Klei Mphŭn Dơ̆ng 26:3 - Klei Aê Diê Blŭ 2015

³ Dôk hlăm čar anei leh anăn Kâo srăng dôk mbĭt hŏng ih leh anăn brei klei jăk jĭn kơ ih; kyuadah Kâo srăng brei jih čar anei kơ ih leh anăn kơ phung anak čô ih; leh anăn Kâo srăng bi sĭt klei kâo kat asei leh kơ Y-Abraham ama ih.

Klei Mphŭn Dơ̆ng 26:3 Iomraidhean Croise

Klei Mphŭn Dơ̆ng 12:7

Khua Yang bi êdah Ñu pô kơ Y-Abram leh anăn lač, “Kâo srăng brei čar anei kơ phung anak čô ih.” Snăn tinăn ñu mdơ̆ng sa boh knưl ngă yang kơ Khua Yang, Pô bi êdah leh kơ ñu.

Klei Mphŭn Dơ̆ng 13:15

jih jang lăn ih ƀuh Kâo srăng brei kơ ih leh anăn kơ phung anak čô ih hlŏng lar.

Klei Mphŭn Dơ̆ng 13:17

Kgŭ bĕ ih, êbat hiu tar ƀar čar anei, kyuadah Kâo srăng brei čar anei kơ ih.”

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

Klei Mphŭn Dơ̆ng 17:19

Aê Diê lač, “Hơăi, ƀiădah H'Sara mô̆ ih srăng kkiêng sa čô anak êkei kơ ih, leh anăn brei ih bi anăn ñu Y-Isăk; Kâo srăng bi kjăp klei Kâo bi mguôp hŏng ñu jing klei bi mguôp hlŏng lar kơ phung anak čô ñu kơ êdei.

Klei Mphŭn Dơ̆ng 17:8

Jih čar Kanaan ih dôk ară anei, Kâo srăng brei kơ ih leh anăn kơ phung anak čô ih kơ êdei, srăng jing dŏ diñu hlŏng lar; leh anăn Kâo srăng jing Aê Diê diñu.”

Klei Mphŭn Dơ̆ng 20:1

Y-Abraham đuĕ mơ̆ng anăn nao phă Dhŭng. Ñu dôk ti plah wah ƀuôn Kadês leh anăn kdrăn tač Sur, leh anăn ñu dôk bhiâo ti ƀuôn Gêrar.

Klei Mphŭn Dơ̆ng 25:11

Leh djiê Y-Abraham, Aê Diê brei klei jăk jĭn kơ Y-Isăk anak ñu. Y-Isăk dôk giăm kbăng êa Bêr-La-Hai-Rôi.

Klei Mphŭn Dơ̆ng 26:12

Y-Isăk buh pla hlăm čar anăn, leh anăn ñu wiă thŭn anăn sa êtuh blư̆ đĭ hĭn. Yêhôwa brei klei jăk jĭn kơ ñu,

Klei Mphŭn Dơ̆ng 26:14

Ñu mâo biăp lu, êmô lu, leh anăn phung dĭng buăl lu. Snăn phung Philistin nač kơ ñu.

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Klei Mphŭn Dơ̆ng 28:13

Nĕ anei, Yêhôwa dôk dơ̆ng ti dlông êñan leh anăn lač, “Kâo jing Yêhôwa, Aê Diê Y-Abraham aê ih leh anăn Aê Diê Y-Isăk. Lăn ih dôk đih Kâo srăng brei kơ ih leh anăn kơ phung anak čô ih.

Klei Mphŭn Dơ̆ng 28:15

Nĕ anei, Kâo dôk mbĭt hŏng ih, leh anăn Kâo srăng kiă kriê ih hlăm djăp anôk ih srăng nao, leh anăn srăng lŏ atăt ih wĭt kơ čar anei; kyuadah Kâo amâo srăng lui ih ôh tơl Kâo ngă leh klei Kâo blŭ kơ ih.”

