Klei Mphŭn Dơ̆ng 24:3 - Klei Aê Diê Blŭ 2015

³ Kâo srăng brei ih kat asei hŏng Yêhôwa, Aê Diê adiê leh anăn Aê Diê lăn ala, kơ ih amâo srăng mă ôh mô̆ kơ anak êkei kâo mơ̆ng phung anak mniê phung Kanaan, mbĭt hŏng diñu kâo dôk.

Klei Mphŭn Dơ̆ng 24:3 Iomraidhean Croise

Klei Mphŭn Dơ̆ng 14:19

Ñu hơêč hmưi kơ Y-Abram leh anăn lač, “Akâo kơ Aê Diê, Pô Ti Dlông Hĭn, Pô hrih adiê leh anăn lăn ala hơêč hmưi kơ Y-Abram.

Klei Mphŭn Dơ̆ng 14:22

Ƀiădah Y-Abram lač kơ mtao ƀuôn Sôdôm, “Kâo yơr kngan kat asei leh kơ Khua Yang Aê Diê, Pô Ti Dlông Hĭn, Pô hrih adiê leh anăn lăn ala,

Klei Mphŭn Dơ̆ng 21:23

Kyuanăn ară anei hin brei ih kat asei kơ kâo tinei hŏng anăn Aê Diê ih amâo srăng mplư kâo ôh, phung anak, čô, čĕ kâo kăn rei. Ƀiădah msĕ si kâo ngă jăk leh hŏng ih, brei ih srăng ngă jăk msĕ mơh hŏng kâo leh anăn kơ čar ih dôk jưh bhiâo anei.”

Klei Mphŭn Dơ̆ng 24:7

Yêhôwa, Aê Diê adiê, Pô brei kâo kbiă leh mơ̆ng sang ama kâo leh anăn mơ̆ng čar arăng kkiêng kơ kâo, Pô blŭ leh kơ kâo leh anăn kat asei leh kơ kâo snei, ‘Kâo srăng brei čar anei kơ phung anak čô ih.’ Ñu srăng tiŏ nao dĭng buăl jăk Ñu ti anăp ih, leh anăn ih srăng mă mô̆ kơ anak êkei kâo mơ̆ng anăn.

Klei Mphŭn Dơ̆ng 27:46

H'Rêƀêka lač kơ Y-Isăk, “Klei hdĭp kâo ênguôt kyuadah phung anak mniê Y-Het. Tơdah Y-Yakôp mă sa čô mô̆ msĕ si phung anak mniê čar anei mơ̆ng phung anak mniê Y-Het, ya yuôm klei hdĭp kâo?”

Klei Mphŭn Dơ̆ng 28:1

Y-Isăk iêô Y-Yakôp. Ñu hơêč hmưi kơ gơ̆ leh anăn mtă kơ gơ̆, “Đăm mă ôh mô̆ mơ̆ng phung anak mniê čar Kanaan.

Klei Mphŭn Dơ̆ng 28:8

Snăn tơdah Y-Êsâo ƀuh phung anak mniê čar Kanaan amâo bi mơak ôh kơ Y-Isăk ama ñu,

Klei Mphŭn Dơ̆ng 34:9

Brei diih ngă klei bi kuôl ung mô̆ hŏng hmei; brei kơ hmei phung anak mniê diih, leh anăn mă bĕ phung anak mniê hmei kơ diih.

Klei Mphŭn Dơ̆ng 38:2

Tinăn Y-Yuđa ƀuh sa čô mniê Kanaan, anak mniê Y-Sua. Ñu mă gơ̆ jing mô̆ leh anăn nao dôk hŏng gơ̆.

Klei Mphŭn Dơ̆ng 47:31

Y-Yakôp lač, “Kat asei kơ kâo.” Y-Yôsep kat asei kơ ñu; leh anăn Y-Israel buôn ti kŏ jhưng pĭt ñu.

Klei Mphŭn Dơ̆ng 50:25

Y-Yôsep brei phung anak Israel kat asei, lač, “Aê Diê srăng čhưn hŏng diih, leh anăn brei diih mdiăng ba klang kâo mơ̆ng anei.”

Klei Mphŭn Dơ̆ng 6:2

phung anak êkei Aê Diê ƀuh phung anak mniê phung mnuih kmưn jing siam; leh anăn digơ̆ dôk mô̆ hŏng hlei pô digơ̆ ruah.

Klei Mphŭn Dơ̆ng 6:4

Phung mnuih prŏng dlông dôk hdĭp ti lăn ala ênuk anăn, leh anăn êdei tinăn hlăk phung anak êkei Aê Diê dôk hŏng phung anak mniê mnuih kmưn leh anăn diñu bi mâo anak; phung anăn jing phung mnuih jhŏng ktang hlăm ênuk đưm. Diñu jing phung hing ang.

II Bruă Mtao 19:15

Y-Hêsêkia wah lač ti anăp Yêhôwa leh anăn lač, “Ơ Yêhôwa, Aê Diê Israel, Pô dôk ti jhưng mtao ti dlông phung čêrubim, knŏng hjăn Ih jing Aê Diê kơ jih jang ƀuôn ala mtao ti lăn ala. Ih hrih leh adiê leh anăn lăn ala.

