Biblia Todo Logo
Bìoball air-loidhne

- Sanasan -




Klei Mphŭn Dơ̆ng 19:3 - Klei Aê Diê Blŭ 2015

3 Y-Lot mtrŭt snăk digơ̆; tơl digơ̆ weh mŭt hlăm sang ñu. Ñu mkra kơ digơ̆ sa klei ƀơ̆ng huă, ñu ăm kpŭng amâo mâo kpei ôh, leh anăn digơ̆ huă ƀơ̆ng.

Faic an caibideil Dèan lethbhreac




Klei Mphŭn Dơ̆ng 19:3
18 Iomraidhean Croise  

Ñu lač, “Nĕ anei, Ơ phung khua kâo ơi, kâo kwưh kơ diih weh bĕ, mŭt đăm hlăm sang kâo, dĭng buăl diih. Rao bĕ jơ̆ng diih, leh anăn aguah ưm mgi diih dưi kgŭ leh anăn lŏ êbat.” Digơ̆ lŏ wĭt lač, “Ơ ơh, hmei srăng dôk hlăm êlan mlam anei.”


Hđeh anăn hriê kơ prŏng leh anăn ñu lui mam. Y-Abraham ngă klei huă mnăm prŏng hruê Y-Isăk lui mam.


Ñu lač, “Mŭt bĕ pô Yêhôwa hơêč hmưi leh. Si ngă ih dôk ti tač lĕ? Kyuadah kâo mkra leh sang wăt anôk kơ aseh samô.”


Y-Isăk mdơ̆ng klei huă mnăm kơ diñu; diñu huă leh anăn mnăm.


Sa hruê Y-Êlisê nao kơ ƀuôn Sunem. Tinăn mâo sa čô mniê mdrŏng dôk. Gơ̆ mtrŭt ñu huă ƀơ̆ng. Snăn grăp blư̆ ñu găn êlan anăn ñu weh huă ƀơ̆ng tinăn.


Êjai kjuh hruê brei diih ƀơ̆ng kpŭng amâo mâo kpei. Ti hruê tal sa brei diih mă mđuĕ hĕ kpei mơ̆ng sang diih, kyuadah hlei pô ƀơ̆ng kpŭng buk mơ̆ng hruê tal sa truh kơ hruê tal kjuh, brei arăng bi mdjiê hĕ pô anăn mơ̆ng phung Israel.


Diñu ăm ƀêñ amâo mâo kpei hŏng kpŭng diñu djă ba mơ̆ng čar Êjip, kpŭng anăn ka buk ôh, kyuadah arăng suôt diñu pral mơ̆ng čar Êjip, amâo lŏ dưi dôk sui ôh, leh anăn amâo lŏ hmao mkra êlâo mnơ̆ng ƀơ̆ng huă kơ diñu pô ôh.


Kâo lač kơ diih, wăt tơdah ñu amâo srăng kgŭ brei mnơ̆ng kơ gơ̆ ôh kyua gơ̆ jing mah jiăng ñu, ƀiădah kyua gơ̆ amâo hêñ ôh ăt dôk akâo nanao, ñu srăng kgŭ leh anăn brei kơ gơ̆ jih mnơ̆ng gơ̆ čiăng.


Leh anăn khua anăn lač kơ dĭng buăl ñu, ‘Nao bĕ kơ êlan prŏng leh anăn êlan điêt ti êngao ƀuôn, leh anăn mgô̆ phung ƀuôn sang hriê mŭt čiăng kơ sang kâo bŏ jih.


Y-Lêwi mkra kơ Yêsu klei ƀơ̆ng huă prŏng hlăm sang gơ̆, leh anăn mâo lu phung rĭng jia leh anăn mnuih mkăn dôk huă ƀơ̆ng mbĭt hŏng diñu.


Tinăn arăng mkra mnơ̆ng ƀơ̆ng huă kơ Yêsu. H'Mart pŭ mdơ̆ng mnơ̆ng ƀơ̆ng huă, leh anăn Y-Lasar jing sa čô hlăm phung huă ƀơ̆ng mbĭt hŏng Ñu.


Snăn brei drei hdơr mpŭ kơ knăm anăn, amâo djŏ hŏng kpei hđăp ôh, jing kpei klei mplư leh anăn klei ƀai, ƀiădah hŏng kpŭng amâo mâo kpei jing klei doh leh anăn klei sĭt nik.


Klei Krist khăp kpĭ hmei, kyuadah hmei thâo klă, sĭt sa čô djiê leh kyua jih jang snăn jih jang djiê leh.


Đăm wơr bĭt ôh jum phung tue, kyuadah êjai ngă klei anăn mâo đa đa jum leh phung dĭng buăl jăk, amâo thâo kral digơ̆ ôh.


Snăn Y-Gidêôn mŭt hlăm sang ñu pô leh anăn mkra čĭm sa drei êđai bê, leh anăn hŏng sa êphah kpŭng ƀhĭ ngă ƀêñ amâo mâo kpei. Ñu dưm čĭm hlăm sa boh bai leh anăn djam hlăm sa boh gŏ, leh anăn djă ba mnơ̆ng anăn kơ Ñu ti gŭ ana kyâo, leh anăn myơr mnơ̆ng anăn.


Mniê anăn mâo sa drei êđai êmô êmŏng hlăm sang ñu. Ñu koh gơ̆ mtam. Leh anăn ñu mă kpŭng, mmai gơ̆, leh anăn ăm kpŭng amâo mâo kpei.


Lean sinn:

Sanasan


Sanasan