Klei Mphŭn Dơ̆ng 31:3

Leh anăn Yêhôwa lač kơ Y-Yakôp, “Wĭt bĕ kơ čar phung aê ih leh anăn kơ phung găp djuê ih, leh anăn Kâo srăng dôk mbĭt hŏng ih.”

Klei Mphŭn Dơ̆ng 35:12

Kâo srăng brei kơ ih leh anăn kơ phung anak čô ih êdei kơ ih čar Kâo brei leh kơ Y-Abraham leh anăn kơ Y-Isăk.”

Klei Mphŭn Dơ̆ng 39:2

Yêhôwa dôk mbĭt hŏng Y-Yôsep, leh anăn ngăn drăp ñu đĭ nanao. Ñu dôk hlăm sang khua ñu, mnuih Êjip.

Klei Mphŭn Dơ̆ng 39:21

Ƀiădah Yêhôwa dôk mbĭt hŏng Y-Yôsep leh anăn bi êdah klei jăk kơ ñu, brei ñu mâo klei pap ti anăp ală khua war mnă.

Klei Mphŭn Dơ̆ng 48:21

Y-Israel lač kơ Y-Yôsep, “Nĕ anei, kâo dơ̆ng djiê, ƀiădah Aê Diê srăng dôk mbĭt hŏng diih, leh anăn Ñu srăng lŏ atăt diih wĭt kơ čar phung ama diih.

Klei Mphŭn Dơ̆ng 50:24

Y-Yôsep lač kơ phung ayŏng adei ñu, “Kâo dơ̆ng djiê, ƀiădah Aê Diê srăng čhưn hŏng diih, leh anăn Ñu srăng atăt diih kbiă mơ̆ng čar anei kơ čar Ñu kat asei leh kơ Y-Abraham, kơ Y-Isăk, leh anăn kơ Y-Yakôp.”

I Klei Yăl Dliê 16:16

klei bi mguôp ñu ngă leh hŏng Y-Abraham, klei ñu kat asei ƀuăn kơ Y-Isăk,

Klei Mmuñ Hđăp 105:8

Ñu hdơr nanao kơ klei Ñu bi mguôp, kơ klei Ñu ƀuăn pioh kơ êbâo ênuk,

Klei Mmuñ Hđăp 105:9

kơ klei bi mguôp Ñu ngă leh hŏng Y-Abraham, leh anăn kơ klei Ñu kat asei ƀuăn hŏng Y-Isăk.

Klei Mmuñ Hđăp 32:8

Kâo srăng bi hriăm ih leh anăn ktrâo kơ ih êlan ih srăng tui hlue; Kâo srăng kčĕ kơ ih hŏng ală Kâo dôk dlăng kơ ih.

Klei Mmuñ Hđăp 39:12

Hmư̆ bĕ klei kâo wah lač, Ơ Yêhôwa, leh anăn mđing knga kơ klei kâo kwưh akâo; đăm dôk ñăt ôh tơdah ƀuh êa ală kâo. Kyuadah kâo jing tue hlăm sang Ih, sa čô jưh bhiâo msĕ si jih jang phung aê kâo.

Klei Kbiă 2:24

Aê Diê hmư̆ klei diñu krao, leh anăn Aê Diê hdơr klei Ñu bi mguôp hŏng Y-Abraham, Y-Isăk, leh anăn Y-Yakôp.

Klei Kbiă 3:12

Aê Diê lač, “Kâo srăng dôk mbĭt hŏng ih, leh anăn anei klei bi knăl kơ ih Kâo jing Pô tiŏ nao ih: leh ih atăt ba phung ƀuôn sang kbiă mơ̆ng čar Êjip, diih srăng kkluh mpŭ kơ Aê Diê ti dlông čư̆ anei.”

Klei Kbiă 6:4

Kâo bi kjăp leh mơh klei Kâo bi mguôp hŏng diñu, čiăng brei kơ diñu čar Kanaan, čar diñu jưh leh bhiâo.

