Klei Mphŭn Dơ̆ng 3:12 - Klei Aê Diê Blŭ 2015

¹² Êkei anăn lač, “Mniê Ih brei dôk mbĭt hŏng kâo, ñu yơh brei kơ kâo boh ana kyâo anăn leh anăn kâo ƀơ̆ng hĕ.”

Klei Mphŭn Dơ̆ng 3:12 Iomraidhean Croise

Klei Mphŭn Dơ̆ng 2:18

Khua Yang Aê Diê lač, “Amâo jăk ôh êkei anăn dôk hjăn; Kâo srăng mjing brei kơ ñu sa čô pô đru năng kơ ñu.”

Klei Mphŭn Dơ̆ng 2:20

Êkei anăn bi anăn kơ jih jang hlô mnơ̆ng rông, kơ čĭm hlăm adiê, leh anăn kơ jih jang hlô hlăm dliê; ƀiădah amâo ƀuh ôh sa čô năng dưi jing pô đru gơ̆.

Klei Mphŭn Dơ̆ng 2:22

Hŏng klang Ñu mă mơ̆ng êkei anăn, Khua Yang Aê Diê mjing sa čô mniê, leh anăn Ñu atăt ba gơ̆ kơ êkei anăn.

Klei Mphŭn Dơ̆ng 3:11

Khua Yang Aê Diê lač, “Hlei hưn kơ ih dôk lưng mlŭn? Ih tuôm ƀơ̆ng mơ̆ boh ana kyâo Kâo ghă leh amâo brei ih ƀơ̆ng anăn?”

Y-Yôp 31:33

tơdah kâo mdăp leh klei kâo gao klei bhiăn msĕ si mnuih khăng ngă, êjai bi hgăm klei wê kâo hlăm ai tiê kâo,

Klei Bi Hriêng 19:3

Klei mluk sa čô mnuih bi rai klei hdĭp ñu, ƀiădah lĕ ai tiê ñu ngêñ kơ Yêhôwa.

Klei Bi Hriêng 28:13

Hlei pô mdăp klei soh ñu amâo srăng mâo klei đĭ kyar ôh, ƀiădah hlei pô hưn leh anăn lui klei soh anăn srăng mâo klei pap.

Y-Luk 10:29

Ƀiădah ñu čiăng bi kpă ñu pô, snăn lač kơ Yêsu, “Hlei jing pô riêng gah kâo?”

Hră Y-Pôl Mơĭt kơ Phung Rôm 10:3

Kyuadah êjai diñu amâo thâo kral ôh klei kpă ênô kbiă hriê mơ̆ng Aê Diê, leh anăn duah čiăng mjing klei kpă ênô diñu pô, diñu amâo mă tŭ ôh klei kpă ênô Aê Diê.

I Y-Samuel 15:15

Y-Sôl lač, “Diñu đoh ba digơ̆ mơ̆ng phung Amalek; kyuadah phung ƀuôn sang hơưi kơ biăp leh anăn êmô jăk hĭn čiăng ngă yang kơ Yêhôwa Aê Diê ih; leh anăn mnơ̆ng mkăn hmei bi rai hĕ jih.”