Klei Mphŭn Dơ̆ng 2:1 - Klei Aê Diê Blŭ 2015

¹ Snăn yơh bruă mjing adiê leh anăn lăn ala wăt jih jang mnơ̆ng hlăm diñu ruê̆ leh.

Klei Mphŭn Dơ̆ng 2:1 Iomraidhean Croise

Klei Mphŭn Dơ̆ng 1:1

Hlăk mphŭn dơ̆ng Aê Diê hrih adiê leh anăn lăn ala.

Klei Mphŭn Dơ̆ng 1:10

Aê Diê pia anôk thu “lăn”; leh anăn Ñu pia anôk êa bi kƀĭn “êa ksĭ”. Aê Diê ƀuh klei anăn jing jăk.

Klei Mphŭn Dơ̆ng 2:4

Anei yơh, klei mphŭn mâo kơ klei hrih adiê leh anăn lăn ala tơdah Aê Diê hrih diñu. Hlăk ênuk Khua Yang Aê Diê mjing lăn ala leh anăn adiê,

II Bruă Mtao 19:15

Y-Hêsêkia wah lač ti anăp Yêhôwa leh anăn lač, “Ơ Yêhôwa, Aê Diê Israel, Pô dôk ti jhưng mtao ti dlông phung čêrubim, knŏng hjăn Ih jing Aê Diê kơ jih jang ƀuôn ala mtao ti lăn ala. Ih hrih leh adiê leh anăn lăn ala.

II Klei Yăl Dliê 2:12

Y-Huram lŏ lač msĕ mơh, “Mpŭ mni kơ Yêhôwa Aê Diê Israel, Pô hrih leh adiê leh anăn lăn ala, Pô brei leh kơ Y-Đawit sa čô anak êkei mâo klei knhâo leh anăn klei thâo săng, srăng mdơ̆ng sa boh sang kơ Yêhôwa, leh anăn sa boh sang mtao kơ Ñu pô.

Y-Nêhêmi 9:6

Y-Êsra lač, “Ih jing Yêhôwa, knŏng hjăn Ih; Ih mjing leh adiê, adiê kơ jih jang adiê, mbĭt hŏng jih jang phung kahan diñu, lăn ala leh anăn jih jang mnơ̆ng hlăm ñu, jih jang êa ksĭ leh anăn jih jang mnơ̆ng mâo hlăm diñu; leh anăn Ih răng kriê jih jang diñu; leh anăn phung kahan hlăm adiê kkuh mpŭ kơ ih.

Y-Yôp 12:9

Dŭm hlăm jih mnơ̆ng anăn amâo thâo ôh kơ kngan Aê Diê yơh ngă leh jih klei anăn?

Klei Mmuñ Hđăp 104:2

Yêhôwa guôm Ñu pô hŏng klei mngač msĕ si sa blah ao jhung; Ñu lang leh jih adiê msĕ si sa blah sang čhiăm.

Klei Mmuñ Hđăp 146:6

Pô hrih adiê leh anăn lăn ala, êa ksĭ leh anăn jih jang mnơ̆ng hlăm diñu, Yêhôwa, Pô dôk sĭt suôr hlŏng lar.

Klei Mmuñ Hđăp 33:6

Yêhôwa hrih phung adiê hŏng klei Ñu blŭ, leh anăn jih jang mnơ̆ng hŏng êwa mơ̆ng ƀăng êgei Ñu.

Klei Mmuñ Hđăp 33:9

Kyuadah Ñu blŭ, snăn mâo mnơ̆ng; Ñu mtă, snăn gơ̆ jing kjăp.

Klei Kbiă 20:11

Kyuadah hlăm năm hruê Yêhôwa hrih adiê, lăn ala, êa ksĭ, leh anăn jih jang mnơ̆ng mâo hlăm diñu, leh anăn Ñu mdei hruê tal kjuh. Kyuanăn Yêhôwa hơêč hmưi kơ hruê sabat anăn leh anăn pioh brei hruê sabat jing doh jăk.

Klei Kbiă 31:17

Klei anăn jing klei bi knăl Kâo hŏng phung ƀuôn sang Israel hlŏng lar, kyuadah hlăm năm hruê Yêhôwa hrih adiê leh anăn lăn ala, leh anăn ti hruê tal kjuh Ñu mdei bruă Ñu mơ̆ng jih.’ ”

Y-Êsai 34:4

Jih jang phung kahan hlăm adiê srăng rai hĕ, arăng srăng klĭt hĕ adiê msĕ si arăng klĭt hră. Jih jang phung kahan ñu srăng lĕ msĕ si hla luh mơ̆ng ana boh kriăk ƀâo, msĕ si hla luh mơ̆ng ana boh hra.

Y-Êsai 42:5

Snei Aê Diê Yêhôwa lač, Pô hrih leh anăn mblang leh phung adiê, Pô lang leh lăn ala leh anăn mnơ̆ng kbiă mơ̆ng gơ̆, Pô brei êwa kơ phung ƀuôn sang hlăm gơ̆, leh anăn klei hdĭp kơ phung êbat tinăn:

Y-Êsai 45:12

Kâo yơh mjing leh lăn ala, leh anăn hrih leh mnuih ti dlông ñu. Kngan Kâo pô yơh mblang leh phung adiê, leh anăn Kâo mjing leh jih jang phung kahan ñu.

