwa brei bruă ñu jing sơăi.

II Bruă Mtao 18:7

Yêhôwa dôk mbĭt hŏng ñu. Ti anôk ñu kbiă nao, ñu mâo klei dưi. Ñu bi kdơ̆ng hŏng mtao Asiri, leh anăn amâo mă bruă kơ gơ̆ ôh.

I Klei Yăl Dliê 22:13

Snăn ih srăng mâo klei čăt jing tơdah ih răng čiăng djă pioh klei bhiăn leh anăn klei mtă Yêhôwa brei leh kơ Y-Môis djŏ kơ phung Israel. Jing ktang bĕ, leh anăn jing jhŏng bĕ. Đăm huĭ ôh, đăm êdu ai ôh.

I Klei Yăl Dliê 9:20

Ênuk êlâo Y-Phinêas anak êkei khua ngă yang Y-Êlêasar jing khua kơ diñu; Yêhôwa dôk mbĭt hŏng ñu.

II Klei Yăl Dliê 1:1

Y-Salômôn anak êkei Y-Đawit bi kjăp ñu pô hlăm ƀuôn ala mtao ñu, leh anăn Yêhôwa Aê Diê ñu dôk mbĭt hŏng ñu leh anăn brei ñu jing prŏng êdimima.

II Klei Yăl Dliê 26:5

Ñu čuăn duah Aê Diê hlăm ênuk Y-Sakari, pô bi hriăm ñu klei huĭ mpŭ kơ Aê Diê; leh anăn êjai ñu duah Yêhôwa, Aê Diê brei ñu čăt đĭ.

Y-Nêhêmi 2:20

Kâo lŏ wĭt lač kơ diñu, “Aê Diê hlăm adiê srăng brei hmei dưi, leh anăn hmei phung dĭng buăl Ñu srăng kgŭ leh anăn mdơ̆ng; ƀiădah diih amâo mâo sa kdrêč amâodah klei dưi amâodah klei bi hdơr hlăm ƀuôn Yêrusalem ôh.”

Klei Mmuñ Hđăp 1:3

Ñu jing msĕ si sa ƀĕ ana kyâo pla giăm êa hnoh, mboh tơdah truh yan gơ̆; wăt hla ñu amâo thâo krô ôh, leh anăn jih klei ñu ngă srăng jing.

Y-Sakari 8:23

Snei Yêhôwa kơ phung kahan lač: “Hlăm ênuk anăn pluh čô êkei mơ̆ng jih jang klei blŭ hlăm phung găp djuê mnuih srăng djă kơ̆ng sa čô Yuđa ti kdrŭn ao, lač, ‘Brei hmei nao mbĭt hŏng diih, kyuadah hmei hmư̆ leh Aê Diê dôk mbĭt hŏng diih.’ ”

Y-Mathiơ 5:16

Msĕ mơh brei klei mngač diih mtrang ti anăp mnuih, čiăng kơ diñu dưi ƀuh bruă jăk diih ngă leh anăn diñu mpŭ mni kơ Ama diih hlăm adiê.”

I Kôrantô 16:2

Ti hruê tal sa grăp hruê kăm, brei grăp čô diih mkăm pioh mdê tui si ñu dưi ƀơ̆ng đĭ leh, čiăng kơ diih myơr amâo guôn ôh tơl kâo truh.

Klei Mtô Mñă Klei Bhiăn 2:7

Kyuadah Yêhôwa Aê Diê ih hơêč hmưi klei jăk jĭn leh kơ ih hlăm jih jang bruă kngan ih ngă. Ñu thâo kral leh klei ih hiu găn kdrăn tač prŏng anei; êjai pă pluh thŭn anei Yêhôwa Aê Diê ih dôk mbĭt hŏng ih leh; ih amâo kƀah sa mnơ̆ng ôh.’

Y-Yôsuê 1:9

Amâo djŏ hĕ Kâo mtă leh kơ ih? Brei ih jing ktang leh anăn mâo ai tiê jhŏng. Đăm huĭ ôh, kăn êdu ai rei, kyuadah Yêhôwa Aê Diê ih dôk mbĭt hŏng ih ti anôk ih nao.”

Klei Bi Êdah 3:9

Nĕ anei Kâo srăng brei phung kkuh mpŭ kơ Satan, phung lač diñu jing phung Yuđa ƀiădah amâo jing ôh, diñu luar yơh — nĕ anei Kâo srăng brei diñu hriê buôn kkuh ti jơ̆ng ih leh anăn thâo Kâo khăp kơ ih leh.

I Y-Samuel 18:14

Y-Đawit mâo klei dưi hlăm jih bruă ñu ngă, kyuadah Yêhôwa dôk mbĭt hŏng ñu.

I Y-Samuel 18:28

Tơdah Y-Sôl ƀuh leh anăn thâo Yêhôwa dôk mbĭt hŏng Y-Đawit leh anăn anak mniê ñu H'Mikal khăp kơ gơ̆,

I Y-Samuel 3:19

Y-Samuel hriê kơ prŏng; Yêhôwa dôk mbĭt hŏng ñu, leh anăn amâo brei sa mta klei ñu blŭ luč hơăi mang ôh.