Klei Mphŭn Dơ̆ng 39:2 - Klei Aê Diê Blŭ 2015

² Yêhôwa dôk mbĭt hŏng Y-Yôsep, leh anăn ngăn drăp ñu đĭ nanao. Ñu dôk hlăm sang khua ñu, mnuih Êjip.

Klei Mphŭn Dơ̆ng 39:2 Iomraidhean Croise

Klei Mphŭn Dơ̆ng 21:20

Aê Diê dôk mbĭt hŏng hđeh êdam anăn, leh anăn ñu hriê kơ prŏng. Ñu dôk hlăm kdrăn tač, leh anăn ñu jing pô knhăk mnah hna kmêč.

Klei Mphŭn Dơ̆ng 21:22

Hlăk anăn Y-Abimêlek mbĭt hŏng khua kahan ñu Y-Pikôl lač kơ Y-Abraham, “Aê Diê dôk mbĭt hŏng ih hlăm jih bruă ih ngă.

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Klei Mphŭn Dơ̆ng 26:28

Diñu lač, “Hmei ƀuh mngač leh Yêhôwa dôk mbĭt hŏng ih; snăn hmei mĭn, ‘Brei mâo klei kat asei hdơ̆ng ih hŏng hmei’ — brei hmei ngă klei bi mguôp hŏng ih;

Klei Mphŭn Dơ̆ng 28:15

Nĕ anei, Kâo dôk mbĭt hŏng ih, leh anăn Kâo srăng kiă kriê ih hlăm djăp anôk ih srăng nao, leh anăn srăng lŏ atăt ih wĭt kơ čar anei; kyuadah Kâo amâo srăng lui ih ôh tơl Kâo ngă leh klei Kâo blŭ kơ ih.”

Klei Mphŭn Dơ̆ng 39:23

Khua war mnă amâo dlăng ôh ya bruă Y-Yôsep ngă, kyuadah Yêhôwa dôk mbĭt hŏng ñu; leh anăn Yêhôwa brei bruă ñu jing sơăi.

Klei Mphŭn Dơ̆ng 39:3

Khua ñu ƀuh Yêhôwa dôk mbĭt hŏng ñu, leh anăn Yêhôwa brei jih bruă ñu ngă jing sơăi.

II Bruă Mtao 18:7

Yêhôwa dôk mbĭt hŏng ñu. Ti anôk ñu kbiă nao, ñu mâo klei dưi. Ñu bi kdơ̆ng hŏng mtao Asiri, leh anăn amâo mă bruă kơ gơ̆ ôh.

I Klei Yăl Dliê 9:20

Ênuk êlâo Y-Phinêas anak êkei khua ngă yang Y-Êlêasar jing khua kơ diñu; Yêhôwa dôk mbĭt hŏng ñu.

II Klei Yăl Dliê 1:1

Y-Salômôn anak êkei Y-Đawit bi kjăp ñu pô hlăm ƀuôn ala mtao ñu, leh anăn Yêhôwa Aê Diê ñu dôk mbĭt hŏng ñu leh anăn brei ñu jing prŏng êdimima.

Klei Mmuñ Hđăp 1:3

Ñu jing msĕ si sa ƀĕ ana kyâo pla giăm êa hnoh, mboh tơdah truh yan gơ̆; wăt hla ñu amâo thâo krô ôh, leh anăn jih klei ñu ngă srăng jing.

Klei Mmuñ Hđăp 46:11

Yêhôwa kơ phung kahan dôk mbĭt hŏng hmei; Aê Diê Y-Yakôp jing anôk hmei đuĕ dăp. (Sêla)

Klei Mmuñ Hđăp 46:7

Yêhôwa kơ phung kahan dôk mbĭt hŏng hmei; Aê Diê Y-Yakôp jing anôk hmei đuĕ dăp. (Sêla)

Klei Mmuñ Hđăp 91:15

Ñu srăng iêô wah lač kơ Kâo, Kâo srăng lŏ wĭt lač kơ ñu; Kâo srăng dôk mbĭt hŏng ñu hlăm klei rŭng răng; Kâo srăng bi mtlaih ñu leh anăn mpŭ kơ ñu.

