Klei Mphŭn Dơ̆ng 3:8 - Klei Aê Diê Blŭ 2015

⁸ Diñu hmư̆ ênai Khua Yang Aê Diê êbat hlăm war djam êjai angĭn êđăp thut ti tlam. Êkei leh anăn mô̆ ñu đuĕ dăp kơ Yêhôwa Aê Diê ti krah ana kyâo hlăm war djam.

Klei Mphŭn Dơ̆ng 3:8 Iomraidhean Croise

Klei Mphŭn Dơ̆ng 18:33

Khua Yang đuĕ nao tơdah leh ruê̆ blŭ hŏng Y-Abraham, leh anăn Y-Abraham wĭt kơ anôk gơ̆.

Klei Mphŭn Dơ̆ng 3:10

Êkei anăn lač, “Kâo hmư̆ ênai Ih hlăm war djam, leh anăn kâo huĭ kyuadah kâo dôk lưng mlŭn; snăn yơh kâo đuĕ dăp.”

Y-Yôp 22:14

Knam kpal guôm Ñu tơl Ñu amâo dưi thâo ƀuh ôh, leh anăn Ñu êbat ti dlông čuôr adiê.’

Y-Yôp 31:33

tơdah kâo mdăp leh klei kâo gao klei bhiăn msĕ si mnuih khăng ngă, êjai bi hgăm klei wê kâo hlăm ai tiê kâo,

Y-Yôp 38:1

Yêhôwa lŏ wĭt lač kơ Y-Yôp mơ̆ng angĭn đrŭng:

Klei Bi Hriêng 15:3

Ală Yêhôwa dlăng tar ƀar anôk, kăp dlăng phung ƀai leh anăn phung jăk.

Y-Yêrêmi 23:24

“Dưi mơ̆ sa čô mdăp ñu pô hlăm anôk hgăm tơl Kâo amâo dưi ƀuh ñu ôh?” Yêhôwa lač. “Amâo djŏ hĕ Kâo bi bŏ phung adiê wăt lăn ala mơh?” Yêhôwa lač.

Y-Ôsê 10:8

Anôk dlông ti Bet-Awen jing klei soh Israel, arăng srăng bi rai hĕ. Êruê ana leh anăn êruê hruĕ srăng čăt ti dlông knưl diñu, leh anăn diñu srăng lač kơ čư̆, “Guôm bĕ hmei?” leh anăn kơ kbuôn, “Lĕ bĕ ti dlông hmei!”

Bruă Lêwi 26:12

Kâo srăng êbat ti krah diih, Kâo srăng jing Aê Diê diih, leh anăn diih srăng jing phung ƀuôn sang Kâo.

Y-Yôna 1:3

Ƀiădah Y-Yôna kgŭ đuĕ nao kơ čar Tarsis mơ̆ng anăp Yêhôwa. Ñu trŭn nao kơ ƀuôn Jôpa, leh anăn ƀuh sa boh kŭmpăn nao kơ čar Tarsis; snăn ñu mưn leh anăn đĭ, čiăng nao mbĭt hŏng digơ̆ kơ čar Tarsis, đuĕ mơ̆ng anăp Yêhôwa.

Hră Y-Pôl Mơĭt kơ Phung Rôm 2:15

Diñu bi êdah ya bruă klei bhiăn mtă, arăng čih leh hlăm ai tiê diñu, êjai ai tiê kpă diñu msĕ mơh hưn bi sĭt, leh anăn klei mĭn diñu tăp năng kčŭt kơ diñu tăp năng mgang diñu.

Klei Mtô Mñă Klei Bhiăn 23:14

Kyuadah Yêhôwa Aê Diê diih êbat ti krah wăl diih, čiăng bi mtlaih diih leh anăn čiăng jao phung roh diih ti anăp diih, kyuanăn brei wăl diih jing doh jăk, čiăng kơ Ñu amâo ƀuh ôh sa mnơ̆ng čhŏ ti krah diih, leh anăn đuĕ hĕ mơ̆ng diih.”

Klei Mtô Mñă Klei Bhiăn 4:33

Tuôm mâo mơ̆ sa phung ƀuôn sang hmư̆ asăp yang blŭ mơ̆ng krah pui msĕ si diih hmư̆ leh, leh anăn ăt dôk hdĭp?

Klei Mtô Mñă Klei Bhiăn 5:25

Kyuanăn ară anei, ya ngă hmei lŏ djiê? Kyuadah pui prŏng anei srăng ƀơ̆ng hmei; tơdah hmei lŏ hmư̆ asăp Yêhôwa Aê Diê hmei, hmei srăng djiê yơh.

Hêbrơ 4:13

Leh anăn ti anăp Ñu amâo mâo sa mnơ̆ng hrih leh dưi dôk hgăm, ƀiădah jih jang mnơ̆ng pŏk leh anăn bi êdah leh ti anăp ală Pô drei srăng hưn bruă drei ngă.

Klei Bi Êdah 6:15

Leh anăn phung mtao ti lăn ala, phung prŏng, phung khua kahan, phung mdrŏng, phung ktang, jih jang phung hlŭn leh anăn phung êngiê đuĕ dăp hlăm ƀăng leh anăn hlăm anôk boh tâo ti čư̆.