Klei Mphŭn Dơ̆ng 17:1 - Klei Aê Diê Blŭ 2015

¹ Tơdah Y-Abram mâo dua păn pluh dua păn thŭn, Khua Yang bi êdah kơ Y-Abram, lač kơ ñu, “Kâo jing Aê Diê Pô Mâo Jih Klei Myang. Êbat bĕ ti anăp Kâo leh anăn brei ih jing pô amâo mâo klei arăng dưi ƀuah ôh.

Klei Mphŭn Dơ̆ng 17:1 Iomraidhean Croise

Klei Mphŭn Dơ̆ng 12:1

Khua Yang lač leh kơ Y-Abram, “Kbiă mơ̆ng čar ih, lui găp djuê ih leh anăn sang ama ih, nao kơ čar Kâo srăng ktrâo brei kơ ih.

Klei Mphŭn Dơ̆ng 12:7

Khua Yang bi êdah Ñu pô kơ Y-Abram leh anăn lač, “Kâo srăng brei čar anei kơ phung anak čô ih.” Snăn tinăn ñu mdơ̆ng sa boh knưl ngă yang kơ Khua Yang, Pô bi êdah leh kơ ñu.

Klei Mphŭn Dơ̆ng 16:16

Hlăk H'Agar kkiêng kơ Y-Ismaêl, ñu mâo sa păn pluh năm thŭn leh.

Klei Mphŭn Dơ̆ng 18:1

Khua Yang bi êdah kơ Y-Abraham ti ana kyâo ti Mamrê, êjai ñu dôk gŭ ti ƀăng bhă mŭt sang čhiăm hlăk adiê mđiă.

Klei Mphŭn Dơ̆ng 18:14

Mâo mơ̆ sa mta klei dleh đei tơl Khua Yang amâo dưi ngă ôh? Tui si yan bi kčah leh Kâo srăng lŏ hriê kơ ih thŭn êdei, leh anăn H'Sara srăng mâo sa čô anak êkei.”

Klei Mphŭn Dơ̆ng 24:40

Ƀiădah ñu lač kơ kâo, ‘Yêhôwa, Pô kâo gưt asăp, srăng tiŏ nao dĭng buăl jăk Ñu mbĭt hŏng ih, leh anăn bi truh klei mbhă kơ klei ih đuĕ hiu; leh anăn ih srăng mă kơ anak êkei kâo sa čô mô̆ mơ̆ng găp djuê kâo mơ̆ng sang ama kâo.

Klei Mphŭn Dơ̆ng 26:2

Yêhôwa bi êdah kơ ñu leh anăn lač, “Đăm trŭn nao ôh kơ čar Êjip; brei ih dôk hlăm čar Kâo srăng lač brei kơ ih.

Klei Mphŭn Dơ̆ng 28:3

Brei Aê Diê, Pô Mâo Jih Klei Myang, brei klei jăk jĭn kơ ih leh anăn bi lar êngŭm ih, čiăng kơ ih srăng jing sa phung ƀuôn sang lu.

Klei Mphŭn Dơ̆ng 35:11

Aê Diê lač kơ ñu, “Kâo jing Aê Diê, Pô Mâo Jih Klei Myang. Brei ih bi lar êngŭm. Sa phung găp djuê leh anăn lu phung găp djuê srăng kbiă hriê mơ̆ng ih, leh anăn mơ̆ng tian prôč ih srăng kbiă phung mtao.

Klei Mphŭn Dơ̆ng 43:14

Akâo kơ Aê Diê, Pô Mâo Jih Klei Myang, brei klei pap kơ diih ti anăp pô anăn, čiăng kơ ñu bi wĭt ayŏng diih leh anăn Y-Benjamin. Tơdah kâo luč phung anak kâo, kâo luč yơh.”

Klei Mphŭn Dơ̆ng 46:3

Aê Diê lač, “Kâo jing Aê Diê, Aê Diê ama ih. Đăm huĭ ôh trŭn nao kơ čar Êjip; kyuadah tinăn Kâo srăng brei ih jing sa găp djuê prŏng.

Klei Mphŭn Dơ̆ng 48:15

Ñu hơêč hmưi kơ Y-Yôsep leh anăn lač, “Aê Diê, ti anăp pô anăn aê kâo Y-Abraham, leh anăn ama kâo Y-Isăk êbat leh; Aê Diê, Pô jing mgăt kâo jih klei hdĭp kâo hlŏng kơ hruê anei,

Klei Mphŭn Dơ̆ng 48:3

Y-Yakôp lač kơ Y-Yôsep, “Aê Diê, Pô Mâo Jih Klei Myang, bi êdah leh kơ kâo ti ƀuôn Lus hlăm čar Kanaan, leh anăn ñu hơêč hmưi kơ kâo.

