Klei Mphŭn Dơ̆ng 15:1 - Klei Aê Diê Blŭ 2015

¹ Leh klei anăn Khua Yang blŭ kơ Y-Abram hlăm klei bi ƀuh, “Đăm huĭ ôh, Ơ Y-Abram. Kâo jing khil ih, leh anăn klei mưn ih srăng jing prŏng êdi.”

Klei Mphŭn Dơ̆ng 15:1 Iomraidhean Croise

Klei Mphŭn Dơ̆ng 15:2

Ƀiădah Y-Abram wĭt lač, “Ơ Khua Yang Aê Diê, ya mnơ̆ng Ih srăng brei kơ kâo lĕ? Kyuadah kâo ka mâo anak ôh, leh anăn Y-Êliêser mơ̆ng ƀuôn Damas jing pô dưn ngăn hlăm sang kâo.”

Klei Mphŭn Dơ̆ng 15:4

Leh anăn Khua Yang lač kơ ñu snei, “Mnuih anăn amâo srăng jing pô dưn ngăn ih ôh, ƀiădah anak êkei mơ̆ng tian prôč ih pô srăng jing pô dưn ngăn ih.”

Klei Mphŭn Dơ̆ng 21:17

Aê Diê hmư̆ asăp hđeh êdam hia, leh anăn dĭng buăl jăk Aê Diê iêô H'Agar mơ̆ng adiê, lač kơ ñu, “Si ngă ih rŭng răng, Ơ H'Agar? Đăm huĭ ôh, kyuadah Aê Diê hmư̆ leh asăp hđeh êdam ti anôk ñu dôk.

Klei Mphŭn Dơ̆ng 22:1

Leh jih klei anăn Aê Diê lông dlăng Y-Abraham, leh anăn lač kơ ñu, “Ơ Y-Abraham.” Ñu lŏ lač, “Nĕ tinei kâo.”

Klei Mphŭn Dơ̆ng 22:20

Leh jih klei anăn arăng hưn kơ Y-Abraham, lač, “Nĕ anei, H'Milka msĕ mơh kkiêng leh phung anak kơ Y-Nahôr, adei ih:

Klei Mphŭn Dơ̆ng 26:24

Yêhôwa bi êdah kơ ñu mlam anăn leh anăn lač, “Kâo jing Aê Diê Y-Abraham ama ih. Đăm huĭ ôh, kyuadah Kâo dôk mbĭt hŏng ih. Kâo srăng brei klei jăk jĭn kơ ih, leh anăn Kâo srăng bi lar phung anak čô ih kyua Y-Abraham dĭng buăl Kâo.”

Klei Mphŭn Dơ̆ng 31:7

Ƀiădah ama diih mplư kâo leh, bi mlih pluh blư̆ dŏ mưn kâo; ƀiădah Aê Diê amâo brei ñu ngă jhat kơ kâo ôh.

II Y-Samuel 22:3

Aê Diê kâo, boh tâo kâo, hlăm ñu kâo đuĕ dăp, khil kâo, leh anăn ki kơ klei bi mtlaih kâo, kđông kâo, leh anăn anôk kâo đuĕ dăp, Pô bi mtlaih kâo; Ih bi mtlaih kâo mơ̆ng klei măk ƀai.

II Bruă Mtao 1:15

Dĭng buăl jăk Yêhôwa lač kơ Y-Êli, “Trŭn bĕ mbĭt hŏng ñu, đăm huĭ kơ ñu ôh.” Snăn gơ̆ kgŭ leh anăn trŭn nao mbĭt hŏng ñu kơ mtao,

I Klei Yăl Dliê 28:20

Leh anăn Y-Đawit lač kơ Y-Salômôn anak êkei ñu, “Jing ktang bĕ leh anăn đăm huĭ ôh, leh anăn ngă klei anăn. Đăm huĭ ôh, đăm êdu ai ôh; kyuadah Yêhôwa Aê Diê, jing Aê Diê kâo, dôk mbĭt hŏng ih. Ñu amâo srăng kƀah klei đru ih ôh, amâodah kăn lui ih rei, tơl bi leh jih jang bruă sang Yêhôwa.

Klei Mmuñ Hđăp 115:10

Ơ sang Y-Arôn, knang bĕ kơ Yêhôwa; Ñu jing Pô đru leh anăn khil diih.