Klei Kbiă 6:7

Kâo srăng mă diih jing phung ƀuôn sang Kâo, Kâo srăng jing Aê Diê diih; leh anăn diih srăng thâo Kâo yơh jing Yêhôwa, Aê Diê diih, Pô bi êngiê diih mơ̆ng bruă ktrŏ phung Êjip.

Klei Kbiă 6:8

Kâo srăng atăt diih mŭt hlăm čar Kâo kat asei leh čiăng brei kơ Y-Abraham, kơ Y-Isăk, leh anăn kơ Y-Yakôp. Kâo srăng brei čar anăn jing ngăn dưn diih. Kâo gơ̆ Yêhôwa.’ ”

Y-Êsai 43:2

Tơdah diih găn êa, Kâo srăng dôk mbĭt hŏng diih; leh anăn tơdah diih găn êa krông, diñu amâo srăng bi kngăm diih ôh. Tơdah diih êbat hlăm pui, ñu amâo srăng čuh diih ôh, kăn êlah pui srăng ƀơ̆ng diih rei.

Y-Êsai 43:5

Đăm huĭ ôh, kyuadah Kâo dôk mbĭt hŏng diih; Kâo srăng atăt phung anak čô diih mơ̆ng ngŏ, leh anăn Kâo srăng bi kƀĭn diih mơ̆ng yŭ.

Y-Mika 7:20

Ih srăng bi êdah klei sĭt suôr kơ Y-Yakôp, leh anăn klei jăk kơ Y-Abraham, msĕ si Ih kat asei leh kơ phung aê hmei hlăm ênuk đưm đă.

Klei Yap 23:19

Aê Diê amâo jing sa čô mnuih ôh, tơl Ñu luar, amâodah sa čô anak êkei mnuih, tơl Ñu bi mlih klei Ñu mĭn. Ya klei Ñu lač leh, Ñu amâo srăng ngă klei anăn mơ̆? Ya klei Ñu hưn leh, Ñu amâo srăng bi truh klei anăn mơ̆?

Klei Mtô Mñă Klei Bhiăn 1:8

Nĕ anei, Kâo mdơ̆ng brei leh čar ti anăp diih; mŭt leh anăn mă bĕ čar Yêhôwa kat asei leh kơ phung aê diih, kơ Y-Abraham, kơ Y-Isăk, leh anăn kơ Y-Yakôp, čiăng brei kơ digơ̆ leh anăn kơ phung anak čô êdei kơ digơ̆.’ ”

Klei Mtô Mñă Klei Bhiăn 34:4

Yêhôwa lač kơ ñu, “Anei yơh jing ala čar Kâo kat asei leh čiăng brei kơ Y-Abraham, kơ Y-Isăk, leh anăn kơ Y-Yakôp, ‘Kâo srăng brei gơ̆ kơ phung anak čô ih.’ Kâo brei ih ƀuh leh hŏng ală ih pô, ƀiădah ih amâo dưi găn nao tinăn ôh.”

Philip 4:9

Ya klei diih hriăm leh, mă tŭ leh, hmư̆ leh, leh anăn ƀuh leh hlăm kâo, brei diih ngă msĕ mơh, leh anăn Aê Diê klei êđăp ênang srăng dôk mbĭt hŏng diih.

Hêbrơ 11:9

Hŏng klei đăo ñu dôk hlăm čar Aê Diê ƀuăn leh, msĕ si hlăm čar tue. Ñu dôk hlăm sang čhiăm msĕ si Y-Isăk leh anăn Y-Yakôp, phung dưn mbĭt hŏng ñu klei ƀuăn msĕ.

Hêbrơ 6:17

Snăn msĕ mơh Aê Diê čiăng bi êdah hŏng klei klă hĭn kơ phung srăng dưn klei Ñu ƀuăn klei Ñu amâo bi mlih ôh klei Ñu čiăng ngă, Ñu bi sĭt hŏng klei Ñu kat asei.