Klei Mphŭn Dơ̆ng 26:8 - Klei Aê Diê Blŭ 2015

⁸ Tơdah ñu dôk tinăn sui leh, Y-Abimêlek mtao phung Philistin dôk dlăng ti ƀăng bhă điêt leh anăn ƀuh Y-Isăk dôk kmiêk H'Rêƀêka mô̆ ñu.

Klei Mphŭn Dơ̆ng 26:8 Iomraidhean Croise

Klei Mphŭn Dơ̆ng 26:7

Tơdah phung mnuih ƀuôn anăn êmuh ñu kơ mô̆ ñu, ñu lač, “Gơ̆ jing adei mniê kâo,” kyuadah ñu mĭn “Phung mnuih anôk anei srăng bi mdjiê kâo kyua H'Rêƀêka,” kyuadah gơ̆ siam snăk dlăng.

Klei Mphŭn Dơ̆ng 26:9

Y-Abimêlek iêô Y-Isăk leh anăn lač, “Sĭt nik gơ̆ jing mô̆ ih. Si ih lač, ‘Gơ̆ jing adei mniê kâo’?” Y-Isăk lač kơ ñu, “Kyuadah kâo mĭn kâo srăng djiê kyua gơ̆.”

Klei Bi Hriêng 7:6

Sa hruê, kâo dôk ti ƀăng bhă điêt sang kâo, kâo dôk dlăng mơ̆ng anôk anăn.

Khua Pô Mtô 9:9

Dôk hdĭp hơ̆k mơak bĕ hŏng mô̆ ih khăp jih jang hruê ih dôk hdĭp hơăi mang Aê Diê brei leh kơ ih ti gŭ yang hruê, kyuadah anăn jing kdrêč bi mbha kơ ih hlăm klei hdĭp leh anăn hlăm bruă ih ngă suăi ti gŭ yang hruê.

Klei Mmuñ Siam Hĭn 2:9

Pô kâo khăp jing msĕ si sa drei ktŏng, amâodah sa drei hlô rang knô êdam. Nĕ anei, ñu dôk dơ̆ng ti tluôn mtih sang hmei, ñu iêp ti ƀăng bhă điêt leh anăn dlăng ti mrang ƀăng bhă.

Y-Êsai 62:5

Kyuadah msĕ si sa čô êkei hlăk ai dôk mô̆ sa čô mniê êra hrông, msĕ snăn mơh phung anak êkei ih srăng dôk ih; leh anăn msĕ si êkei dôk mô̆ hơ̆k mơak kyua mniê ñu dôk, msĕ snăn mơh Aê Diê ih srăng hơ̆k mơak kyua ih.

Phung Khua Phat Kđi 5:28

Amĭ Y-Sisêra dlăng mơ̆ng ƀăng bhă điêt, êjai ñu iêp ñu ur mơ̆ng giê gang ƀăng bhă điêt. ‘Si ngă êdeh aseh ñu hnui truh? Si ngă ka hmư̆ ôh ênai pông êdeh aseh ñu?’