II Klei Yăl Dliê 2:12

Y-Huram lŏ lač msĕ mơh, “Mpŭ mni kơ Yêhôwa Aê Diê Israel, Pô hrih leh adiê leh anăn lăn ala, Pô brei leh kơ Y-Đawit sa čô anak êkei mâo klei knhâo leh anăn klei thâo săng, srăng mdơ̆ng sa boh sang kơ Yêhôwa, leh anăn sa boh sang mtao kơ Ñu pô.

Y-Êsra 5:11

Snei diñu lŏ wĭt lač kơ hmei, ‘Hmei jing phung dĭng buăl Aê Diê hlăm adiê leh anăn ti lăn ala, leh anăn hmei lŏ mdơ̆ng sang yang arăng mdơ̆ng leh lu thŭn êlâo, sang yang anăn sa čô mtao prŏng Israel mdơ̆ng leh anăn bi leh.

Y-Nêhêmi 13:25

Kâo ƀuah diñu leh anăn tăm pah diñu, čăm đa đa hlăm phung diñu, buč hĕ ƀŭk diñu; leh anăn kâo brei diñu kat asei hŏng anăn Aê Diê, lač, “Đăm diih brei ôh phung anak mniê diih kơ phung anak êkei diñu, amâodah đăm mă phung anak mniê diñu kơ phung anak êkei diih, amâodah kơ diih pô ôh.

Y-Nêhêmi 9:6

Y-Êsra lač, “Ih jing Yêhôwa, knŏng hjăn Ih; Ih mjing leh adiê, adiê kơ jih jang adiê, mbĭt hŏng jih jang phung kahan diñu, lăn ala leh anăn jih jang mnơ̆ng hlăm ñu, jih jang êa ksĭ leh anăn jih jang mnơ̆ng mâo hlăm diñu; leh anăn Ih răng kriê jih jang diñu; leh anăn phung kahan hlăm adiê kkuh mpŭ kơ ih.

Klei Mmuñ Hđăp 115:15

Akâo bĕ kơ Yêhôwa Pô hrih leh adiê leh anăn lăn ala brei klei jăk jĭn kơ diih.

Klei Mmuñ Hđăp 136:26

Bi mni bĕ kơ Aê Diê hlăm adiê; kyua klei khăp Ñu dôk nanao hlŏng lar.

Klei Kbiă 20:7

Đăm ih yua anăn Yêhôwa Aê Diê ih hơăi mang ôh, kyuadah Yêhôwa amâo srăng yap kpă ôh pô yua anăn Ñu hơăi mang.

Klei Kbiă 22:11

klei kat asei hŏng anăn Yêhôwa srăng djŏ kơ dua nah, leh anăn pô kiă srăng hưn kơ ñu amâo tuôm ruêh ôh mnơ̆ng pô riêng gah ñu. Pô mnơ̆ng srăng tŭ klei kat asei anăn, leh anăn pô kiă amâo srăng bi hnô ôh.

Klei Kbiă 23:13

Brei ih kăp răng tui hlue jih klei Kâo lač leh kơ ih; leh anăn đăm pia anăn phung yang mkăn ôh, đăm brei arăng hmư̆ klei anăn kbiă mơ̆ng ƀăng êgei ih ôh.”

Klei Kbiă 34:16

leh anăn đăm ih mă đơ phung anak mniê diñu kơ phung anak êkei ih, huĭdah phung anak mniê diñu ngă klei knhông hŏng phung yang diñu leh anăn atăt phung anak êkei ih ngă klei knhông hŏng phung yang digơ̆.

Y-Êsai 45:23

Kâo kat asei leh hŏng Kâo pô, klei blŭ kbiă leh mơ̆ng ƀăng êgei Kâo hŏng klei sĭt, leh anăn amâo srăng bi mlih ôh: ‘Jih jang srăng čuôn kơŭt ti anăp Kâo, leh anăn jih jang êlah srăng kat asei kơ Kâo.’

Y-Êsai 48:1

“Dôk hmư̆ bĕ klei anei, Ơ sang Yakôp, phung arăng bi anăn Israel, phung kbiă hriê mơ̆ng akŏ êa Yuđa, phung kat asei hŏng anăn Yêhôwa, leh anăn kwưh kơ Aê Diê phung Israel, amâo djŏ hŏng klei sĭt nik kăn hŏng klei kpă ênô rei.

Y-Êsai 65:16

Leh anăn hlei pô hơêč hmưi hlăm čar srăng hơêč hmưi hŏng anăn Aê Diê kơ klei sĭt nik; leh anăn hlei pô kat asei hlăm čar srăng kat asei hŏng anăn Aê Diê kơ klei sĭt nik. Kyuadah Kâo srăng wơr bĭt klei rŭng răng mphŭn dô, leh anăn Kâo amâo lŏ dlăng kơ klei anăn ôh.”

