Klei Mphŭn Dơ̆ng 24:7 - Klei Aê Diê Blŭ 2015

⁷ Yêhôwa, Aê Diê adiê, Pô brei kâo kbiă leh mơ̆ng sang ama kâo leh anăn mơ̆ng čar arăng kkiêng kơ kâo, Pô blŭ leh kơ kâo leh anăn kat asei leh kơ kâo snei, ‘Kâo srăng brei čar anei kơ phung anak čô ih.’ Ñu srăng tiŏ nao dĭng buăl jăk Ñu ti anăp ih, leh anăn ih srăng mă mô̆ kơ anak êkei kâo mơ̆ng anăn.

Klei Mphŭn Dơ̆ng 24:7 Iomraidhean Croise

Klei Mphŭn Dơ̆ng 13:15

jih jang lăn ih ƀuh Kâo srăng brei kơ ih leh anăn kơ phung anak čô ih hlŏng lar.

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

Klei Mphŭn Dơ̆ng 16:7

Dĭng buăl jăk Khua Yang ƀuh gơ̆ ti akŏ êa hlăm kdrăn tač, akŏ êa anăn ti djiêô êlan nao kơ čar Sur.

Klei Mphŭn Dơ̆ng 17:8

Jih čar Kanaan ih dôk ară anei, Kâo srăng brei kơ ih leh anăn kơ phung anak čô ih kơ êdei, srăng jing dŏ diñu hlŏng lar; leh anăn Kâo srăng jing Aê Diê diñu.”

Klei Mphŭn Dơ̆ng 21:17

Aê Diê hmư̆ asăp hđeh êdam hia, leh anăn dĭng buăl jăk Aê Diê iêô H'Agar mơ̆ng adiê, lač kơ ñu, “Si ngă ih rŭng răng, Ơ H'Agar? Đăm huĭ ôh, kyuadah Aê Diê hmư̆ leh asăp hđeh êdam ti anôk ñu dôk.

Klei Mphŭn Dơ̆ng 22:11

Ƀiădah dĭng buăl jăk Yêhôwa iêô ñu mơ̆ng adiê, lač, “Ơ Y-Abraham, Ơ Y-Abraham!” Y-Abraham wĭt lač, “Nĕ tinei kâo.”

Klei Mphŭn Dơ̆ng 24:3

Kâo srăng brei ih kat asei hŏng Yêhôwa, Aê Diê adiê leh anăn Aê Diê lăn ala, kơ ih amâo srăng mă ôh mô̆ kơ anak êkei kâo mơ̆ng phung anak mniê phung Kanaan, mbĭt hŏng diñu kâo dôk.

Klei Mphŭn Dơ̆ng 24:40

Ƀiădah ñu lač kơ kâo, ‘Yêhôwa, Pô kâo gưt asăp, srăng tiŏ nao dĭng buăl jăk Ñu mbĭt hŏng ih, leh anăn bi truh klei mbhă kơ klei ih đuĕ hiu; leh anăn ih srăng mă kơ anak êkei kâo sa čô mô̆ mơ̆ng găp djuê kâo mơ̆ng sang ama kâo.

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Y-Êsra 1:2

“Snei Y-Sirus mtao Persơ lač: Yêhôwa, Aê Diê hlăm adiê, jao leh kơ kâo jih jang ƀuôn ala mtao hlăm lăn ala, leh anăn Ñu mtă leh kơ kâo mdơ̆ng sang yang kơ Ñu ti ƀuôn Yêrusalem hlăm čar Yuđa.

Klei Mmuñ Hđăp 103:20

Mpŭ mni bĕ kơ Yêhôwa, Ơ diih phung dĭng buăl jăk Ñu, jing phung myang, čiăng bi sĭt klei Ñu mtă, leh anăn gưt asăp klei Ñu blŭ.

Klei Mmuñ Hđăp 136:26

Bi mni bĕ kơ Aê Diê hlăm adiê; kyua klei khăp Ñu dôk nanao hlŏng lar.

