Klei Mphŭn Dơ̆ng 23:2 - Klei Aê Diê Blŭ 2015

² H'Sara djiê ti ƀuôn Kiriat-Arba (anăn jing ƀuôn Hêbron) hlăm čar Kanaan. Y-Abraham nao mkra klei kơŭ kyăm leh anăn čŏk hia kơ H'Sara.

Klei Mphŭn Dơ̆ng 23:2 Iomraidhean Croise

Klei Mphŭn Dơ̆ng 13:18

Y-Abram bi mđuĕ anôk sang čhiăm ñu, leh anăn nao dôk ti đang kyâo ti Mamrê, giăm ƀuôn Hêbron; leh anăn ñu mdơ̆ng tinăn sa boh knưl ngă yang kơ Khua Yang.

Klei Mphŭn Dơ̆ng 23:1

H'Sara dôk hdĭp sa êtuh dua pluh kjuh thŭn; dŭm anăn yơh thŭn H'Sara dôk hdĭp.

Klei Mphŭn Dơ̆ng 23:19

Leh klei anăn Y-Abraham dơr H'Sara mô̆ ñu hlăm ƀăng čư̆ ti hma Makpêla tĭng ngŏ Mamrê (anăn jing Hêbron) hlăm čar Kanaan.

Klei Mphŭn Dơ̆ng 24:67

Y-Isăk atăt ba H'Rêƀêka hlăm sang čhiăm H'Sara amĭ ñu. Ñu mă H'Rêƀêka jing mô̆ ñu leh anăn khăp kơ gơ̆. Snăn Y-Isăk mâo klei bi juh leh djiê amĭ ñu.

Klei Mphŭn Dơ̆ng 27:41

Y-Êsâo bi êmut kơ Y-Yakôp kyua klei hơêč hmưi ama diñu brei kơ ñu, leh anăn Y-Êsâo lač hlăm ai tiê, “Hruê čŏk hia kơ ama kâo giăm leh. Hlăk anăn kâo srăng bi mdjiê Y-Yakôp adei kâo.”

Klei Mphŭn Dơ̆ng 35:27

Y-Yakôp truh kơ Y-Isăk ama ñu ti Mamrê, ƀuôn Kiriat-Arba (jing ƀuôn Hêbron), tinăn Y-Abraham leh anăn Y-Isăk dôk leh.

Klei Mphŭn Dơ̆ng 37:14

Ñu lŏ lač kơ gơ̆, “Nao bĕ, dlăng thâodah phung ayŏng ih leh anăn biăp mâo klei jăk, leh anăn lŏ wĭt hưn kơ kâo.” Ñu tiŏ nao gơ̆ mơ̆ng tlung Hêbron, leh anăn gơ̆ truh ti ƀuôn Sičem.

Klei Mphŭn Dơ̆ng 50:1

Y-Yôsep kmiêk ti ƀô̆ mta ama ñu, hia, leh anăn čŭm gơ̆.

Klei Mphŭn Dơ̆ng 50:10

Tơdah diñu truh ti anôk arăng prah mdiê ti Atat nah dih êa krông Yurdan, tinăn diñu čŏk hia hŏng klei ênguôt prŏng. Y-Yôsep brei arăng kơŭ kyăm kơ ama ñu kjuh hruê.

II Y-Samuel 1:12

Diñu kơŭ kyăm, hia, leh anăn kăm ƀơ̆ng huă tơl tlam kyua Y-Sôl, kyua Y-Jônathan anak êkei gơ̆, kyua phung ƀuôn sang Yêhôwa, leh anăn kyua sang Israel, kyuadah diñu êbuh leh hŏng đao gưm.

II Y-Samuel 1:17

Y-Đawit čŏk hia snei kyua Y-Sôl leh anăn kyua Y-Jônathan anak êkei gơ̆,

II Y-Samuel 2:11

Leh anăn ênuk Y-Đawit jing mtao ti ƀuôn Hêbron kơ sang Yuđa mâo kjuh thŭn năm mlan.

