Klei Mphŭn Dơ̆ng 21:1 - Klei Aê Diê Blŭ 2015

¹ Yêhôwa ngă jăk kơ H'Sara msĕ si Ñu lač leh, leh anăn Yêhôwa brei kơ H'Sara klei Ñu ƀuăn leh.

Klei Mphŭn Dơ̆ng 21:1 Iomraidhean Croise

Klei Mmuñ Hđăp 12:6

Klei Yêhôwa ƀuăn jing klei ƀuăn doh; msĕ si prăk arăng bi doh hlăm pui êdai, bi doh leh kjuh blư̆.

Klei Mphŭn Dơ̆ng 18:10

Sa čô hlăm phung digơ̆ lač, “Sĭt nik kâo srăng lŏ hriê kơ ih yan anei thŭn êdei, leh anăn H'Sara mô̆ ih srăng mâo sa čô anak êkei.” H'Sara dôk hmư̆ hlăm lam ti ƀăng bhă sang čhiăm ti tluôn Ñu.

Klei Mphŭn Dơ̆ng 18:14

Mâo mơ̆ sa mta klei dleh đei tơl Khua Yang amâo dưi ngă ôh? Tui si yan bi kčah leh Kâo srăng lŏ hriê kơ ih thŭn êdei, leh anăn H'Sara srăng mâo sa čô anak êkei.”

Klei Mphŭn Dơ̆ng 17:19

Aê Diê lač, “Hơăi, ƀiădah H'Sara mô̆ ih srăng kkiêng sa čô anak êkei kơ ih, leh anăn brei ih bi anăn ñu Y-Isăk; Kâo srăng bi kjăp klei Kâo bi mguôp hŏng ñu jing klei bi mguôp hlŏng lar kơ phung anak čô ñu kơ êdei.

Y-Tit 1:2

hlăm klei čang hmăng kơ klei hdĭp hlŏng lar Aê Diê ƀuăn leh mơ̆ng lu ênuk êlâo — Ñu amâo tuôm luar ôh.

Galati 4:23

Anak mơ̆ng mniê hlŭn kkiêng leh tui si kđeh, anak mơ̆ng mniê êngiê kkiêng leh tui si klei ƀuăn.

Y-Mathiơ 24:35

Adiê leh anăn lăn ala srăng êgao tuč, ƀiădah klei Kâo blŭ amâo srăng êgao tuč ôh.

I Y-Samuel 2:21

Leh anăn Yêhôwa pap kơ H'An, gơ̆ ba tian leh anăn kkiêng kơ tlâo čô anak êkei leh anăn dua čô anak mniê. Hđeh êdam Y-Samuel hriê kơ prŏng ti anăp Yêhôwa.

Galati 4:28

Ơ phung ayŏng adei, diih jing msĕ si Y-Isăk, jing phung anak mơ̆ng klei ƀuăn.

H'Rut 1:6

Snăn ñu hŏng dua čô mtâo mniê ñu dơ̆ng kbiă mơ̆ng čar Môap wĭt kơ čar ñu pô, kyuadah êjai dôk hlăm čar Môap, ñu hmư̆ leh kơ Yêhôwa čhưn leh hŏng phung ƀuôn sang Ñu leh anăn brei mnơ̆ng ƀơ̆ng huă kơ digơ̆.

Klei Mphŭn Dơ̆ng 50:24

Y-Yôsep lač kơ phung ayŏng adei ñu, “Kâo dơ̆ng djiê, ƀiădah Aê Diê srăng čhưn hŏng diih, leh anăn Ñu srăng atăt diih kbiă mơ̆ng čar anei kơ čar Ñu kat asei leh kơ Y-Abraham, kơ Y-Isăk, leh anăn kơ Y-Yakôp.”

Klei Mphŭn Dơ̆ng 17:21

Ƀiădah klei Kâo bi mguôp, Kâo srăng bi kjăp hŏng Y-Isăk, pô H'Sara srăng kkiêng kơ ih hlăm yan anei thŭn êdei.”

Klei Mphŭn Dơ̆ng 17:16

Kâo srăng brei klei jăk jĭn kơ ñu, leh anăn Kâo srăng brei ñu kkiêng sa čô anak êkei kơ ih. Kâo srăng brei klei jăk jĭn kơ ñu; ñu srăng jing amĭ kơ lu phung găp djuê mnuih; phung mtao kơ phung găp djuê srăng kbiă mơ̆ng ñu.”

Y-Luk 1:68

“Mpŭ mni kơ Khua Yang, Aê Diê Israel, kyuadah Ñu čhưn leh anăn bi tui leh phung ƀuôn sang Ñu,

Klei Kbiă 4:31

Snăn phung ƀuôn sang đăo. Tơdah hmư̆ kơ Yêhôwa čhưn leh hŏng phung ƀuôn sang Israel leh anăn ƀuh leh klei knap mñai diñu, diñu kkui kŏ leh anăn kkuh mpŭ.

Klei Mmuñ Hđăp 106:4

Ơ Yêhôwa, brei Ih hdơr kơ kâo tơdah Ih brei klei jăk kơ phung ƀuôn sang Ih, đru kâo tơdah Ih bi mtlaih diñu,

Klei Kbiă 20:5

Đăm ih buôn kkuh ti anăp mnơ̆ng anăn ôh, kăn mă bruă kơ diñu rei; kyuadah Kâo gơ̆ yơh jing Yêhôwa Aê Diê ih, Aê Diê thâo trih, bi kmhal klei wê phung ama lĕ kơ phung anak tơl kơ ênuk tal tlâo amâodah tal pă kơ phung bi êmut kơ Kâo;

Klei Kbiă 3:16

Nao bi kƀĭn bĕ phung khua mduôn phung Israel leh anăn lač kơ diñu, ‘Yêhôwa, Aê Diê phung aê diih, Aê Diê Y-Abraham, Y-Isăk, leh anăn Y-Yakôp, bi êdah leh kơ kâo, lač, Kâo ƀuh diih leh, leh anăn klei arăng ngă kơ diih hlăm čar Êjip.

Y-Luk 19:44

diñu bi klưh ih ti lăn, wăt phung anak ih ti krah ih, leh anăn diñu amâo srăng lui ôh hlăm ih sa boh tâo ti dlông sa boh tâo mkăn, kyuadah ih amâo thâo ôh hruê Aê Diê čhưn leh hŏng ih.”

Klei Mphŭn Dơ̆ng 24:36

H'Sara mô̆ khua kâo, tơdah ñu mduôn kkiêng sa čô anak êkei kơ khua kâo; leh anăn gơ̆ brei kơ anak gơ̆ jih jang mnơ̆ng gơ̆ mâo.

I Y-Samuel 1:19

Diñu kgŭ aguah ưm leh anăn kkuh mpŭ ti anăp Yêhôwa; leh anăn diñu wĭt kơ sang diñu ti ƀuôn Rama. Y-Êlkana dôk hŏng mô̆ ñu H'An, leh anăn Yêhôwa hdơr kơ gơ̆.

II Bruă Mtao 4:17

Ƀiădah mniê anăn ba tian leh anăn gơ̆ kkiêng kơ sa čô anak êkei ti yan mnga thŭn êdei, tui si Y-Êlisê lač leh kơ gơ̆.