Y-Yêrêmi 10:11

“Snei brei ih lač kơ diñu: ‘Phung yang anei amâo tuôm mjing phung adiê leh anăn lăn ala srăng rai tuč mơ̆ng lăn ala leh anăn mơ̆ng ti gŭ phung adiê.’ ”

Y-Yêrêmi 12:16

Leh anăn tơdah diñu kriăng hriăm čiăng thâo săng êlan phung ƀuôn sang Kâo, čiăng kat asei hŏng anăn Kâo, ‘Tui si Yêhôwa dôk hdĭp,’ msĕ si diñu bi hriăm leh phung ƀuôn sang Kâo kat asei hŏng yang Baal, hlăk anăn Kâo srăng mdơ̆ng diñu ti krah phung ƀuôn sang Kâo.

Y-Yêrêmi 29:6

Dôk mô̆ leh anăn mâo anak êkei mniê; mă mô̆ kơ phung anak êkei diih leh anăn mă ung kơ phung anak mniê diih, čiăng digơ̆ mâo anak êkei mniê msĕ mơh; brei diih jing lar êngŭm tinăn, leh anăn đăm hrŏ hriêt hĕ ôh.

Y-Yêrêmi 4:2

leh anăn tơdah ih kat asei, ‘Tui si Yêhôwa dôk hdĭp,’ hŏng klei sĭt nik, hŏng klei kpă, leh anăn hŏng klei djŏ, snăn Yêhôwa srăng hơêč hmưi kơ phung găp djuê mnuih, leh anăn hlăm Gơ̆ diñu srăng mâo klei guh kơang.”

Bruă Lêwi 19:12

Leh anăn đăm kat asei luar hŏng anăn Kâo ôh, klei anăn bi čhŏ anăn Aê Diê ih. Kâo jing Yêhôwa.

Y-Sôphôni 1:5

phung buôn kkuh ti dlông čuôr kơ mnơ̆ng hlăm adiê; phung buôn kkuh leh anăn kat asei hŏng Yêhôwa leh anăn ăt kat asei hŏng mtao diñu;

Klei Yap 5:21

(hlăk anăn khua ngă yang brei mniê kat asei kơ klei tăm pah, leh anăn lač kơ mniê) “brei Khua Yang mjing ih mnơ̆ng tăm pah leh, leh anăn mnơ̆ng arăng dlao wač ti krah phung ƀuôn sang ih, êjai Yêhôwa brei sang anak ih kdjuôt leh anăn tian ih bŏk;

I Kôrantô 7:39

Sa čô mniê bi đuôm hŏng ung ñu jih hruê gơ̆ dôk hdĭp. Tơdah ung ñu djiê, ñu êngiê dưi lŏ dôk ung tui si ñu čiăng, ƀiădah knŏng hŏng pô đăo kơ Khua Yang.

Klei Mtô Mñă Klei Bhiăn 10:20

Brei diih huĭ mpŭ kơ Yêhôwa Aê Diê diih; brei diih mă bruă kơ Ñu leh anăn dôk giăm Ñu, leh anăn diih srăng kat asei hŏng anăn Ñu.

Klei Mtô Mñă Klei Bhiăn 6:13

Brei ih huĭ mpŭ kơ Yêhôwa Aê Diê ih; brei ih mă bruă kơ Ñu, leh anăn kat asei hŏng anăn Ñu.

Hêbrơ 6:16

Sĭt nik phung mnuih kat asei hŏng Pô prŏng hĭn kơ diñu pô, leh anăn klei kat asei bi ruê̆ jih klei diñu bi tăng.

Y-Yôsuê 2:12

Snăn ară anei hin, kat bĕ asei kơ kâo hŏng Yêhôwa kơ diih srăng ngă jăk mơh kơ sang ama kâo msĕ si klei jăk kâo ngă leh kơ diih, leh anăn brei kơ kâo sa klei bi knăl bi sĭt.

Phung Khua Phat Kđi 14:3

Ƀiădah amĭ ama ñu lač kơ ñu, “Si ngă, amâo mâo hĕ sa čô mniê hlăm phung anak mniê găp djuê ih amâodah hlăm jih phung ƀuôn sang drei, tơl ih nao mă sa čô mô̆ mơ̆ng phung Philistin amâo mâo khăt klĭt ôh?” Ƀiădah Y-Samsôn lač kơ ama ñu, “Mă gơ̆ kơ kâo bĕ; kyuadah ñu bi tluh kơ kâo.”

I Y-Samuel 20:17

Leh anăn Y-Jônathan brei Y-Đawit lŏ kat asei kyua klei Y-Jônathan khăp kơ ñu; kyuadah Y-Jônathan khăp kơ ñu msĕ si khăp kơ mngăt gơ̆ pô.

I Y-Samuel 30:15

Y-Đawit lač kơ gơ̆, “Ih dưi atăt kâo trŭn nao kơ phung anăn mơ̆?” Leh anăn gơ̆ lač, “Brei ih kat asei kơ kâo hŏng anăn Aê Diê kơ ih amâo srăng bi mdjiê kâo ôh, amâodah jao kâo hlăm kngan khua kâo, leh anăn kâo srăng atăt ih trŭn nao kơ phung anăn.”