Klei Mphŭn Dơ̆ng 15:2 - Klei Aê Diê Blŭ 2015

² Ƀiădah Y-Abram wĭt lač, “Ơ Khua Yang Aê Diê, ya mnơ̆ng Ih srăng brei kơ kâo lĕ? Kyuadah kâo ka mâo anak ôh, leh anăn Y-Êliêser mơ̆ng ƀuôn Damas jing pô dưn ngăn hlăm sang kâo.”

Klei Mphŭn Dơ̆ng 15:2 Iomraidhean Croise

Klei Mphŭn Dơ̆ng 14:15

Êjai mlam Y-Abram bi mbha phung mnuih ñu, ksŭng mblah leh anăn dưi hŏng phung roh anăn, leh anăn tiŏ phung anăn truh ti ƀuôn Hôba phă dưr ƀuôn Damas.

Klei Mphŭn Dơ̆ng 15:1

Leh klei anăn Khua Yang blŭ kơ Y-Abram hlăm klei bi ƀuh, “Đăm huĭ ôh, Ơ Y-Abram. Kâo jing khil ih, leh anăn klei mưn ih srăng jing prŏng êdi.”

Klei Mphŭn Dơ̆ng 15:3

Y-Abram lŏ lač, “Nĕ anei, Ih amâo tuôm brei anak kơ kâo ôh, leh anăn sa čô hlŭn kkiêng hlăm sang kâo srăng jing pô dưn ngăn kâo.”

Klei Mphŭn Dơ̆ng 24:10

Dĭng buăl mă pluh drei aseh samô khua ñu leh anăn đuĕ nao. Ñu djă ba mbĭt lu mta mnơ̆ng yuôm mơ̆ng khua ñu brei. Ñu nao kơ čar Mêsôpôtami, ti ƀuôn Y-Nahôr.

Klei Mphŭn Dơ̆ng 24:2

Y-Abraham lač kơ dĭng buăl ñu, pô mă bruă sui hĭn hlăm sang ñu, pô kiă kriê jih jang ngăn drăp ñu, “Dưm bĕ kngan ih ti gŭ pha kâo.

Klei Mphŭn Dơ̆ng 25:21

Y-Isăk wah lač kơ Yêhôwa kyua mô̆ ñu, kyuadah gơ̆ jing mniê plao. Yêhôwa tŭ klei ñu wah lač, leh anăn H'Rêƀêka mô̆ ñu ba tian.

Klei Mphŭn Dơ̆ng 39:9

Gơ̆ amâo jing prŏng hĭn kơ kâo ôh hlăm sang anei; leh anăn gơ̆ amâo hơưi sa mta mnơ̆ng kơ kâo ôh, knŏng ih, kyuadah ih jing mô̆ gơ̆. Si kâo dưi ngă klei ƀai prŏng anei, leh anăn ngă soh hŏng Aê Diê?”

Klei Mphŭn Dơ̆ng 43:19

Snăn diñu nao kơ dĭng buăl kiă sang Y-Yôsep, leh anăn blŭ kơ gơ̆ ti ƀăng bhă sang anăn.

Klei Mphŭn Dơ̆ng 44:1

Y-Yôsep mtă kơ dĭng buăl kiă sang ñu snei, “Bi bŏ kdô phung mnuih anăn hŏng mnơ̆ng ƀơ̆ng huă tui si dŭm diñu dưi djă, leh anăn dưm prăk grăp čô hlăm mbah kdô diñu.

Klei Mmuñ Hđăp 127:3

Nĕ anei, phung anak jing ngăn dưn mơ̆ng Yêhôwa; leh anăn boh mơ̆ng tian prôč jing klei mưn.

Klei Bi Hriêng 13:12

Klei bi kdung klei čang hmăng bi ruă ai tiê, ƀiădah klei čang hmăng truh leh jing sa ƀĕ kyâo klei hdĭp.

Klei Bi Hriêng 17:2

Sa čô hlŭn thâo mĭn srăng jing khua kơ anak êkei ngă klei hêñ, leh anăn ñu srăng dưn ngăn mdŭm hŏng sa čô ayŏng adei hlăm găp djuê.

Y-Êsai 17:1

Klei blŭ djŏ kơ ƀuôn Damas: “Nĕ anei, ƀuôn Damas amâo srăng lŏ jing sa boh ƀuôn ôh, ñu srăng jing sa kăm mnơ̆ng rai.

Y-Êsai 56:5

kơ diñu yơh Kâo srăng brei hlăm sang yang Kâo leh anăn hlăm mnư̆ wăl Kâo sa klei arăng hdơr leh anăn sa anăn jăk hĭn kơ phung anak êkei leh anăn kơ phung anak mniê. Kâo srăng brei kơ diñu sa anăn hlŏng lar, amâo mâo pô srăng lăm hĕ ôh.

Y-Yêrêmi 49:23

Klei djŏ kơ ƀuôn Damas: “Ƀuôn Hamat leh anăn ƀuôn Arpat mâo klei hêñ, kyuadah diñu hmư̆ leh klei mrâo mrang jhat; diñu dlưh ai tiê, diñu rŭng răng msĕ si êa ksĭ poh yă, amâo thâo dôk ngơ ngĭn ôh.

Bruă Phung Khua Ƀĭng Kna 7:5

Aê Diê amâo brei lăn hma kơ ñu ôh hlăm čar anăn, sa plă jơ̆ng lăn kăn mâo rei, ƀiădah Aê Diê ƀuăn srăng brei čar anăn jing dŏ ñu leh anăn dŏ phung anak čô ñu êdei, wăt tơdah hlăk anăn Y-Abraham ka mâo anak êkei ôh.

H'Rut 2:6

Dĭng buăl kiă phung wiă lŏ wĭt lač, “Ñu jing mniê Môap, pô wĭt mbĭt hŏng H'Naômi mơ̆ng čar Môap.

I Y-Samuel 1:11

Ñu blŭ klei ƀuăn leh anăn lač, “Ơ Yêhôwa kơ phung kahan, tơdah sĭt nik Ih srăng dlăng kơ klei knap mñai dĭng buăl mniê Ih leh anăn hdơr kơ kâo, leh anăn amâo wơr bĭt ôh dĭng buăl mniê Ih, ƀiădah srăng brei kơ dĭng buăl mniê Ih sa čô anak êkei, snăn kâo srăng brei gơ̆ kơ Yêhôwa jih jang hruê gơ̆ dôk hdĭp, leh anăn arăng amâo srăng kuêh ƀŭk gơ̆ ôh.”