Klei Mmuñ Hđăp 119:114

Ih jing anôk kâo đuĕ dăp leh anăn khil kâo; kâo čang hmăng hlăm klei Ih blŭ.

Klei Mmuñ Hđăp 142:5

Kâo ur krao kơ Ih, Ơ Yêhôwa, kâo lač, “Ih jing anôk kâo đuĕ dăp, kdrêč pioh kơ kâo ti lăn ala phung hdĭp.”

Klei Mmuñ Hđăp 18:2

Yêhôwa jing boh tâo kâo, kđông mgang kâo, leh anăn pô bi êngiê kâo, Aê Diê kâo, boh tâo kâo, hlăm Ih kâo đuĕ dăp, khil kâo, ki kơ klei bi mtlaih kâo, anôk sang tum kâo kđap.

Klei Mmuñ Hđăp 27:1

Yêhôwa jing klei mngač kâo leh anăn klei bi mtlaih kâo; kơ hlei pô kâo srăng huĭ? Yêhôwa jing anôk kâo kđap; kơ hlei pô kâo srăng huĭ?

Klei Mmuñ Hđăp 3:3

Ƀiădah Ih, Ơ Yêhôwa, jing khil kâo; Ih jing klei guh kơang kâo, leh anăn Pô brei kâo kngưr boh kŏ.

Klei Mmuñ Hđăp 3:4

Hŏng asăp kâo, kâo ur kraih kơ Yêhôwa, Ñu lŏ wĭt lač kơ kâo mơ̆ng čư̆ doh jăk Ñu. (Sêla)

Klei Mmuñ Hđăp 5:12

Kyuadah Ih brei klei jăk jĭn kơ pô kpă, Ơ Yêhôwa; klei pap Ih dôk jŭm dar ñu msĕ si khil.

Klei Mmuñ Hđăp 58:11

Phung mnuih srăng lač, “Sĭt nik mâo klei mưn kơ pô kpă; sĭt nik mâo sa čô Aê Diê phat kđi ti lăn ala.”

Klei Mmuñ Hđăp 84:11

Kyuadah Yêhôwa Aê Diê jing yang hruê leh anăn khil; Ñu brei klei pap leh anăn klei mpŭ; Ñu amâo hngah sa mta klei jăk ôh kơ phung êbat hŏng klei kpă.

Klei Mmuñ Hđăp 84:9

Ơ Aê Diê, dlăng bĕ kơ khil hmei, dlăng kơ ƀô̆ mta pô Ih trôč leh êa ƀâo mngưi.

Klei Mmuñ Hđăp 91:4

Ñu srăng guôm ih hŏng siap Ñu, leh anăn ih srăng đuĕ dăp ti gŭ siap Ñu; klei sĭt suôr Ñu jing khil prŏng leh anăn kđông mgang.

Klei Kbiă 14:13

Y-Môis lač kơ phung ƀuôn sang, “Đăm huĭ ôh! Dôk kjăp leh anăn kăp dlăng klei bi mtlaih Yêhôwa srăng brei kơ diih hruê anei; kyuadah phung Êjip diih ƀuh hruê anei, diih amâo srăng lŏ ƀuh diñu ôh.

Klei Bi Hriêng 11:18

Mnuih ƀai ƀơ̆ng ênoh hŏng klei mplư, ƀiădah hlei pô ngă klei kpă ênô srăng mâo klei mưn sĭt nik.

Klei Bi Hriêng 30:5

Jih klei Aê Diê blŭ mâo klei sĭt leh, Aê Diê jing khil kơ hlei pô kđap hlăm Ñu.

Y-Êsai 35:4

Lač bĕ kơ phung mâo ai tiê huĭ, “Dôk ktang bĕ, đăm huĭ ôh! Nĕ anei, Aê Diê diih srăng hriê, Ñu srăng hriê hŏng klei rŭ ênua, jing klei rŭ ênua mơ̆ng Aê Diê. Ñu srăng hriê leh anăn bi mtlaih diih.”

Y-Êsai 40:10

Nĕ anei, Khua Yang Yêhôwa hriê hŏng klei myang, leh anăn Ñu srăng kiă kriê hŏng păl Ñu. Nĕ anei, Ñu ba leh anăn srăng brei klei mưn.

