Klei Mphŭn Dơ̆ng 24:21 - Klei Aê Diê Blŭ 2015

²¹ Dĭng buăl anăn dlăng kơ ñu amâo kƀreh ală, dôk ñăt čiăng thâo tơdah Yêhôwa bi truh klei mbhă mơ̆ ñu đuĕ hiu amâodah hơăi.

Klei Mphŭn Dơ̆ng 24:21 Iomraidhean Croise

Klei Mphŭn Dơ̆ng 24:12

Ñu lač, “Ơ Yêhôwa, Aê Diê Y-Abraham khua kâo, kâo kwưh kơ Ih brei kâo bi tuôm hruê anei djŏ si klei kâo čiăng, leh anăn bi êdah bĕ klei jăk hŏng khua kâo Y-Abraham.

Klei Mphŭn Dơ̆ng 24:20

Ñu tuh mtam êa mơ̆ng čeh ñu hlăm mbông êa leh anăn lŏ êran nao ti kbăng êa čiăng lŏ djăt êa, leh anăn ñu djăt êa kơ jih jang aseh samô gơ̆.

Klei Mphŭn Dơ̆ng 24:27

Ñu lač, “Mpŭ mni kơ Yêhôwa, Aê Diê kơ khua kâo Y-Abraham, Pô amâo lui ôh klei khăp sĭt suôr leh anăn klei sĭt nik Ñu hŏng khua kâo! Bi kơ kâo, Yêhôwa atăt kâo ti êlan kơ sang phung adei khua kâo.”

Klei Mphŭn Dơ̆ng 24:56

Ñu lač kơ digơ̆, “Đăm diih bi hnui kâo ôh, kyuadah Yêhôwa bi truh leh klei mbhă kơ klei kâo hiu. Brei kâo dưi lŏ wĭt kơ khua kâo.”

Klei Mmuñ Hđăp 107:1

Bi mni bĕ kơ Yêhôwa, kyuadah Ñu jing jăk; kyuadah klei khăp Ñu dôk nanao hlŏng lar.

Klei Mmuñ Hđăp 107:15

Brei diñu bi mni kơ Yêhôwa kyua klei khăp Ñu, kyua bruă yuôm bhăn Ñu ngă leh kơ phung anak mnuih!

Klei Mmuñ Hđăp 107:43

Hlei pô jing mnuih thâo mĭn, brei ñu răng kơ klei anăn; brei phung mnuih ksiêm mĭn klei khăp Yêhôwa.

Klei Mmuñ Hđăp 107:8

Brei phung anăn bi mni kơ Yêhôwa kyua klei khăp Ñu, kyua bruă yuôm bhăn Ñu ngă leh kơ phung anak mnuih!

Y-Luk 2:19

Ƀiădah H'Mari djă pioh leh anăn bi mĭn kơ jih jang klei anăn hlăm ai tiê ñu.

Y-Luk 2:51

Leh anăn Yêsu trŭn nao mbĭt hŏng diñu kơ ƀuôn Nasaret leh anăn gưt kơ diñu. Amĭ Gơ̆ djă pioh jih klei anăn hlăm ai tiê ñu.