Klei Mphŭn Dơ̆ng 26:12 - Klei Aê Diê Blŭ 2015

¹² Y-Isăk buh pla hlăm čar anăn, leh anăn ñu wiă thŭn anăn sa êtuh blư̆ đĭ hĭn. Yêhôwa brei klei jăk jĭn kơ ñu,

Klei Mphŭn Dơ̆ng 26:12 Iomraidhean Croise

Klei Mphŭn Dơ̆ng 24:1

Y-Abraham mduôn snăk leh; Yêhôwa brei leh klei jăk jĭn kơ Y-Abraham hlăm djăp mta mnơ̆ng.

Klei Mphŭn Dơ̆ng 24:35

Yêhôwa brei klei jăk jĭn lu kơ khua kâo, leh anăn ñu mdrŏng leh. Yêhôwa brei kơ ñu leh lu biăp leh anăn lu êmô, prăk leh anăn mah, phung dĭng buăl êkei leh anăn phung dĭng buăl mniê, lu aseh samô leh anăn aseh dliê.

Klei Mphŭn Dơ̆ng 25:11

Leh djiê Y-Abraham, Aê Diê brei klei jăk jĭn kơ Y-Isăk anak ñu. Y-Isăk dôk giăm kbăng êa Bêr-La-Hai-Rôi.

Klei Mphŭn Dơ̆ng 26:29

čiăng kơ ih đăm ngă klei jhat kơ hmei ôh, msĕ si hmei amâo tuôm ruêh ih ôh, leh anăn hmei ngă leh knŏng klei jăk kơ ih, leh anăn hmei brei ih đuĕ nao hŏng klei êđăp ênang. Ară anei ih jing pô Yêhôwa hơêč hmưi.”

Klei Mphŭn Dơ̆ng 26:3

Dôk hlăm čar anei leh anăn Kâo srăng dôk mbĭt hŏng ih leh anăn brei klei jăk jĭn kơ ih; kyuadah Kâo srăng brei jih čar anei kơ ih leh anăn kơ phung anak čô ih; leh anăn Kâo srăng bi sĭt klei kâo kat asei leh kơ Y-Abraham ama ih.

Klei Mphŭn Dơ̆ng 30:30

Kyuadah ih mâo ƀiă mnơ̆ng êlâo kâo truh, ƀiădah ñu đĭ jing lu. Yêhôwa brei leh klei jăk jĭn kơ ih ti anôk kâo nao. Bi ară anei hin, hbĭl kâo srăng bi mâo mnơ̆ng kơ sang kâo pô lĕ?”

Y-Yôp 42:12

Yêhôwa tuh klei jăk jĭn kơ Y-Yôp lu hĭn hlăm ênuk êdei kơ ênuk êlâo. Ñu mâo pluh pă êbâo drei biăp, năm êbâo drei aseh samô, dua êbâo drei êmô đoh wăng kai, leh anăn sa êbâo aseh dliê ana.

Klei Mmuñ Hđăp 67:6

Lăn ala brei leh boh ñu; Aê Diê, Aê Diê hmei brei klei jăk jĭn kơ hmei.

Klei Mmuñ Hđăp 72:16

Brei mâo mdiê lu êbeh hlăm čar; brei mdiê djuk djuk ti dlông čŏng čư̆; brei amung mdiê jing lar msĕ si ana kyâo čar Liƀan; brei phung ƀuôn sang lar êngŭm msĕ si rơ̆k hlăm hma.

Klei Bi Hriêng 10:22

Klei jăk jĭn Yêhôwa bi mdrŏng mnuih, leh anăn Ñu amâo lŏ thiăm klei ênguôt ôh.

Khua Pô Mtô 11:6

Êjai aguah rah bĕ mjeh ih, leh anăn ti tlam đăm mdei kngan ih ôh, kyuadah ih amâo thâo ôh ya mjeh srăng čăt đĭ, mjeh anei amâodah mjeh anăn, amâodah jih dua srăng jing jăk sơăi.

Y-Sakari 8:12

“Kyuadah srăng mâo mjeh klei êđăp ênang; leh anăn yan puôt wiă boh lu, phŭn boh kriăk ƀâo srăng mboh, lăn srăng brei klei čăt đĭ, leh anăn adiê srăng brei êa nguôm; leh anăn Kâo srăng brei phung ƀuôn sang adôk anei dưn jih jang mnơ̆ng anei.

Y-Mathiơ 13:23

Bi kơ mjeh arăng rah leh ti lăn jăk, jing pô hmư̆ klei blŭ leh anăn thâo săng. Sĭt nik ñu mboh tơl sa asăr mjeh lŏ jing sa êtuh, đa năm pluh, đa tlâo pluh.”

Y-Mathiơ 13:8

Mjeh mkăn lĕ hlăm anôk lăn jăk leh anăn mboh, đa sa asăr jing sa êtuh, đa năm pluh, đa tlâo pluh.

Y-Markôs 4:8

Mjeh mkăn lĕ hlăm anôk lăn jăk leh anăn mboh; ñu čăt, ñu bi lar, leh anăn mboh tăp năng sa asăr tlâo pluh, năm pluh, leh anăn sa êtuh.”

I Kôrantô 3:6

Kâo pla leh, Y-Apôlôs krih êa leh, ƀiădah Aê Diê brei čăt hriê kơ prŏng.