II Y-Samuel 5:3

Snăn jih jang phung khua mduôn phung Israel hriê kơ mtao ti ƀuôn Hêbron; leh anăn mtao Y-Đawit ngă klei bi mguôp hŏng diñu ti ƀuôn Hêbron ti anăp Yêhôwa. Leh anăn diñu trôč êa ƀâo mngưi kơ Y-Đawit brei jing mtao kơ phung Israel.

II Y-Samuel 5:5

Ti ƀuôn Hêbron ñu kiă kriê phung Yuđa êjai kjuh thŭn năm mlan; leh anăn ti ƀuôn Yêrusalem ñu kiă kriê jih jang phung Israel leh anăn phung Yuđa tlâo pluh tlâo thŭn.

I Klei Yăl Dliê 6:57

Diñu brei kơ phung anak êkei Y-Arôn ƀuôn pioh đuĕ dăp: ƀuôn Hêbron, ƀuôn Lipna mbĭt hŏng kdrăn rơ̆k, ƀuôn Jatir, ƀuôn Êstêmôa mbĭt hŏng kdrăn rơ̆k,

II Klei Yăl Dliê 35:25

Y-Yêrêmi mkra klei čŏk hia kơ Y-Jôsia; leh anăn jih jang phung êkei mniê mmuñ čŏk hia leh kơ Y-Jôsia truh kơ hruê anei. Diñu brei klei čŏk hia anăn jing klei bhiăn hlăm čar Israel; klei anei arăng čih leh hlăm hdruôm hră Klei Čŏk Hia.

Y-Nêhêmi 11:25

Bi kơ lu boh ƀuôn mbĭt hŏng hma digơ̆, đa đa hlăm phung Yuđa dôk hlăm ƀuôn Kiriat-Arba leh anăn phung ƀuôn jĕ giăm gơ̆, hlăm ƀuôn Dibôn leh anăn phung ƀuôn jĕ giăm gơ̆, leh anăn hlăm ƀuôn Jêkapsêel leh anăn phung ƀuôn jĕ giăm gơ̆,

Y-Yêrêmi 22:10

Đăm hia ôh kơ pô djiê leh, kăn čŏk hia kơ ñu rei; ƀiădah hia bĕ hŏng klei ênguôt kơ pô đuĕ nao mơ̆ng čar leh, kyuadah ñu amâo srăng lŏ wĭt ôh čiăng ƀuh čar ñu pô.

Y-Yêrêmi 22:18

Kyuanăn snei Yêhôwa lač klei djŏ kơ Y-Jêhôyakim anak êkei Y-Jôsia mtao Yuđa: “Diñu amâo srăng čŏk hia kơ gơ̆ ôh, lač, ‘Ơ ayŏng kâo ah!’ amâodah ‘Ơ amai kâo ah!’ Diñu amâo srăng čŏk hia kơ gơ̆ ôh, lač, ‘Ơ khua ah!’ amâodah ‘Ơ klei guh kơang ñu!’

Klei Yap 13:22

Diñu đĭ nao mơ̆ng čar Dhŭng truh ti ƀuôn Hêbron; ti anăn Y-Ahiman, Y-Sêsai, leh anăn Y-Talmai, phung anak čô Y-Anak dôk. (Arăng mdơ̆ng ƀuôn Hêbron kjuh thŭn êlâo kơ ƀuôn Sôan hlăm čar Êjip).

Klei Yap 20:29

Tơdah jih jang phung bi kƀĭn thâo Y-Arôn djiê leh, jih jang sang Israel čŏk hia kơ Y-Arôn êjai tlâo pluh hruê.

Y-Yôhan 11:31

Tơdah phung Yuđa hlăm sang dôk bi juh H'Mari ƀuh H'Mari ruăt kgŭ leh anăn kbiă, diñu tui hlue gơ̆, mĭndah gơ̆ nao čŏk hia ti msat.