Y-Êsai 45:18

Kyuadah snei Yêhôwa lač, Pô Hrih phung adiê, Ñu yơh jing Aê Diê, Pô mmuôn lăn ala leh anăn mjing gơ̆, Ñu yơh bi kjăp gơ̆, Ñu amâo hrih gơ̆ čiăng jing anôk êhŏng ôh, ƀiădah mjing gơ̆ kơ anôk arăng dôk. Kâo jing Yêhôwa, amâo lŏ mâo pô mkăn ôh.

Y-Êsai 48:13

Kngan Kâo pô dưm leh atur lăn ala, leh anăn kngan hnuă Kâo mblang leh adiê. Tơdah Kâo iêô diñu, diñu kgŭ dơ̆ng mđrăm mbĭt.

Y-Êsai 55:9

“Kyuadah msĕ si phung adiê dlông hĭn kơ lăn ala, snăn mơh êlan Kâo dlông hĭn kơ êlan diih, leh anăn klei Kâo mĭn dlông hĭn kơ klei diih mĭn.

Y-Êsai 65:17

“Kyuadah nĕ anei, Kâo hrih adiê mrâo leh anăn lăn ala mrâo. Arăng amâo srăng lŏ hdơr ôh kơ mnơ̆ng mphŭn dô, kăn arăng lŏ mĭn kơ mnơ̆ng anăn rei.

Y-Yêrêmi 10:12

Yêhôwa yơh hrih leh lăn ala hŏng klei myang Ñu, Pô bi kjăp leh lăn ala hŏng klei thâo mĭn Ñu, leh anăn hŏng klei Ñu thâo săng Ñu lang phung adiê.

Y-Yêrêmi 10:16

Aê Diê Pô pioh kơ phung Yakôp amâo jing msĕ snăn ôh, kyuadah Ñu jing Pô Hrih leh jih jang mnơ̆ng, leh anăn wăt phung Israel, găp djuê Ñu dưn ngăn; Yêhôwa kơ phung kahan jing anăn Ñu.

Y-Yêrêmi 8:2

Arăng srăng rang klang anăn ti gŭ yang hruê, mlan, leh anăn jih jang mtŭ hlăm adiê, dŏ anăn diñu khăp leh anăn mă bruă, dŏ anăn diñu tui hlue leh, leh anăn duah čiăng kkuh mpŭ. Arăng amâo srăng lŏ bi kƀĭn amâodah dơr hĕ diñu ôh; diñu srăng jing msĕ si hbâo ti dlông rŏng lăn.

Y-Sakari 12:1

Klei ktrŏ Yêhôwa blŭ djŏ kơ Israel: Snei Yêhôwa lač, Pô lang leh phung adiê leh anăn ngă leh atur kơ lăn ala leh anăn Pô mjing leh mngăt mnuih hlăm lam gơ̆:

Y-Luk 2:13

Bhiâo riâo rit mbĭt hŏng dĭng buăl jăk anăn mâo klăk klai phung kahan adiê mmuñ mpŭ mni kơ Aê Diê leh anăn lač,

Bruă Phung Khua Ƀĭng Kna 4:24

Leh diñu hmư̆ klei anăn, diñu wah lač mđrăm mbĭt kơ Aê Diê, “Ơ Khua Yang, Pô hrih adiê, lăn ala, êa ksĭ, leh anăn jih jang mnơ̆ng hlăm digơ̆,

Bruă Phung Khua Ƀĭng Kna 7:42

Ƀiădah Aê Diê lui digơ̆ leh anăn jao digơ̆ brei kkuh mpŭ kơ lu mnơ̆ng hlăm adiê, tui si arăng čih leh hlăm hdruôm hră phung khua pô hưn êlâo: ‘Diih tuôm myơr mơ̆ kơ Kâo hlô mnơ̆ng koh leh anăn mnơ̆ng ngă yang, êjai pă pluh thŭn hlăm kdrăn tač, Ơ sang Israel?

Klei Mtô Mñă Klei Bhiăn 17:3

nao mă bruă leh anăn kkuh mpŭ kơ phung yang mkăn, amâodah kơ yang hruê, kơ mlan, amâodah phung kahan hlăm adiê, klei anăn kâo ghă leh,

Klei Mtô Mñă Klei Bhiăn 4:19

Răng bĕ diih, huĭdah diih angưi ală phă adiê leh anăn tơdah diih ƀuh yang hruê, mlan, leh anăn mtŭ, jih jang phung kahan hlăm adiê, diih mâo klei mtrŭt leh anăn kkuh mpŭ kơ dŏ anăn leh anăn mă bruă kơ diñu, mnơ̆ng anăn Yêhôwa Aê Diê diih brei leh kơ jih jang phung ƀuôn sang dôk ti gŭ jih adiê.

Hêbrơ 4:3

Bi kơ phung drei đăo leh mŭt leh hlăm klei mdei anăn, msĕ Ñu lač leh, “Tui si klei Kâo kat asei leh hlăm klei Kâo ngêñ, ‘Diñu amâo srăng mŭt mdei ôh hlăm čar Kâo brei leh kơ diñu’ ” wăt tơdah bruă Ñu jih leh mơ̆ng ênuk hrih lăn ala.