Klei Mphŭn Dơ̆ng 2:16 - Klei Aê Diê Blŭ 2015

¹⁶ Khua Yang Aê Diê mtă kơ êkei anăn snei, “Ih dưi ƀơ̆ng boh jih jang ana kyâo hlăm war djam;

Klei Mphŭn Dơ̆ng 2:16 Iomraidhean Croise

Klei Mphŭn Dơ̆ng 1:29

Aê Diê lač, “Nĕ anei, Kâo brei leh kơ diih tar ƀar lăn ala jih jang djam mâo mjeh leh anăn jih jang ana kyâo mâo boh hŏng mjeh; mnơ̆ng anăn srăng jing mnơ̆ng diih ƀơ̆ng huă.

Klei Mphŭn Dơ̆ng 2:15

Khua Yang Aê Diê dưm êkei anăn hlăm war djam Êđen brei ñu mkra leh anăn kiă kriê.

Klei Mphŭn Dơ̆ng 2:9

Khua Yang Aê Diê brei čăt mơ̆ng lăn djăp mta ana kyâo siam dlăng leh anăn mâo boh ƀơ̆ng jăk, wăt ana kyâo klei hdĭp ti krah war djam, leh anăn ana kyâo klei thâo kral klei jăk hŏng klei jhat.

Klei Mphŭn Dơ̆ng 3:3

ƀiădah Aê Diê lač, ‘Đăm ƀơ̆ng ôh boh ana kyâo ti krah war djam, kăn ruêh boh anăn rei, huĭdah diih djiê.’ ”

I Y-Timôthê 4:4

Kyuadah jih jang mnơ̆ng Aê Diê hrih leh jing jăk sơăi, leh anăn amâo mâo ôh mnơ̆ng brei arăng hngah tơdah ƀơ̆ng hŏng klei hdơr knga.

I Y-Timôthê 6:17

Mtă bĕ kơ phung mdrŏng hŏng mnơ̆ng lăn ala anei, đăm brei diñu jing mgao ôh amâodah čang hmăng kơ klei mdrŏng amâo sĭt ôh, ƀiădah čang hmăng kơ Aê Diê, Pô brei kơ drei êbeh dlai djăp mta mnơ̆ng dưi bi mơak kơ drei.

I Y-Samuel 15:22

Y-Samuel lač, “Yêhôwa ƀuh mơ̆ klei mơak hlăm mnơ̆ng myơr čuh leh anăn mnơ̆ng ngă yang msĕ si hlăm klei gưt asăp kơ Yêhôwa? Nĕ anei, klei gưt asăp jing jăk hĭn kơ klei ngă yang, leh anăn klei dôk hmư̆ jing jăk hĭn kơ prăi biăp knô.