Klei Mphŭn Dơ̆ng 5:22

Leh kkiêng kơ Y-Mêthusêla, Y-Ênŏk êbat mbĭt hŏng Aê Diê tlâo êtuh thŭn, leh anăn ñu lŏ mâo phung anak êkei leh anăn phung anak mniê.

Klei Mphŭn Dơ̆ng 5:24

Y-Ênŏk êbat mbĭt hŏng Aê Diê, êdei tinăn arăng amâo lŏ ƀuh ñu ôh, kyuadah Aê Diê mă ba ñu leh.

Klei Mphŭn Dơ̆ng 6:9

Nĕ anei phung anak čô Y-Nôê. Y-Nôê jing mnuih kpă ênô, amâo mâo klei năng ƀuah ôh hlăm ênuk ñu. Y-Nôê êbat mbĭt hŏng Aê Diê.

I Bruă Mtao 2:4

čiăng kơ Yêhôwa dưi bi sĭt klei Ñu blŭ leh djŏ kơ kâo, lač, ‘Tơdah phung anak êkei ih răng kơ êlan diñu čiăng êbat ti anăp Kâo hlăm klei sĭt suôr hŏng jih ai tiê leh anăn jih mngăt diñu, amâo srăng kƀah sa čô êkei ôh čuê anôk ih ti jhưng mtao phung Israel.’

I Bruă Mtao 3:6

Y-Salômôn lač, “Ih bi êdah leh klei khăp prŏng leh anăn sĭt suôr kơ dĭng buăl Ih Y-Đawit ama kâo, kyuadah ñu êbat ti anăp Ih hŏng klei sĭt suôr, hŏng klei kpă ênô, leh anăn hŏng klei ênuah ai tiê ti anăp Ih. Leh anăn Ih djă pioh leh kơ ñu klei khăp prŏng anei leh anăn brei leh kơ ñu sa čô anak êkei dôk gŭ ti jhưng mtao ñu hruê anei.

I Bruă Mtao 8:25

Snăn ară anei, Ơ Yêhôwa, Aê Diê phung Israel, djă pioh bĕ klei Ih ƀuăn leh kơ dĭng buăl Ih Y-Đawit ama kâo, klei Ih ƀuăn leh kơ ñu, lač, ‘Ti anăp Kâo ih amâo srăng kƀah ôh sa čô mnuih dôk gŭ ti jhưng mtao Israel, knŏng tơdah phung anak êkei ih răng kơ êlan diñu, êbat ti anăp Kâo msĕ si ih êbat leh ti anăp Kâo.’

II Bruă Mtao 20:3

“Hdơr bĕ ară anei, Ơ Yêhôwa, kâo kwưh kơ Ih, klei kâo êbat leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Leh anăn Y-Hêsêkia hia ênguôt snăk.

Y-Yôp 1:1

Mâo sa čô êkei hlăm čar Us, anăn ñu Y-Yôp; êkei anăn amâo mâo klei arăng dưi ƀuah ôh leh anăn kpă ênô, sa čô huĭ mpŭ kơ Aê Diê, leh anăn weh đuĕ mơ̆ng klei jhat.

Y-Yôp 11:7

Dưi mơ̆ ih thâo săng klei êlam Aê Diê? Dưi mơ̆ ih thâo săng klei prŏng Pô Mâo Jih Klei Myang?

Klei Mmuñ Hđăp 115:3

Aê Diê drei dôk hlăm adiê; Ñu ngă tui si klei Ñu čiăng.

Klei Mmuñ Hđăp 116:9

Kâo srăng êbat ti anăp Yêhôwa ti lăn ala phung hdĭp.

Klei Mmuñ Hđăp 25:14

Yêhôwa bi êdah klei hgăm Ñu kơ phung huĭ mpŭ kơ Ñu, Ñu brei digơ̆ thâo kral klei Ñu bi mguôp.

Klei Kbiă 6:3

Kâo bi êdah leh kơ Y-Abraham, kơ Y-Isăk, leh anăn kơ Y-Yakôp kơ Kâo jing Aê Diê, Pô Mâo Jih Klei Myang, ƀiădah Kâo amâo bi êdah kơ diñu thâo hŏng anăn Kâo Yêhôwa.

Klei Bi Hriêng 10:9

Hlei pô êbat hlăm klei ênuah ênô êbat hŏng klei hnŭk ênang, ƀiădah hlei pô êbat êlan wê arăng srăng mâo mă.

Y-Êsai 38:3

“Ơ Yêhôwa, kâo kwưh kơ Ih, brei Ih hdơr ară anei klei kâo dôk dơ̆ng ƀơ̆ng huă leh ti anăp Ih hŏng klei sĭt suôr leh anăn hŏng jih ai tiê, leh anăn ngă leh klei jăk ti anăp ală Ih.” Mtao Y-Hêsêkia hia ênguôt snăk.