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 43:2

Tơdah diih găn êa, Kâo srăng dôk mbĭt hŏng diih; leh anăn tơdah diih găn êa krông, diñu amâo srăng bi kngăm diih ôh. Tơdah diih êbat hlăm pui, ñu amâo srăng čuh diih ôh, kăn êlah pui srăng ƀơ̆ng diih rei.

Y-Yêrêmi 15:20

Kâo srăng brei ih jing mnư̆ kơ phung ƀuôn sang anei, mnư̆ kjăp ngă hŏng kông; diñu srăng bi blah hŏng ih, ƀiădah diñu amâo srăng dưi hŏng ih ôh, kyuadah kâo dôk mbĭt hŏng ih, čiăng bi mtlaih leh anăn bi êngiê ih,” Yêhôwa lač.

Y-Mathiơ 1:23

“Nĕ anei, sa čô mniê êra hrông srăng kkiêng kơ sa čô anak êkei, leh anăn arăng srăng bi anăn gơ̆ Êmanuel,” čiăng lač, “Aê Diê dôk mbĭt hŏng drei.”

Bruă Phung Khua Ƀĭng Kna 8:31

Ñu lač, “Si kâo dưi thâo săng, tơdah arăng amâo mblang brei kơ kâo?” Leh anăn ñu jak Y-Philip đĭ êdeh mbĭt hŏng ñu.

I Y-Timôthê 6:1

Brei jih jang dôk ti gŭ knông jing hlŭn yap phung khua diñu năng kơ jih klei mpŭ, čiăng kơ arăng amâo dlao wač ôh kơ anăn Aê Diê leh anăn kơ klei mtô klei đăo.

Y-Yôsuê 1:5

Amâo mâo pô srăng dưi bi kdơ̆ng hŏng ih ôh jih jang hruê ih dôk hdĭp. Kâo srăng dôk mbĭt hŏng ih msĕ si Kâo dôk leh mbĭt hŏng Y-Môis; Kâo amâo srăng lui amâodah hngah ih ôh.

Y-Yôsuê 1:9

Amâo djŏ hĕ Kâo mtă leh kơ ih? Brei ih jing ktang leh anăn mâo ai tiê jhŏng. Đăm huĭ ôh, kăn êdu ai rei, kyuadah Yêhôwa Aê Diê ih dôk mbĭt hŏng ih ti anôk ih nao.”

Y-Yôsuê 6:27

Snăn Yêhôwa dôk mbĭt hŏng Y-Yôsuê; leh anăn ñu mâo klei hing ang tar ƀar čar.

I Y-Samuel 16:18

Sa čô hlăm phung êkei hlăk ai lŏ wĭt lač, “Nĕ anei, kâo ƀuh leh sa čô anak êkei Y-Yêsê mnuih ƀuôn Betlêhem, gơ̆ jing pô knhăk pĕ brô̆, sa čô jhŏng ktang, sa čô thâo bi blah, thâo răng kơ klei blŭ, leh anăn sa čô thâo piăt asei mlei; leh anăn Yêhôwa dôk mbĭt hŏng gơ̆.”

I Y-Samuel 18:14

Y-Đawit mâo klei dưi hlăm jih bruă ñu ngă, kyuadah Yêhôwa dôk mbĭt hŏng ñu.

I Y-Samuel 18:28

Tơdah Y-Sôl ƀuh leh anăn thâo Yêhôwa dôk mbĭt hŏng Y-Đawit leh anăn anak mniê ñu H'Mikal khăp kơ gơ̆,

I Y-Samuel 3:19

Y-Samuel hriê kơ prŏng; Yêhôwa dôk mbĭt hŏng ñu, leh anăn amâo brei sa mta klei ñu blŭ luč hơăi mang ôh.