Klei Mphŭn Dơ̆ng 27:2 - Klei Aê Diê Blŭ 2015

² Ñu lač, “Nĕ anei, kâo mduôn leh; kâo amâo thâo ôh hruê kâo srăng djiê.

Klei Mphŭn Dơ̆ng 27:2 Iomraidhean Croise

Klei Mphŭn Dơ̆ng 27:3

Ară anei mă mnơ̆ng ih hiu dliê, đĭng tiông leh anăn hna kmêč ih. Nao hlăm dliê leh anăn mnah hlô kơ kâo.

Klei Mphŭn Dơ̆ng 47:29

Tơdah hruê Y-Israel djiê dơ̆ng giăm leh; ñu iêô anak êkei ñu Y-Yôsep leh anăn lač kơ gơ̆, “Tơdah kâo mâo klei pap ti anăp ală ih, dưm kngan ih ti gŭ pha kâo, leh anăn ƀuăn ngă kơ kâo hŏng klei sĭt suôr leh anăn klei sĭt nik: đăm dơr kâo ôh hlăm čar Êjip.

Klei Mphŭn Dơ̆ng 48:21

Y-Israel lač kơ Y-Yôsep, “Nĕ anei, kâo dơ̆ng djiê, ƀiădah Aê Diê srăng dôk mbĭt hŏng diih, leh anăn Ñu srăng lŏ atăt diih wĭt kơ čar phung ama diih.

Klei Bi Hriêng 27:1

Đăm bi mni kơ hruê mgi ôh, kyuadah ih amâo thâo ôh ya srăng truh grăp hruê.

Khua Pô Mtô 9:10

Ya klei kngan ih ngă, ngă bĕ klei anăn hŏng jih klei ktang ih, kyuadah amâo mâo ôh bruă amâodah klei mĭn amâodah klei thâo săng amâodah klei thâo mĭn hlăm Ƀuôn Phung Djiê, kơ anôk anăn ih srăng nao.

Y-Êsai 38:1

Ênuk anăn Y-Hêsêkia ruă giăm djiê. Khua pô hưn êlâo Y-Êsai anak êkei Y-Amôt nao kơ ñu leh anăn lač, “Snei Yêhôwa lač: ‘Bi leh jih bruă hlăm sang ih, kyuadah ih srăng djiê, amâo lŏ dôk hdĭp ôh.’ ”

Y-Êsai 38:3

“Ơ Yêhôwa, kâo kwưh kơ Ih, brei Ih hdơr ară anei klei kâo dôk dơ̆ng ƀơ̆ng huă leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Mtao Y-Hêsêkia hia ênguôt snăk.

Y-Markôs 13:35

Snăn răng bĕ, kyuadah diih amâo thâo ôh hbĭl khua sang srăng truh, thâodah ti tlam, amâodah ti krah mlam, amâodah ti mnŭ kdjô̆, amâodah ti aguah,

Y-Yakơ 4:14

Ƀiădah diih amâo thâo ôh ya klei srăng truh mgi. Ya klei hdĭp diih jing? Kyuadah diih jing msĕ si êa hŭl bi êdah bhiâo leh anăn luč hĕ mliêt.

I Y-Samuel 20:3

Ƀiădah Y-Đawit lŏ wĭt lač hŏng klei kat asei, “Ama ih thâo klă leh kơ kâo mâo klei pap ti anăp ală ih; snăn ñu mĭn, ‘Đăm brei Y-Jônathan thâo klei anei ôh, huĭdah ñu ênguôt.’ Ƀiădah sĭt nik, tui si Yêhôwa dôk hdĭp leh anăn mngăt ih dôk hdĭp, mâo knŏng sa knhuang plah wah kâo hŏng klei djiê.”