Klei Mphŭn Dơ̆ng 16:2 - Klei Aê Diê Blŭ 2015

² H'Sarai lač kơ Y-Abram, “Nĕ anei, Khua Yang mjing kâo mniê plao; nao bĕ, dôk hŏng dĭng buăl mniê kâo; năng ai kâo srăng mâo phung anak mơ̆ng ñu.” Y-Abram gưt asăp H'Sarai.

Klei Mphŭn Dơ̆ng 16:2 Iomraidhean Croise

Klei Mphŭn Dơ̆ng 11:30

H'Sarai jing mniê plao; ñu amâo mâo anak ôh.

Klei Mphŭn Dơ̆ng 17:16

Kâo srăng brei klei jăk jĭn kơ ñu, leh anăn Kâo srăng brei ñu kkiêng sa čô anak êkei kơ ih. Kâo srăng brei klei jăk jĭn kơ ñu; ñu srăng jing amĭ kơ lu phung găp djuê mnuih; phung mtao kơ phung găp djuê srăng kbiă mơ̆ng ñu.”

Klei Mphŭn Dơ̆ng 18:10

Sa čô hlăm phung digơ̆ lač, “Sĭt nik kâo srăng lŏ hriê kơ ih yan anei thŭn êdei, leh anăn H'Sara mô̆ ih srăng mâo sa čô anak êkei.” H'Sara dôk hmư̆ hlăm lam ti ƀăng bhă sang čhiăm ti tluôn Ñu.

Klei Mphŭn Dơ̆ng 19:31

Amai khua lač kơ adei ñu, “Ama drei mduôn leh, leh anăn amâo lŏ mâo ôh êkei hlăm krĭng anei dưi dôk drei tui si klei bhiăn jih lăn ala.

Klei Mphŭn Dơ̆ng 20:18

Kyuadah Yêhôwa brei leh jih sang Y-Abimêlek jing plao kyua H'Sara mô̆ Y-Abraham.

Klei Mphŭn Dơ̆ng 25:21

Y-Isăk wah lač kơ Yêhôwa kyua mô̆ ñu, kyuadah gơ̆ jing mniê plao. Yêhôwa tŭ klei ñu wah lač, leh anăn H'Rêƀêka mô̆ ñu ba tian.

Klei Mphŭn Dơ̆ng 3:12

Êkei anăn lač, “Mniê Ih brei dôk mbĭt hŏng kâo, ñu yơh brei kơ kâo boh ana kyâo anăn leh anăn kâo ƀơ̆ng hĕ.”

Klei Mphŭn Dơ̆ng 3:17

Leh anăn Ñu lač kơ Y-Ađam, “Kyuadah ih gưt leh asăp mô̆ ih, leh anăn ƀơ̆ng leh boh ana kyâo Kâo ghă leh anăn lač leh, ‘Đăm ih ƀơ̆ng ôh boh anăn,’ Lăn mâo klei tăm pah kyua ih; ih srăng mâo mnơ̆ng ƀơ̆ng huă mơ̆ng lăn hŏng klei suăi jih hruê ih dôk hdĭp;

Klei Mphŭn Dơ̆ng 30:22

Leh anăn Aê Diê hdơr kơ H'Račel. Ñu hmư̆ gơ̆ leh anăn brei gơ̆ dưi ba tian.

Klei Mphŭn Dơ̆ng 30:6

H'Račel lač, “Aê Diê ksiêm klei kâo leh. Ñu hmư̆ leh mơh asăp kâo leh anăn brei kơ kâo sa čô anak êkei.” Kyuanăn ñu bi anăn gơ̆ Y-Dan.

Klei Mmuñ Hđăp 127:3

Nĕ anei, phung anak jing ngăn dưn mơ̆ng Yêhôwa; leh anăn boh mơ̆ng tian prôč jing klei mưn.

Klei Kbiă 21:4

Tơdah khua ñu brei mô̆ kơ ñu leh anăn mô̆ ñu kkiêng kơ anak êkei amâodah mniê, mô̆ leh anăn phung anak gơ̆ srăng jing dŏ khua ñu, leh anăn ñu srăng kbiă hjăn ñu.

H'Rut 4:11

Leh anăn jih jang phung ƀuôn sang dôk ti ƀăng jang leh anăn phung khua mduôn lač, “Hmei jing phung hưn bi sĭt yơh. Akâo kơ Yêhôwa brei mniê dơ̆ng mŭt hlăm sang ih jing msĕ si H'Račel leh anăn H'Lêa, dua čô digơ̆ mdơ̆ng leh sang Israel. Brei ih mâo klei čăt đĭ lu hlăm čar Êphrata, leh anăn mâo klei hing ang hlăm ƀuôn Betlêhem;