Klei Mphŭn Dơ̆ng 2:7 - Klei Aê Diê Blŭ 2015

⁷ Khua Yang Aê Diê mmuôn sa čô êkei hŏng ƀruih lăn; Ñu ƀhur êwa klei hdĭp hlăm ƀăng adŭng gơ̆, leh anăn mnuih jing mngăt hdĭp.

Klei Mphŭn Dơ̆ng 2:7 Iomraidhean Croise

Klei Mphŭn Dơ̆ng 1:27

Snăn Aê Diê hrih mnuih tui si rup Ñu pô; Ñu hrih gơ̆ tui si rup Aê Diê pô, Ñu hrih digơ̆ êkei leh anăn mniê.

Klei Mphŭn Dơ̆ng 2:6

Ƀiădah mâo dhul đĭ mơ̆ng lăn leh anăn krih tar ƀar lăn ala.

Klei Mphŭn Dơ̆ng 3:19

Ih srăng mâo mnơ̆ng ƀơ̆ng huă hŏng êa kơhŏ ti adhei ih tơl ih lŏ wĭt kơ lăn, kyuadah mơ̆ng lăn yơh arăng mjing ih leh; kyuadah ih jing ƀruih lăn, ih srăng lŏ wĭt jing ƀruih lăn mơh.”

Klei Mphŭn Dơ̆ng 3:23

Kyuanăn Khua Yang Aê Diê suôt ñu mơ̆ng war djam Êđen, čiăng kơ ñu tlăng ksul lăn, mơ̆ng anăn arăng mjing ñu leh.

Klei Mphŭn Dơ̆ng 7:22

Jih jang mnơ̆ng ti lăn thu mâo êwa klei hdĭp hlăm ƀăng adŭng djiê sơăi.

Y-Yôp 27:3

êjai dŭm boh sui kâo dôk bi êwa, leh anăn êwa Aê Diê dôk hlăm ƀăng adŭng kâo,

Y-Yôp 33:4

Mngăt Myang Aê Diê hrih kâo leh, leh anăn êwa mơ̆ng Pô Mâo Jih Klei Myang brei klei hdĭp kơ kâo.

Y-Yôp 33:6

Nĕ anei, ti anăp Aê Diê kâo jing msĕ si ih; kâo msĕ mơh Aê Diê mjing hŏng klŏ lŭ.

Y-Yôp 4:19

Ƀai êjai hĭn kơ phung arăng mjing leh hŏng lăn lŭ, atur diñu jing ƀruih lăn, phung arăng bi mčah bi rai msĕ si muôr.

Klei Mmuñ Hđăp 100:3

Brei diih thâo kơ Yêhôwa jing Aê Diê. Ñu yơh mjing drei leh, drei jing dŏ Ñu; drei jing phung ƀuôn sang Ñu, phung biăp hlăm kdrăn rơ̆k Ñu.

Klei Mmuñ Hđăp 103:14

Kyuadah Ñu thâo hŏng ya mnơ̆ng arăng mjing drei leh; Ñu hdơr kơ drei jing bruih lăn.

Klei Bi Hriêng 20:27

Mngăt mnuih jing pui kđen Yêhôwa, ñu ksiêm tơl truh ti anôk hgăm hlăm lam ai tiê.

Khua Pô Mtô 12:7

leh anăn ƀruih lăn lŏ wĭt kơ lăn msĕ si êlâo, leh anăn mngăt lŏ wĭt kơ Aê Diê Pô brei gơ̆.

Khua Pô Mtô 3:7

hlăk hiêk, leh anăn hlăk jhĭt, hlăk dôk kriêp, leh anăn hlăk blŭ,

Y-Êsai 2:22

Đăm lŏ knang kơ mnuih pô knŏng thâo bi êwa ti ƀăng adŭng, kyuadah ya klei yuôm ñu jing?

Y-Êsai 64:8

Ƀiădah, Ơ Yêhôwa, Ih ăt jing Ama hmei, hmei jing lăn lŭ, leh anăn Ih jing Pô mmai hmei; jih jang hmei jing bruă kngan Ih ngă.