Klei Mmuñ Hđăp 32:8

Kâo srăng bi hriăm ih leh anăn ktrâo kơ ih êlan ih srăng tui hlue; Kâo srăng kčĕ kơ ih hŏng ală Kâo dôk dlăng kơ ih.

Klei Mmuñ Hđăp 34:7

Dĭng buăl jăk Yêhôwa dôk jŭm dar phung huĭ mpŭ kơ Ñu, leh anăn bi mtlaih digơ̆.

Klei Mmuñ Hđăp 73:24

Ih atăt kâo hŏng klei Ih kčĕ, leh anăn êdei Ih srăng jum kâo hlăm klei guh kơang.

Klei Kbiă 13:5

Tơdah Yêhôwa brei ih mŭt hlăm čar phung Kanaan, phung Hitit, phung Amôrit, phung Hiwit, leh anăn phung Jêbusit, anôk Ñu kat asei leh brei kơ phung aê ih, čar mâo mnơ̆ng ƀơ̆ng huă mnăm êbeh dlai, brei ih hdơr pioh bruă anei hlăm mlan anei.

Klei Kbiă 32:13

Brei Ih hdơr kơ Y-Abraham, Y-Isăk, leh anăn Y-Israel, phung dĭng buăl Ih, kơ digơ̆ yơh Ih kat asei leh hŏng Ih pô, lač, ‘Kâo srăng bi lar phung anak čô diih msĕ si mtŭ hlăm adiê, leh anăn Kâo srăng brei kơ phung anak čô diih jih lăn čar anei Kâo blŭ leh kơ diih, leh anăn diñu srăng dưn gơ̆ hlŏng lar.’ ”

Klei Kbiă 33:2

Kâo srăng tiŏ nao sa čô dĭng buăl jăk êlâo kơ ih, leh anăn Kâo srăng suôt phung Kanaan, phung Amôrit, phung Hitit, phung Pêrisit, phung Hiwit, leh anăn phung Jêbusit.

Y-Êsai 63:9

Hlăm jih jang klei knap mñai digơ̆, Ñu mâo klei knap mơh, leh anăn klei dĭng buăl jăk Ñu dôk mbĭt bi mtlaih leh digơ̆. Hŏng klei Ñu khăp leh anăn pap Ñu bi tui leh digơ̆; Ñu pŭ ba digơ̆ jih jang hruê ênuk đưm.

Y-Đaniel 2:44

Hlăm ênuk phung mtao anăn, Aê Diê hlăm adiê srăng mdơ̆ng sa boh ƀuôn ala mtao amâo srăng tuôm rai luč ôh, kăn klei kiă kriê anăn srăng lĕ kơ găp djuê mkăn rei, ƀiădah ƀuôn ala mtao Aê Diê srăng bi mčah leh anăn bi rai jih jang ƀuôn ala mtao anei, leh anăn ñu srăng dôk nanao hlŏng lar.

Y-Yôna 1:9

Gơ̆ lŏ wĭt lač kơ diñu, “Kâo jing sa čô Hêbrơ, leh anăn kâo huĭ mpŭ kơ Yêhôwa Aê Diê hlăm adiê, Pô mjing êa ksĭ leh anăn lăn thu.”

Klei Yap 11:12

Kâo hĕ ba tian kơ jih jang phung ƀuôn sang anei? Kâo hĕ kkiêng leh kơ diñu tơl Ih lač kơ kâo, ‘Pŭ diñu ti đah da ih msĕ si sa čô pô rông pŭ sa čô hđeh ăt dôk mam, truh ti čar ih kat asei leh čiăng brei kơ phung aê diñu?’

Klei Yap 14:16

‘Kyuadah Yêhôwa amâo dưi ôh atăt phung ƀuôn sang anei kơ čar Ñu kat asei leh čiăng brei kơ digơ̆, kyua anăn Ñu bi mdjiê leh digơ̆ hlăm kdrăn tač.’

Klei Yap 14:30

amâo mâo sa čô srăng mŭt ôh hlăm čar Kâo kat asei leh čiăng brei diih dôk, knŏng Y-Kalep anak êkei Y-Jêphunê leh anăn Y-Yôsuê anak êkei Y-Nun.