Y-Êsai 41:10

Đăm huĭ ôh, kyuadah Kâo dôk mbĭt hŏng diih. Đăm êdu ai ôh, kyuadah Kâo jing Aê Diê diih. Kâo srăng bi ktang diih, Kâo srăng đru diih. Kâo srăng krơ̆ng diih hŏng kngan hnuă kpă ênô Kâo.

Y-Êsai 41:14

Đăm huĭ ôh, Ơ Y-Yakôp, pô jing msĕ si ênăng, leh anăn diih, Ơ phung êkei Y-Israel! Kâo pô srăng đru diih, Yêhôwa lač, Pô Bi Tui diih, Pô Doh Jăk phung Israel.

Y-Êsai 43:1

Ƀiădah ară anei snei Yêhôwa lač, Pô hrih leh diih, Ơ phung Yakôp, leh anăn Pô mjing leh diih, Ơ phung Israel: “Đăm huĭ ôh, kyuadah Kâo bi tui diih leh; Kâo iêô diih leh hŏng anăn diih pô, diih jing dŏ Kâo.

Y-Êsai 43:5

Đăm huĭ ôh, kyuadah Kâo dôk mbĭt hŏng diih; Kâo srăng atăt phung anak čô diih mơ̆ng ngŏ, leh anăn Kâo srăng bi kƀĭn diih mơ̆ng yŭ.

Y-Êsai 44:2

Snei Yêhôwa lač, Pô mjing diih leh, Pô mmuôn diih leh hlăm tian, Pô srăng đru diih: Đăm huĭ ôh, Ơ phung Yakôp, phung dĭng buăl Kâo, Ơ Yêsurun, pô Kâo ruah leh.

Y-Êsai 44:8

Đăm huĭ ôh, kăn hyưt rei, amâo djŏ hĕ Kâo hưn leh klei anăn kơ diih mơ̆ng sui leh, leh anăn bi êdah leh klei anăn? Diih jing phung hưn bi sĭt kơ Kâo! Mâo mơ̆ sa čô Aê Diê mkăn êngao kơ Kâo? Hơăi! Amâo mâo Boh Tâo ôh; Kâo amâo thâo pô mkăn ôh.”

Y-Êsai 51:12

“Kâo, Kâo yơh jing Pô bi juh diih. Hlei ih jing tơl ih huĭ kơ mnuih thâo djiê, leh anăn kơ anak êkei mnuih jing msĕ si rơ̆k?

Y-Yêrêmi 39:17

Ƀiădah Kâo srăng bi mtlaih ih ti hruê anăn, Yêhôwa lač, leh anăn arăng amâo srăng jao ih kơ kngan phung mnuih ih huĭ ôh.

Klei Čŏk Hia 3:24

Mngăt kâo lač, “Yêhôwa jing ngăn dưn kơ kâo, snăn kâo srăng čang hmăng kơ Ñu.”

Y-Êsêkiêl 1:1

Hlăm thŭn tal tlâo pluh, ti mlan pă, hruê êma hlăm mlan anăn, êjai kâo dôk mbĭt hŏng phung mnă arăng suôt leh mơ̆ng čar ti hang êa krông Kêbar, phung adiê pŏk mdah, leh anăn kâo mâo klei bi ƀuh kơ Aê Diê.

Y-Êsêkiêl 11:24

Hlăm klei bi ƀuh Mngăt Myang pŭ kâo kơ dlông leh anăn atăt kâo truh kơ čar Kaldê, truh kơ phung arăng suôt leh mơ̆ng čar. Leh anăn klei bi ƀuh kâo ƀuh leh đuĕ mơ̆ng kâo.

Y-Êsêkiêl 3:4

Ñu lač kơ kâo, “Ơ anak mnuih, nao bĕ kơ sang Israel, leh anăn hưn klei Kâo blŭ kơ diñu.

Klei Yap 12:6

Ñu lač, “Dôk hmư̆ klei Kâo blŭ: Tơdah mâo khua pô hưn êlâo hlăm phung diih, Kâo gơ̆ Yêhôwa, Pô bi êdah Kâo pô kơ diñu hlăm klei bi ƀuh, Kâo blŭ kơ diñu hlăm klei êpei.

Klei Yap 18:20

Yêhôwa lač kơ Y-Arôn, “Ih amâo srăng mâo ngăn dưn ôh hlăm čar diñu, kăn ih srăng mâo sa kdrêč rei ti krah diñu; Kâo yơh jing kdrêč pioh kơ ih leh anăn ngăn dưn ih ti krah phung ƀuôn sang Israel.