Y-Yôhan 11:35

Yêsu hia.

Bruă Phung Khua Ƀĭng Kna 8:2

Phung đăo kjăp sĭt suôr dơr Y-Êtiên leh anăn čŏk hia ênguôt snăk kơ gơ̆.

Klei Mtô Mñă Klei Bhiăn 34:8

Phung ƀuôn sang Israel čŏk hia kơ Y-Môis hlăm lăn dap ala čar Môap êjai tlâo pluh hruê; leh anăn hruê čŏk hia leh anăn kơŭ kyăm kơ Y-Môis ruê̆.

Y-Yôsuê 10:39

Ñu mă ƀuôn anăn mbĭt hŏng mtao gơ̆ leh anăn jih jang ƀuôn điêt. Diñu bi rai digơ̆ hŏng mta đao gưm leh anăn bi mdjiê grăp čô mnuih hlăm ƀuôn anăn. Ñu amâo lui sa čô ăt dôk ôh. Msĕ si ñu ngă leh kơ ƀuôn Hêbron leh anăn kơ ƀuôn Lipna leh anăn mtao gơ̆, snăn mơh ñu ngă kơ ƀuôn Dêbir leh anăn mtao gơ̆.

Y-Yôsuê 15:13

Tui si klei Yêhôwa mtă leh kơ Y-Yôsuê, ñu brei kơ Y-Kalep anak êkei Y-Jêphunê sa kdrêč ti krah phung ƀuôn sang Yuđa, Kiriat-Arba, lŏ bi anăn ƀuôn prŏng Hêbron (Y-Arba jing ama Y-Anak).

Y-Yôsuê 15:54

Humta, Kiriat-Arba (lŏ bi anăn ƀuôn Hêbron), leh anăn Siôr; dua păn boh ƀuôn mbĭt hŏng ƀuôn điêt diñu.

Y-Yôsuê 20:7

Snăn diñu ruah ƀuôn Kadês hlăm čar Galilê hlăm čar kngư Naptali, ƀuôn Sičem hlăm čar kngư Êphraim, ƀuôn Kiriat-Arba (lŏ bi anăn ƀuôn Hêbron) hlăm čar kngư Yuđa.

Y-Yôsuê 21:11

Phung Yuđa brei kơ diñu ƀuôn Kiriat-Arba (lŏ bi anăn ƀuôn Hêbron), Y-Arba jing ama Y-Anak, hlăm čar kngư Yuđa, mbĭt hŏng kdrăn rơ̆k jŭm dar gơ̆.

Phung Khua Phat Kđi 1:10

Phung Yuđa nao ngă kơ phung Kanaan dôk ti ƀuôn Hêbron (mphŭn dô anăn ƀuôn Hêbron jing Kiriat-Arba), leh anăn diñu dưi hŏng Y-Sêsai, Y-Ahiman, leh anăn Y-Talmai.

I Y-Samuel 20:31

Kyuadah dŭm boh sui anak êkei Y-Yêsê dôk hdĭp ti lăn ala, ih amâodah ƀuôn ala mtao ih kăn srăng jing kjăp rei. Snăn tiŏ mnuih nao atăt ba ñu kơ kâo, kyuadah sĭt nik ñu srăng djiê”

I Y-Samuel 25:1

Y-Samuel djiê; leh anăn jih jang phung Israel bi kƀĭn leh anăn čŏk hia kơ ñu, leh anăn digơ̆ dơr ñu hlăm sang ñu ti ƀuôn Rama. Leh anăn Y-Đawit kgŭ trŭn nao kơ kdrăn tač Paran.

I Y-Samuel 28:3

Y-Samuel djiê leh, leh anăn jih jang phung Israel čŏk hia kơ ñu leh, leh anăn dơr ñu ti ƀuôn Rama, ƀuôn ñu pô. Y-Sôl suôt leh mơ̆ng čar phung mjâo leh anăn phung mdian.