Klei Yap 32:11

‘Sĭt nik amâo mâo sa čô ôh hlăm phung mnuih kbiă leh mơ̆ng čar Êjip, mơ̆ng phung mâo dua pluh thŭn kơ dlông, srăng ƀuh čar Kâo kat asei leh čiăng brei kơ Y-Abraham, kơ Y-Isăk, leh anăn kơ Y-Yakôp, kyuadah diñu amâo tui hlue Kâo hŏng jih ai tiê ôh;

Bruă Phung Khua Ƀĭng Kna 7:5

Aê Diê amâo brei lăn hma kơ ñu ôh hlăm čar anăn, sa plă jơ̆ng lăn kăn mâo rei, ƀiădah Aê Diê ƀuăn srăng brei čar anăn jing dŏ ñu leh anăn dŏ phung anak čô ñu êdei, wăt tơdah hlăk anăn Y-Abraham ka mâo anak êkei ôh.

Klei Mtô Mñă Klei Bhiăn 1:8

Nĕ anei, Kâo mdơ̆ng brei leh čar ti anăp diih; mŭt leh anăn mă bĕ čar Yêhôwa kat asei leh kơ phung aê diih, kơ Y-Abraham, kơ Y-Isăk, leh anăn kơ Y-Yakôp, čiăng brei kơ digơ̆ leh anăn kơ phung anak čô êdei kơ digơ̆.’ ”

Klei Mtô Mñă Klei Bhiăn 34:4

Yêhôwa lač kơ ñu, “Anei yơh jing ala čar Kâo kat asei leh čiăng brei kơ Y-Abraham, kơ Y-Isăk, leh anăn kơ Y-Yakôp, ‘Kâo srăng brei gơ̆ kơ phung anak čô ih.’ Kâo brei ih ƀuh leh hŏng ală ih pô, ƀiădah ih amâo dưi găn nao tinăn ôh.”

Hêbrơ 1:14

Snăn, hlei jing phung dĭng buăl jăk? Amâo djŏ hĕ jih jang diñu jing phung yang Aê Diê tiŏ nao mă bruă kơ phung srăng dưn klei bi mtlaih?

Hêbrơ 11:9

Hŏng klei đăo ñu dôk hlăm čar Aê Diê ƀuăn leh, msĕ si hlăm čar tue. Ñu dôk hlăm sang čhiăm msĕ si Y-Isăk leh anăn Y-Yakôp, phung dưn mbĭt hŏng ñu klei ƀuăn msĕ.

Y-Yôsuê 1:6

Brei ih jing ktang leh anăn mâo ai tiê jhŏng; kyuadah ih srăng atăt gai phung ƀuôn sang anei plah mă dưn lăn čar Kâo kat asei kơ phung aê diñu đưm čiăng brei kơ diñu.

Y-Yôsuê 24:3

Kâo mă aê diih đưm Y-Abraham mơ̆ng nah yŭ Êa Krông Ơphrat leh anăn atăt ñu mŭt găn jih čar Kanaan, leh anăn bi lar phung anak čô ñu. Kâo brei Y-Isăk kơ ñu.

Klei Bi Êdah 11:13

Ti mông anăn mâo klei yơ̆ng lăn ala ktang, leh anăn sa kdrêč hlăm pluh ƀuôn prŏng klưh. Kjuh êbâo čô mnuih djiê hlăm klei yơ̆ng lăn ala anăn, bi phung mkăn huĭ snăk leh anăn mpŭ mni kơ Aê Diê hlăm adiê.

Phung Khua Phat Kđi 2:1

Dĭng buăl jăk Yêhôwa đĭ mơ̆ng Gilgal truh kơ ƀuôn Bôkim leh anăn ñu lač, “Kâo atăt leh diih kbiă mơ̆ng čar Êjip, leh anăn atăt leh diih kơ čar Kâo kat asei čiăng brei kơ phung aê diih đưm. Kâo lač, ‘Kâo amâo srăng tuôm bi rai ôh klei Kâo bi mguôp hŏng diih,