Klei Mphŭn Dơ̆ng 3:1 - Klei Aê Diê Blŭ 2015

¹ Ala jing mnêč hĭn kơ jih jang hlô mnơ̆ng dliê Khua Yang Aê Diê mjing leh. Ñu lač kơ mniê, “Sĭt nik hĕ Aê Diê lač, ‘Đăm diih ƀơ̆ng ôh boh jih jang ana kyâo hlăm war djam’?”

Klei Mphŭn Dơ̆ng 3:1 Iomraidhean Croise

Khua Pô Mtô 4:10

Kyuadah tơdah sa čô lĕ buh, sa čô mkăn srăng bi kơrŭ găp ñu; ƀiădah knap mñai yơh kơ pô dôk hjăn tơdah ñu lĕ buh, amâo mâo pô mkăn bi kơrŭ ñu ôh.

Y-Êsai 27:1

Hlăm hruê anăn, Yêhôwa srăng bi kmhal Lêwiathan, ala đuĕ prăl, hŏng đao gưm Ñu khăng, prŏng ktang; Ñu srăng bi kmhal Lêwiathan, ala wê wăn; leh anăn Ñu srăng bi mdjiê anak rai dôk hlăm êa ksĭ.

Y-Mathiơ 10:16

“Nĕ anei, Kâo tiŏ nao diih msĕ si phung biăp ti krah phung asâo tan. Snăn brei diih thâo răng msĕ si ala leh anăn ênang msĕ si mgăm.

Y-Mathiơ 4:3

Yang mplư hriê kơ Ñu leh anăn lač, “Tơdah ih jing Anak Aê Diê, mtă bĕ kơ boh tâo anei brei jing klŏ kpŭng.”

Y-Mathiơ 4:6

leh anăn lač kơ Ñu, “Tơdah ih jing Anak Aê Diê, kdâo bĕ ti lăn; kyuadah Klei Aê Diê Blŭ čih leh snei: ‘Aê Diê srăng brei phung dĭng buăl jăk Ñu kiă kriê ih,’ leh anăn ‘Diñu srăng pŭ ih huĭdah jơ̆ng ih sô̆ hŏng boh tâo.’ ”

Y-Mathiơ 4:9

leh anăn yang jhat lač kơ Ñu, “Kâo srăng brei kơ ih jih jang mnơ̆ng anei tơdah ih buôn leh anăn kkuh mpŭ kơ kâo.”

II Kôrantô 11:14

Klei anăn amâo bi kngăr ôh, kyuadah wăt Satan mgưt ñu pô jing msĕ si sa čô dĭng buăl jăk klei mngač.

II Kôrantô 11:3

Ƀiădah kâo huĭ msĕ si ala mplư leh H'Êwơ hŏng klei ñu thâo mnêč, snăn mơh klei mĭn diih srăng weh đuĕ mơ̆ng klei diih jao leh diih pô kơ Krist hŏng klei kpă leh anăn klei doh.

I Y-Pêtrôs 3:7

Msĕ mơh, Ơ phung ung, brei diih dôk dơ̆ng ƀơ̆ng huă hŏng mô̆ diih hŏng klei thâo mĭn, mpŭ kơ mô̆ jing phung awăt hĭn hlăm asei mlei, kyuadah diñu jing phung dưn mbĭt klei pap kơ klei hdĭp, čiăng kơ amâo mâo klei bi gun ôh kơ klei diih wah lač.

Klei Bi Êdah 12:15

Ala pruih êa msĕ sa hnoh êa krông mơ̆ng ƀăng êgei ñu ti tluôn mniê anăn, čiăng bi mơngăt gơ̆ hŏng êa.

Klei Bi Êdah 12:9

Leh anăn arăng dlăm anak rai prŏng ti gŭ, ala hđăp anăn, arăng pia Yang Jhat leh anăn Satan, pô mplư jih lăn ala. Arăng dlăm phung dĭng buăl ñu mbĭt hŏng ñu.

Klei Bi Êdah 20:2

Ñu mă anak rai, ala hđăp, pô jing Yang Jhat leh anăn Satan, leh anăn kă ñu êjai sa êbâo thŭn,