Y-Yêrêmi 32:17

‘Ơ Yêhôwa Aê Diê ah! Ih yơh mjing leh phung adiê leh anăn lăn hŏng klei myang prŏng Ih leh anăn hŏng păl Ih yơr leh! Amâo mâo sa klei ôh jing dleh đei kơ Ih,

Y-Đaniel 4:35

Jih jang mnuih ti lăn ala jing msĕ si hơăi mang; leh anăn Ñu ngă tui si klei Ñu čiăng hlăm phung kahan hlăm adiê leh anăn hlăm phung mnuih ti lăn ala; amâo mâo sa čô dưi kơ̆ng kngan Ñu ôh, amâodah lač kơ Ñu, “Ya klei Ih ngă?”

Y-Mika 6:8

Ñu bi êdah leh kơ ih, Ơ mnuih, ya jing jăk, leh anăn ya klei Yêhôwa mtă brei ih ngă. Jing klei ngă klei kpă leh anăn khăp klei pap, leh anăn êbat mbĭt hŏng Aê Diê ih hŏng klei luă gŭ.

Klei Yap 11:23

Yêhôwa lač kơ Y-Môis, “Kngan Yêhôwa jing đŭt đei mơ̆? Ară anei ih srăng ƀuh thâodah klei Kâo blŭ leh srăng truh sĭt amâodah hơăi.”

Klei Yap 24:16

klei blŭ mơ̆ng pô hmư̆ klei Aê Diê blŭ, leh anăn thâo săng klei Pô Ti Dlông Hĭn thâo mĭn, pô ƀuh klei bi ƀuh mơ̆ng Pô Mâo Jih Klei Myang, pô lĕ buh, ƀiădah mâo ală pŏk leh.

Y-Mathiơ 19:26

Ƀiădah Yêsu dlăng kơ digơ̆ leh anăn lač, “Klei anăn mnuih amâo dưi ngă ôh, ƀiădah Aê Diê dưi ngă sơăi jih jang klei.”

Y-Mathiơ 5:48

Snăn yơh brei diih jing jăk klă msĕ si Ama diih hlăm adiê jing jăk klă.”

Y-Luk 1:6

Jih diñu dua dôk kpă ênô ti anăp Aê Diê tui hlue jih klei bhiăn leh anăn klei Khua Yang mtă amâo mâo klei arăng dưi ƀuah ôh.

Bruă Phung Khua Ƀĭng Kna 23:1

Y-Pôl ktan ală kơ phung khua phat kđi, lač, “Ơ phung ayŏng adei, kâo dôk dơ̆ng ƀơ̆ng huă ti anăp Aê Diê hŏng jih ai tiê kpă truh ti hruê anei.”

Bruă Phung Khua Ƀĭng Kna 24:16

Kyuanăn kâo gĭr tui duah čiăng mâo ai tiê kpă êngeh ti anăp Aê Diê leh anăn ti anăp mnuih.

Êphêsô 3:20

Kơ Pô dưi ngă kdlưn êgao hĭn kơ jih klei drei akâo amâodah mĭn, tui si klei myang dôk mă bruă hlăm drei,

Klei Mtô Mñă Klei Bhiăn 10:17

Kyuadah Yêhôwa Aê Diê diih jing Aê Diê kơ phung yang leh anăn Khua Yang kơ phung khua, Aê Diê Pô prŏng, Pô myang, leh anăn Pô bi krưp, Pô amâo dlăng mnuih mdê mdê ôh, leh anăn amâo tŭ ôh ngăn sun.

Klei Mtô Mñă Klei Bhiăn 18:13

Brei diih jing phung arăng amâo dưi ƀuah ôh ti anăp Yêhôwa Aê Diê diih.

Klei Mtô Mñă Klei Bhiăn 30:20

khăp kơ Yêhôwa, Aê Diê diih, gưt asăp Ñu, leh anăn bi mguôp hŏng Ñu; kyuadah klei anăn jing klei hdĭp kơ diih leh anăn bi sui hruê diih, čiăng kơ diih dưi dôk hlăm čar Yêhôwa kat asei leh kơ phung aê diih đưm, kơ Y-Abraham, kơ Y-Isăk, leh anăn kơ Y-Yakôp, čiăng brei kơ diñu.”

Philip 4:13

Kâo dưi ngă jih jang klei hlăm Krist, Pô bi ktang kâo.

Hêbrơ 12:28

Kyua anăn brei drei hdơr knga kyua drei mă tŭ leh ƀuôn ala mtao arăng amâo dưi êyuh ôh. Snăn brei drei myơr kơ Aê Diê klei kkuh mpŭ bi mơak kơ Ñu hŏng klei mpŭ leh anăn klei huĭ.

Hêbrơ 7:25

Kyua anăn Ñu dưi bi mtlaih hlŏng lar phung nao giăm Aê Diê hlăm Ñu, kyuadah Ñu dôk hdĭp nanao đru wah lač brei kơ digơ̆.