Klei Mphŭn Dơ̆ng 17:2 - Klei Aê Diê Blŭ 2015

² Kâo srăng ngă klei bi mguôp hŏng ih, leh anăn Kâo srăng bi lar phung anak čô ih lu snăk.”

Klei Mphŭn Dơ̆ng 17:2 Iomraidhean Croise

Klei Mphŭn Dơ̆ng 12:2

Kâo srăng brei ih jing sa găp djuê prŏng; Kâo srăng brei klei jăk jĭn kơ ih; Kâo srăng brei anăn ih mâo klei hing ang, leh anăn ih srăng jing klei jăk jĭn kơ phung mkăn.

Klei Mphŭn Dơ̆ng 13:16

Kâo srăng brei phung anak čô ih jing lu msĕ si ƀruih lăn. Snăn tơdah arăng dưi yap ƀruih lăn, arăng dưi mơh yap phung anak čô ih.

Klei Mphŭn Dơ̆ng 15:18

Hlăm hruê anăn Khua Yang ngă klei bi mguôp hŏng Y-Abram, lač, “Kâo srăng brei čar anei kơ phung anak čô ih, dơ̆ng mơ̆ng êa krông čar Êjip truh ti êa krông prŏng, êa krông Ơprat,

Klei Mphŭn Dơ̆ng 15:5

Ñu atăt ba Y-Abram kơ tač leh anăn lač, “Kngưr ală ih phă adiê leh anăn yap mtŭ tơdah ih dưi.” Leh anăn Ñu lač kơ gơ̆, “Msĕ snăn yơh anak čô ih srăng jing.”

Klei Mphŭn Dơ̆ng 22:17

Kâo srăng brei klei jăk jĭn kơ ih, leh anăn Kâo srăng bi lar phung anak čô ih msĕ si mtŭ hlăm adiê leh anăn msĕ si čuah ti hang êa ksĭ. Leh anăn phung anak čô ih srăng dưi hŏng phung roh diñu.

Klei Mphŭn Dơ̆ng 28:3

Brei Aê Diê, Pô Mâo Jih Klei Myang, brei klei jăk jĭn kơ ih leh anăn bi lar êngŭm ih, čiăng kơ ih srăng jing sa phung ƀuôn sang lu.

Klei Mphŭn Dơ̆ng 9:9

“Nĕ anei, Kâo ngă klei Kâo bi mguôp hŏng diih leh anăn hŏng phung anak čô diih kơ êdei,

II Bruă Mtao 13:23

Ƀiădah Yêhôwa pap kơ diñu leh anăn hơiêng kơ diñu, leh anăn Yêhôwa wir phă diñu, kyua klei Gơ̆ bi mguôp leh hŏng Y-Abraham, Y-Isăk, leh anăn Y-Yakôp, leh anăn amâo čiăng bi rai diñu ôh, kăn suôt diñu mơ̆ng anăp Gơ̆ rei hlŏng kơ hruê anei.

I Klei Yăl Dliê 16:16

klei bi mguôp ñu ngă leh hŏng Y-Abraham, klei ñu kat asei ƀuăn kơ Y-Isăk,

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Hră Y-Pôl Mơĭt kơ Phung Rôm 9:4

Diñu jing phung Israel, mâo klei dưi jing anak rông ba, wăt klei guh kơang, jih jang klei bi mguôp, klei bhiăn, klei kkuh mpŭ, leh anăn klei ƀuăn.