Klei Mphŭn Dơ̆ng 22:4 - Klei Aê Diê Blŭ 2015

⁴ Hruê tal tlâo Y-Abraham kngưr ală leh anăn ƀuh anôk anăn mơ̆ng kbưi.

Klei Mphŭn Dơ̆ng 22:4 Iomraidhean Croise

Klei Mphŭn Dơ̆ng 22:3

Y-Abraham kgŭ aguah ưm, ñu să ưn aseh dliê ñu, leh anăn ñu mă mbĭt hŏng ñu dua čô phung dĭng buăl êkei ñu, wăt anak êkei ñu Y-Isăk. Ñu blah djuh pioh kơ mnơ̆ng myơr čuh, leh anăn kgŭ nao kơ anôk Aê Diê ktrâo leh kơ ñu.

Klei Mphŭn Dơ̆ng 22:5

Leh anăn Y-Abraham lač kơ phung dĭng buăl êkei ñu, “Dôk bĕ diih tinei mbĭt hŏng aseh dliê. Kâo leh anăn hđeh êdam srăng nao truh ti adih. Hmei srăng kkuh mpŭ leh anăn hmei lŏ hriê kơ diih.”

II Bruă Mtao 20:5

“Lŏ nao leh anăn lač bĕ kơ Y-Hêsêkia khua kơ phung ƀuôn sang kâo, ‘Snei Yêhôwa Aê Diê Y-Đawit aê ih lač: Kâo hmư̆ leh klei ih wah lač, Kâo ƀuh leh êa ală ih. Nĕ anei Kâo srăng bi hlao ih. Ti hruê tal tlâo ih srăng đĭ nao kơ sang Yêhôwa.

H'Êsther 5:1

Ti hruê tal tlâo H'Êsther hơô ao mtao mniê ñu leh anăn dôk dơ̆ng hlăm lam wăl sang mtao, phă hŏng adŭ mtao. Mtao dôk gŭ ti jhưng mtao ñu hlăm sang mtao phă hŏng anôk mŭt sang mtao.

Klei Kbiă 15:22

Y-Môis atăt ba phung Israel mơ̆ng Êa Ksĭ Hrah. Diñu nao phă kdrăn tač Sur. Diñu êbat tlâo hruê hlăm kdrăn tač, ƀiădah amâo ƀuh êa ôh.

Klei Kbiă 19:11

Brei diñu prăp êmiêt kơ hruê tal tlâo; kyuadah hruê tal tlâo Yêhôwa srăng trŭn hriê ti dlông čư̆ Sinai ti anăp ală jih jang phung ƀuôn sang.

Klei Kbiă 19:15

Ñu lač kơ phung ƀuôn sang, “Brei diih prăp êmiêt kơ hruê tal tlâo; đăm diih đih hŏng sa čô mniê ôh.”

Klei Kbiă 5:3

Diñu lŏ lač, “Aê Diê phung Hêbrơ bi tuôm leh hŏng hmei. Hmei akâo kơ ih, brei hmei nao tlâo hruê êbat hlăm kdrăn tač, čiăng myơr mnơ̆ng ngă yang kơ Yêhôwa, Aê Diê hmei, huĭdah Ñu ngă kơ hmei hŏng klei ruă tưp amâodah đao gưm.”

Y-Ôsê 6:2

Êdei dua hruê Ñu srăng lŏ bi hdĭp drei, ti hruê tal tlâo Ñu srăng lŏ rŭ drei, čiăng kơ drei dưi dôk hdĭp ti anăp Ñu.

Bruă Lêwi 7:17

Ƀiădah kđeh adôk mơ̆ng mnơ̆ng ngă yang tơl hruê tal tlâo, brei arăng čuh hŏng pui.

Klei Yap 10:33

Snăn diñu đuĕ nao mơ̆ng čư̆ Yêhôwa tlâo hruê êbat; leh anăn hip klei bi mguôp Yêhôwa nao ti anăp diñu tlâo hruê êbat, čiăng duah sa anôk mdei kơ diñu.

Klei Yap 19:12

Ñu srăng bi doh ñu pô hŏng êa anăn ti hruê tal tlâo leh anăn ti hruê tal kjuh, snăn ñu srăng jing doh; ƀiădah tơdah ñu amâo bi doh ñu pô ôh ti hruê tal tlâo leh anăn ti hruê tal kjuh, ñu amâo srăng jing doh ôh.

Klei Yap 19:19

Pô doh srăng hƀrah ti dlông pô čhŏ ti hruê tal tlâo leh anăn ti hruê tal kjuh; snăn ti hruê tal kjuh ñu srăng bi doh gơ̆, leh gơ̆ boh čhiăm ao gơ̆, leh anăn mnei hlăm êa, ti tlam gơ̆ srăng jing doh.

Klei Yap 31:19

Brei diih dôk đăm ti êngao wăl êjai kjuh hruê. Hlei pô hlăm phung diih bi mdjiê leh sa čô mnuih, leh anăn hlei pô ruêh leh sa čô mnuih arăng bi mdjiê, bi doh hĕ diih pô leh anăn mnă diih ti hruê tal tlâo leh anăn hruê tal kjuh.

Y-Mathiơ 17:23

phung anăn srăng bi mdjiê Ñu, leh anăn Ñu srăng lŏ hdĭp ti hruê tal tlâo.” Phung ƀĭng kna ênguôt snăk.

Y-Luk 13:32

Ñu lač kơ phung anăn, “Nao hưn bĕ kơ mja anăn, ‘Nĕ anei, Kâo suôt phung yang jhat leh anăn ngă klei bi hlao hruê anei leh anăn mgi, leh anăn hruê tal tlâo Kâo srăng bi jih bruă Kâo.

I Kôrantô 15:4

arăng dơr Ñu leh, Ñu lŏ hdĭp leh ti hruê tal tlâo, tui si Klei Aê Diê Blŭ čih leh,

Y-Yôsuê 1:11

“Nao mŭt hlăm anôk wăl leh anăn mtă bĕ kơ phung ƀuôn sang, ‘Mprăp bĕ mnơ̆ng diih pioh ƀơ̆ng huă, kyuadah adôk tlâo hruê diih srăng găn êa krông Yurdan anei, čiăng mŭt plah mă lăn čar Yêhôwa Aê Diê diih brei diih mă bha.’ ”

I Y-Samuel 26:13

Leh anăn Y-Đawit găn nao nah dih leh anăn dôk dơ̆ng kbưi ti čŏng čư̆, taih mơh hŏng anôk Y-Sôl jưh.