Klei Mphŭn Dơ̆ng 24:32 - Klei Aê Diê Blŭ 2015

³² Snăn mnuih anăn mŭt hlăm sang. Y-Laban mtrŭn mnơ̆ng mdiăng mơ̆ng aseh samô, leh anăn brei kơ aseh samô adrăng leh anăn rơ̆k. Arăng brei mơh êa rao jơ̆ng kơ pô anăn leh anăn phung mnuih mbĭt hŏng ñu.

Klei Mphŭn Dơ̆ng 24:32 Iomraidhean Croise

Klei Mphŭn Dơ̆ng 18:4

Kâo brei arăng mă ba êa ƀiă rao jơ̆ng diih, leh anăn mdei bĕ diih ti gŭ ana kyâo,

Klei Mphŭn Dơ̆ng 19:2

Ñu lač, “Nĕ anei, Ơ phung khua kâo ơi, kâo kwưh kơ diih weh bĕ, mŭt đăm hlăm sang kâo, dĭng buăl diih. Rao bĕ jơ̆ng diih, leh anăn aguah ưm mgi diih dưi kgŭ leh anăn lŏ êbat.” Digơ̆ lŏ wĭt lač, “Ơ ơh, hmei srăng dôk hlăm êlan mlam anei.”

Klei Mphŭn Dơ̆ng 24:33

Leh anăn arăng mdơ̆ng kơ ñu mnơ̆ng ƀơ̆ng huă; ƀiădah ñu lač, “Kâo amâo srăng huă ôh êlâo kơ kâo hưn bruă kâo hriê.” Y-Laban lač, “Blŭ bĕ.”

Klei Mphŭn Dơ̆ng 29:13

Tơdah Y-Laban hmư̆ klei yăl dliê kơ Y-Yakôp anak adei mniê ñu, ñu êran nao bi tuôm hŏng gơ̆, kmiêk čŭm gơ̆, leh anăn atăt ba gơ̆ kơ sang ñu. Y-Yakôp yăl dliê kơ Y-Laban jih klei truh.

Klei Mphŭn Dơ̆ng 43:24

Pô anăn brei diñu mŭt hlăm sang Y-Yôsep. Gơ̆ brei kơ diñu êa leh anăn diñu rao jơ̆ng. Gơ̆ brei mơh rơ̆k krô kơ aseh dliê diñu.

Y-Luk 7:44

Leh anăn Ñu wir dlăng kơ mniê anăn leh anăn lač kơ Y-Simôn, “Ih ƀuh mơ̆ mniê anei? Kâo mŭt leh hlăm sang ih, leh anăn ih amâo brei êa kơ Kâo rao jơ̆ng ôh. Ƀiădah bi mniê anei, gơ̆ bi msah leh jơ̆ng Kâo hŏng êa ală gơ̆ leh anăn sut hŏng ƀŭk gơ̆.

I Y-Timôthê 5:10

Brei ñu mâo hing ang mă bruă jăk, msĕ si sa čô tuôm rông leh phung anak, thâo jum phung tue, tuôm rao jơ̆ng phung doh jăk, thâo đru phung knap mñai, leh anăn jao ñu pô ngă djăp mta bruă jăk.

Phung Khua Phat Kđi 19:21

Snăn êkei mduôn anăn atăt ñu mŭt hlăm sang gơ̆, leh anăn brei rơ̆k ƀơ̆ng kơ aseh dliê. Diñu rao jơ̆ng leh anăn huă mnăm.

I Y-Samuel 25:41

Gơ̆ kgŭ kkui ƀô̆ ti lăn leh anăn lač, “Nĕ anei dĭng buăl mniê diih jing dĭng buăl rao jơ̆ng phung dĭng buăl khua kâo.”