Klei Mphŭn Dơ̆ng 27:43 - Klei Aê Diê Blŭ 2015

⁴³ Ară anei Ơ dam, gưt asăp kâo. Kgŭ bĕ ih leh anăn đuĕ nao kơ ƀuôn Čaran kơ Y-Laban ayŏng kâo.

Klei Mphŭn Dơ̆ng 27:43 Iomraidhean Croise

Klei Mphŭn Dơ̆ng 11:31

Y-Têra mă anak êkei ñu Y-Abram leh anăn čô ñu Y-Lot anak êkei Y-Haran, leh anăn H'Sarai mtâo mniê ñu, mô̆ Y-Abram anak êkei ñu, leh anăn diñu kbiă mbĭt mơ̆ng ƀuôn Ur hlăm čar Kaldê čiăng nao kơ čar Kanaan. Ƀiădah diñu nao truh ti ƀuôn Čaran leh anăn dôk tinăn.

Klei Mphŭn Dơ̆ng 24:29

H'Rêƀêka mâo sa čô ayŏng bi anăn Y-Laban. Y-Laban êran nao kơ mnuih anăn ti akŏ êa.

Klei Mphŭn Dơ̆ng 25:20

Y-Isăk mâo pă pluh thŭn tơdah ñu dôk mô̆ ñu H'Rêƀêka anak mniê Y-Bêthuel, sa čô Siri mơ̆ng čar Padan-Aram, adei mniê Y-Laban sa čô Siri.

Klei Mphŭn Dơ̆ng 27:13

Amĭ ñu lač kơ ñu, “Ơ dam, brei klei tăm pah ih lĕ ti kâo. Knŏng gưt asăp kâo leh anăn nao mă êđai bê kơ kâo.”

Klei Mphŭn Dơ̆ng 27:42

Arăng hưn kơ H'Rêƀêka klei Y-Êsâo anak khua ñu blŭ. Ñu brei arăng iêô Y-Yakôp anak mda ñu, leh anăn lač kơ gơ̆, “Nĕ anei, Y-Êsâo ayŏng ih bi juh ñu pô hŏng klei mĭn bi mdjiê ih.

Klei Mphŭn Dơ̆ng 27:8

Ară anei, Ơ dam, gưt asăp kâo tui si klei kâo mtă kơ ih.

Klei Mphŭn Dơ̆ng 28:10

Y-Yakôp đuĕ mơ̆ng ƀuôn Bêr-Sêba leh anăn nao phă ƀuôn Čaran.

Klei Mphŭn Dơ̆ng 28:5

Snăn Y-Isăk brei Y-Yakôp nao. Ñu nao ti čar Padan-Aram kơ Y-Laban anak êkei Y-Bêthuel, mnuih Aram, ayŏng H'Rêƀêka, amĭ Y-Yakôp leh anăn Y-Êsâo.

Klei Mphŭn Dơ̆ng 28:7

Leh anăn Y-Êsâo ƀuh Y-Yakôp gưt leh asăp amĭ ama ñu, nao leh kơ čar Padan-Aram.

Klei Mphŭn Dơ̆ng 35:1

Aê Diê lač kơ Y-Yakôp, “Kgŭ bĕ ih, đĭ nao kơ ƀuôn Bêthel leh anăn dôk tinăn. Mdơ̆ng tinăn sa boh knưl ngă yang kơ Aê Diê, Pô bi êdah leh kơ ih hlăk ih đuĕ mơ̆ng ƀô̆ mta Y-Êsâo ayŏng ih.”

Klei Bi Hriêng 30:17

Ak hlăm tlung srăng čoh ală leh anăn tlang grư̆ srăng ƀơ̆ng kđeh mnuih mưč kơ ama leh anăn hngah amâo gưt asăp kơ amĭ.

Y-Yêrêmi 35:14

‘Klei Y-Jônadap anak êkei Y-Rêkap mtă kơ phung anak êkei ñu, đăm mnăm kpiê ôh, diñu gưt leh. Truh kơ hruê anei diñu ka tuôm mnăm ôh, kyuadah diñu gưt leh klei aê diñu mtă. Kâo blŭ leh nanao kơ diih, ƀiădah diih amâo tuôm gưt asăp Kâo ôh.

Bruă Phung Khua Ƀĭng Kna 5:29

Ƀiădah Y-Pêtrôs leh anăn phung khua ƀĭng kna lŏ wĭt lač, “Hmei srăng gưt kơ Aê Diê, hĭn hŏng gưt kơ mnuih.