Klei Mphŭn Dơ̆ng 22:3 - Klei Aê Diê Blŭ 2015

³ Y-Abraham kgŭ aguah ưm, ñu să ưn aseh dliê ñu, leh anăn ñu mă mbĭt hŏng ñu dua čô phung dĭng buăl êkei ñu, wăt anak êkei ñu Y-Isăk. Ñu blah djuh pioh kơ mnơ̆ng myơr čuh, leh anăn kgŭ nao kơ anôk Aê Diê ktrâo leh kơ ñu.

Klei Mphŭn Dơ̆ng 22:3 Iomraidhean Croise

Klei Mphŭn Dơ̆ng 17:23

Leh anăn Y-Abraham mă Y-Ismaêl anak êkei ñu, wăt jih jang phung hlŭn arăng kkiêng leh hlăm sang ñu, leh anăn jih jang phung arăng blei hŏng prăk ñu, grăp čô êkei hlăm phung sang Y-Abraham, leh anăn ñu khăt klĭt digơ̆ hruê anăn mơh, tui si Aê Diê mtă kơ ñu leh.

Klei Mphŭn Dơ̆ng 21:14

Snăn Y-Abraham kgŭ aguah ưm, mă kpŭng leh anăn sa giêt êa klĭt, brei kơ H'Agar leh anăn ñu dưm ti mra gơ̆. Ñu brei hđeh kơ gơ̆ leh anăn suôt brei gơ̆ đuĕ nao. H'Agar đuĕ nao leh anăn hiu rưng hlăm kdrăn tač Bêr-Sêba.

Klei Mphŭn Dơ̆ng 22:18

Jih jang phung găp djuê hlăm lăn ala srăng mâo klei jăk jĭn kyua phung anak čô ih, kyuadah ih gưt leh asăp Kâo.”

Klei Mphŭn Dơ̆ng 22:2

Aê Diê lač, “Mă bĕ anak ih, anak ih mâo knŏng sa čô, Y-Isăk, pô ih khăp anăn; nao bĕ kơ čar Môria. Tinăn brei ih myơr ñu jing mnơ̆ng myơr čuh ti dlông sa boh čư̆ Kâo srăng ktrâo kơ ih.”

Klei Mphŭn Dơ̆ng 22:4

Hruê tal tlâo Y-Abraham kngưr ală leh anăn ƀuh anôk anăn mơ̆ng kbưi.

Klei Mmuñ Hđăp 119:60

Kâo ruăt, amâo lŏ krư̆i ôh, čiăng tui hlue klei Ih mtă.

Khua Pô Mtô 9:10

Ya klei kngan ih ngă, ngă bĕ klei anăn hŏng jih klei ktang ih, kyuadah amâo mâo ôh bruă amâodah klei mĭn amâodah klei thâo săng amâodah klei thâo mĭn hlăm Ƀuôn Phung Djiê, kơ anôk anăn ih srăng nao.

Y-Mathiơ 10:37

Hlei pô khăp kơ amĭ ama ñu lu hĭn kơ Kâo amâo năng kơ Kâo ôh; hlei pô khăp kơ anak êkei amâodah kơ anak mniê ñu lu hĭn kơ Kâo amâo năng kơ Kâo ôh;

Y-Luk 14:26

“Tơdah sa čô hriê kơ kâo leh anăn amâo bi êmut ôh kơ amĭ ama, kơ mô̆ anak, kơ phung ayŏng adei amai adei, leh anăn wăt klei hdĭp ñu pô, ñu amâo dưi jing ƀĭng kna Kâo ôh.

Galati 1:16

čiăng bi êdah Anak Ñu hlăm kâo, čiăng kơ kâo dưi mtô klei mrâo mrang jăk Anak anăn hlăm phung tue, mtam kâo amâo tuôm bi trông čhai hŏng kđeh leh anăn êrah ôh.

Hêbrơ 11:8

Hŏng klei đăo Y-Abraham gưt tơdah Aê Diê iêô ñu brei nao kơ anôk ñu srăng mă tŭ jing ngăn dưn. Snăn ñu đuĕ nao, amâo thâo ôh ti anôk ñu nao.

Y-Yôsuê 3:1

Aguah ưm Y-Yôsuê kgŭ đuĕ nao mơ̆ng Sitim mbĭt hŏng jih jang ƀuôn sang Israel. Diñu truh ti êa krông Yurdan leh anăn đăm ti anăn êlâo diñu găn.

Y-Yôsuê 8:10

Y-Yôsuê kgŭ ưm aguah, iêô anăn phung ƀuôn sang, leh anăn đĭ nao kơ ƀuôn Ahi mbĭt hŏng phung khua mduôn Israel ti anăp phung ƀuôn sang.