Klei Mphŭn Dơ̆ng 24:12 - Klei Aê Diê Blŭ 2015

¹² Ñu lač, “Ơ Yêhôwa, Aê Diê Y-Abraham khua kâo, kâo kwưh kơ Ih brei kâo bi tuôm hruê anei djŏ si klei kâo čiăng, leh anăn bi êdah bĕ klei jăk hŏng khua kâo Y-Abraham.

Klei Mphŭn Dơ̆ng 24:12 Iomraidhean Croise

Klei Mphŭn Dơ̆ng 15:1

Leh klei anăn Khua Yang blŭ kơ Y-Abram hlăm klei bi ƀuh, “Đăm huĭ ôh, Ơ Y-Abram. Kâo jing khil ih, leh anăn klei mưn ih srăng jing prŏng êdi.”

Klei Mphŭn Dơ̆ng 24:21

Dĭng buăl anăn dlăng kơ ñu amâo kƀreh ală, dôk ñăt čiăng thâo tơdah Yêhôwa bi truh klei mbhă mơ̆ ñu đuĕ hiu amâodah hơăi.

Klei Mphŭn Dơ̆ng 24:27

Ñu lač, “Mpŭ mni kơ Yêhôwa, Aê Diê kơ khua kâo Y-Abraham, Pô amâo lui ôh klei khăp sĭt suôr leh anăn klei sĭt nik Ñu hŏng khua kâo! Bi kơ kâo, Yêhôwa atăt kâo ti êlan kơ sang phung adei khua kâo.”

Klei Mphŭn Dơ̆ng 24:42

Hruê anei kâo truh ti kbăng êa leh anăn kâo lač, ‘Ơ Yêhôwa, Aê Diê khua kâo Y-Abraham, tơdah Ih bi truh klei mbhă kơ klei kâo đuĕ hiu anei,

Klei Mphŭn Dơ̆ng 24:48

Leh anăn kâo kkui kŏ kkuh mpŭ kơ Yêhôwa leh anăn mpŭ mni kơ Yêhôwa, Aê Diê khua kâo Y-Abraham, Pô atăt ba kâo leh hlăm êlan djŏ, čiăng mă anak mniê adei khua kâo jing mô̆ kơ anak êkei ñu.

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Klei Mphŭn Dơ̆ng 27:10

Ih srăng ba čĭm anăn kơ ama ih ƀơ̆ng čiăng kơ ñu hơêč hmưi kơ ih êlâo ñu djiê.”

Klei Mphŭn Dơ̆ng 27:20

Ƀiădah Y-Isăk lač kơ anak êkei ñu, “Si ngă ih djăl tuôm hŏng hlô, Ơ dam?” Ñu lač, “Kyuadah Yêhôwa, Aê Diê ih brei klei myun kơ kâo.”

Klei Mphŭn Dơ̆ng 28:13

Nĕ anei, Yêhôwa dôk dơ̆ng ti dlông êñan leh anăn lač, “Kâo jing Yêhôwa, Aê Diê Y-Abraham aê ih leh anăn Aê Diê Y-Isăk. Lăn ih dôk đih Kâo srăng brei kơ ih leh anăn kơ phung anak čô ih.

Klei Mphŭn Dơ̆ng 31:42

Tơdah Aê Diê ama kâo, Aê Diê Y-Abraham, Pô Y-Isăk huĭ mpŭ, amâo dôk tĭng kơ kâo, sĭt nik ih brei kâo wĭt kngan êhŏng. Aê Diê ƀuh leh klei knap kâo leh anăn bruă kngan kâo, leh anăn Ñu ƀuah ih mlam mlei.”

Klei Mphŭn Dơ̆ng 32:10

Kâo amâo năng ôh kơ klei điêt hĭn hlăm jih klei jăk leh anăn jih klei sĭt suôr Ih bi êdah leh kơ dĭng buăl Ih; kyuadah kâo găn leh êa krông Yurdan anei knŏng hŏng giê kâo, leh anăn ară anei kâo jing dua phung.

Klei Mphŭn Dơ̆ng 32:9

Y-Yakôp lač, “Ơ Aê Diê ama kâo Y-Abraham, Aê Diê ama kâo Y-Isăk, Ơ Yêhôwa, Pô lač leh kơ kâo, ‘Wĭt bĕ kơ čar ih leh anăn kơ găp djuê ih, leh anăn Kâo srăng ngă jăk kơ ih.’