Klei Yap 24:4

klei blŭ mơ̆ng pô hmư̆ leh klei Aê Diê blŭ, pô ƀuh leh klei bi ƀuh mơ̆ng Pô Mâo Jih Klei Myang, pô lĕ buh, ƀiădah mâo ală pŏk leh:

Y-Mathiơ 28:5

Ƀiădah dĭng buăl jăk lač kơ phung mniê, “Đăm huĭ ôh; kyuadah kâo thâo diih duah Yêsu, Pô arăng pơ̆ng leh ti kyâo bi kal.

Y-Mathiơ 8:26

Yêsu lač kơ digơ̆, “Si ngă diih huĭ, Ơ phung mnuih mâo klei đăo điêt?” Ñu kgŭ mtam, ghă angĭn leh anăn êa ksĭ, snăn mâo klei êngăn yơh.

Y-Luk 1:13

Ƀiădah dĭng buăl jăk lač kơ ñu, “Đăm huĭ ôh, Ơ Y-Sakari, kyuadah Aê Diê hmư̆ leh klei ih wah lač. Mô̆ ih H'Êlisabet srăng kkiêng kơ ih sa čô anak êkei, leh anăn ih srăng bi anăn gơ̆ Y-Yôhan.

Y-Luk 1:30

Dĭng buăl jăk lač kơ ñu, “Đăm huĭ ôh, Ơ H'Mari, kyuadah ih mâo leh klei pap ti anăp Aê Diê.

Y-Luk 12:32

“Đăm huĭ ôh, Ơ êpul biăp điêt, kyuadah Ama diih mơak brei kơ diih ƀuôn ala mtao Ñu.

Bruă Phung Khua Ƀĭng Kna 10:22

Digơ̆ lač, “Y-Kornei, sa čô khua kahan kơ sa êtuh čô, sa čô kpă leh anăn huĭ mpŭ kơ Aê Diê, Pô jih jang phung Yuđa mpŭ. Mâo sa čô dĭng buăl doh jăk mtă brei hriê iêô ih nao kơ sang ñu, čiăng hmư̆ klei ih mtô.”

I Kôrantô 3:22

thâodah Y-Pôl, Y-Apôlôs, Y-Sêphas, lăn ala, klei hdĭp, klei djiê, ênuk anei, amâodah ênuk êdei, jih jang jing dŏ diih sơăi.

Klei Mtô Mñă Klei Bhiăn 18:2

Diñu amâo srăng mâo ngăn dưn ôh ti krah phung ayŏng adei diñu; Yêhôwa jing ngăn dưn diñu, tui si Yêhôwa ƀuăn leh kơ diñu.

Klei Mtô Mñă Klei Bhiăn 31:6

Brei jing ktang leh anăn mđĭ ai bĕ. Đăm huĭ amâodah krưp ôh kơ diñu; kyuadah Yêhôwa, Aê Diê diih yơh nao mbĭt hŏng diih; Ñu amâo srăng lui ih amâodah hngah kơ diih ôh.”

Hêbrơ 1:1

Lu blư̆ leh anăn hlăm lu êlan mdê mdê Aê Diê blŭ leh mphŭn dô kơ phung aê drei hŏng phung khua pô hưn êlâo;

Klei Bi Êdah 1:17

Tơdah kâo ƀuh Ñu, kâo lĕ buh ti jơ̆ng Ñu msĕ si djiê. Ƀiădah Ñu bă kngan hnuă Ñu ti kâo leh anăn lač, “Đăm huĭ ôh, Kâo jing Pô tal êlâo hĭn leh anăn Pô knhal tuč,

H'Rut 2:12

Brei Yêhôwa mưn klei ih ngă leh, leh anăn akâo kơ Yêhôwa Aê Diê phung Israel brei klei mưn bŏ ênŭm kơ ih, ti gŭ siap Ñu ih hriê leh čiăng kđap!”

I Y-Samuel 15:10

Yêhôwa lač kơ Y-Samuel,

I Y-Samuel 9:9

(Mphŭn dô hlăm čar Israel tơdah arăng nao êmuh kơ Aê Diê, pô anăn lač, “Bơ drei nao kơ pô mâo klei thâo ƀuh;” kyuadah pô arăng pia khua pô hưn êlâo hruê anei, mphŭn dô arăng pia pô mâo klei thâo ƀuh).