Klei Čŏk Hia 4:20

Pô Yêhôwa trôč leh êa ƀâo mngưi, Pô jing msĕ si klei bi êwa drei, djŏ leh kđông diñu. Kơ Ñu yơh drei mĭn, “ti gŭ êyui Ñu drei srăng dôk hdĭp ti krah phung găp djuê mnuih.”

Y-Êsêkiêl 37:5

Snei klei Yêhôwa Aê Diê blŭ kơ phung klang anei: Nĕ anei, Kâo srăng brei êwa mŭt hlăm diih, diih srăng lŏ hdĭp.

Y-Êsêkiêl 37:6

Kâo srăng dưm aruăt ti dlông diih, srăng brei kđeh truh kơ diih, guôm diih hŏng klĭt, thut êwa hlăm diih, diih srăng lŏ hdĭp; leh anăn diih srăng thâo Kâo jing Yêhôwa.’ ”

Y-Sakari 12:1

Klei ktrŏ Yêhôwa blŭ djŏ kơ Israel: Snei Yêhôwa lač, Pô lang leh phung adiê leh anăn ngă leh atur kơ lăn ala leh anăn Pô mjing leh mngăt mnuih hlăm lam gơ̆:

Klei Yap 16:22

Digơ̆ kŭp ƀô̆ ti lăn leh anăn lač, “Ơ Aê Diê, Aê Diê kơ mngăt jih jang kđeh, sa čô mnuih ngă soh leh anăn Ih srăng ngêñ wăt kơ jih jang phung bi kƀĭn mơ̆?”

Klei Yap 27:16

“Akâo kơ Yêhôwa, Aê Diê kơ phung mngăt jih jang mnuih ruah sa čô mnuih jing khua kơ phung bi kƀĭn,

Y-Yôhan 20:22

Leh Yêsu lač klei anăn, Ñu ƀhur êwa Ñu kơ digơ̆ leh anăn lač, “Mă tŭ bĕ Yang Mngăt Jăk.

Bruă Phung Khua Ƀĭng Kna 17:25

kăn kngan mnuih mă bruă kơ Ñu rei, msĕ si Ñu kƀah mnơ̆ng, kyuadah Ñu pô yơh brei kơ jih jang mnuih klei hdĭp, klei bi êwa, leh anăn djăp mta mnơ̆ng.

Hră Y-Pôl Mơĭt kơ Phung Rôm 9:20

Ƀiădah hlei ih jing, Ơ mnuih, čiăng bi tăng hŏng Aê Diê? Dưi mơ̆ lŭ lač kơ pô mmai gơ̆, “Si ngă ih mjing kâo msĕ snei?”

I Kôrantô 15:45

Snei Klei Aê Diê Blŭ čih leh, “Mnuih tal êlâo Y-Ađam jing mngăt hdĭp; Y-Ađam knhal tuč jing mngăt brei klei hdĭp.”

I Kôrantô 15:47

Mnuih tal êlâo kbiă hriê mơ̆ng lăn, jing mnuih lăn; mnuih tal dua kbiă hriê mơ̆ng adiê.

II Kôrantô 4:7

Ƀiădah hmei dưm ngăn yuôm anei hlăm lu čeh lăn, čiăng bi êdah klei myang prŏng hĭn jing dŏ Aê Diê, amâo djŏ ôh dŏ hmei.

II Kôrantô 5:1

Kyuadah drei thâo tơdah sang čhiăm anôk drei dôk ti lăn ala rai leh, drei mâo sang Aê Diê pô mkra, amâo djŏ kngan mnuih ngă ôh, dôk nanao hlŏng lar hlăm adiê.

I Y-Timôthê 2:13

Kyuadah Aê Diê mjing Y-Ađam êlâo leh anăn H'Êwơ êdei.

Hêbrơ 12:9

Êbeh hĭn kơ anăn, drei mâo leh ama ti lăn ala čiăng mkra mjuăt drei, leh anăn drei mpŭ kơ diñu. Amâo djŏ hĕ kdlưn hĭn drei srăng gưt Ama kơ mngăt leh anăn dôk hdĭp?