Klei Mphŭn Dơ̆ng 43:14

Akâo kơ Aê Diê, Pô Mâo Jih Klei Myang, brei klei pap kơ diih ti anăp pô anăn, čiăng kơ ñu bi wĭt ayŏng diih leh anăn Y-Benjamin. Tơdah kâo luč phung anak kâo, kâo luč yơh.”

I Bruă Mtao 18:36

Ti mông myơr mnơ̆ng ngă yang, khua pô hưn êlâo Y-Êli nao giăm leh anăn lač, “Ơ Yêhôwa, Aê Diê Y-Abraham, Y-Isăk, leh anăn Y-Israel, brei arăng thâo hruê anei Ih jing Aê Diê hlăm phung Israel, leh anăn kâo jing dĭng buăl Ih, leh anăn kâo ngă leh jih klei anei tui si klei Ih blŭ.

II Bruă Mtao 2:14

Snăn ñu mă ao Y-Êli bi lĕ anăn leh anăn čăm êa êjai lač, “Ti Yêhôwa, Aê Diê Y-Êli?” Tơdah ñu čăm êa, êa bi mbha phă dua nah, leh anăn Y-Êlisê găn.

Y-Nêhêmi 1:11

Ơ Yêhôwa, brei knga Ih mđing kơ klei dĭng buăl Ih wah lač, leh anăn kơ klei phung dĭng buăl Ih wah lač phung khăp huĭ mpŭ kơ anăn Ih; leh anăn brei bĕ hruê anei klei dưi kơ dĭng buăl Ih, leh anăn klei pap ti anăp ală mtao anei.” Hlăk anăn kâo jing pô djă kčok kơ mtao.

Y-Nêhêmi 2:4

Mtao lač kơ kâo, “Ya mta klei ih čiăng lĕ?” Snăn kâo wah lač kơ Aê Diê hlăm adiê,

Klei Mmuñ Hđăp 118:25

Ơ Yêhôwa, bi mtlaih hmei bĕ; Ơ Yêhôwa, brei hmei mâo klei dưi.

Klei Mmuñ Hđăp 122:6

Wah lač bĕ kơ klei êđăp ênang ƀuôn Yêrusalem; brei phung khăp kơ ih mâo klei đĭ kyar!

Klei Mmuñ Hđăp 127:1

Tơdah Yêhôwa amâo mdơ̆ng sang, phung mdơ̆ng mă bruă hơăi mang. Tơdah Yêhôwa amâo kiă ƀuôn, pô gak krŏng ală hơăi mang yơh.

Klei Mmuñ Hđăp 37:5

Jao êlan ih kơ Yêhôwa; knang kơ Ñu, leh anăn Ñu srăng ngă klei anăn.

Klei Kbiă 3:15

Aê Diê lŏ lač kơ Y-Môis, “Brei ih blŭ kơ phung ƀuôn sang Israel snei, ‘Yêhôwa, Aê Diê phung aê diih, Aê Diê Y-Abraham, Aê Diê Y-Isăk, leh anăn Aê Diê Y-Yakôp, tiŏ hriê kâo kơ diih.’ Anei yơh anăn Kâo hlŏng lar, anei yơh arăng srăng hdơr kơ Kâo hlăm jih jang ênuk.

Klei Kbiă 3:6

Leh anăn ñu lač, “Kâo jing Aê Diê ama ih, Aê Diê Y-Abraham, Aê Diê Y-Isăk, leh anăn Aê Diê Y-Yakôp.” Y-Môis mdăp ƀô̆ mta ñu, kyuadah ñu huĭ dlăng kơ Aê Diê.

Klei Bi Hriêng 3:6

Hdơr bĕ kơ Ñu hlăm jih êlan ih êbat, leh anăn Ñu srăng bi kpă êlan ih.

Y-Mathiơ 22:32

‘Kâo jing Aê Diê Y-Abraham, Aê Diê Y-Isăk, leh anăn Aê Diê Y-Yakôp?’ Ñu amâo jing Aê Diê kơ phung djiê ôh, ƀiădah Aê Diê kơ phung hdĭp.”

Philip 4:6

Đăm ênguôt hnĭng kơ sa mta klei ôh, ƀiădah hlăm djăp mta klei hŏng klei wah lač, klei kwưh, leh anăn klei bi mni, akâo bĕ kơ Aê Diê klei diih čiăng.