Klei Mphŭn Dơ̆ng 13:9 - Klei Aê Diê Blŭ 2015

⁹ Amâo djŏ hĕ mâo jih čar ti anăp ih? Bi ktlah bĕ ih pô mơ̆ng kâo; tơdah ih mă tĭng điâo, kâo srăng nao tĭng hnuă; amâodah tơdah ih mă tĭng hnuă, kâo srăng nao tĭng điâo.”

Klei Mphŭn Dơ̆ng 13:9 Iomraidhean Croise

Klei Mphŭn Dơ̆ng 13:10

Y-Lot kngưr ală dlăng kơ jih lăn dap êa krông Yurdan truh kơ Ƀuôn Sôar, djăp anôk mâo êa sơăi, jing msĕ si war djam Khua Yang, msĕ si čar Êjip. Ka Khua Yang bi rai ôh ƀuôn Sôdôm leh anăn ƀuôn Gômôrơ.

Klei Mphŭn Dơ̆ng 13:8

Y-Abram lač kơ Y-Lot, “Kâo kwưh kơ ih, đăm brei mâo ôh klei bi msao kâo hŏng ih, leh anăn phung mgăt êmô biăp kâo hŏng phung mgăt êmô biăp ih; kyuadah drei jing ayŏng adei.

Klei Mphŭn Dơ̆ng 20:15

Y-Abimêlek lač, “Nĕ anei, čar kâo dôk ti anăp ih; dôk bĕ ti anôk ih čiăng.”

Klei Mphŭn Dơ̆ng 34:10

Diih srăng dôk mbĭt hŏng hmei, leh anăn čar anei srăng dôk ti anăp diih. Brei diih dôk tinăn, bi mnia, leh anăn mâo lăn kơ diih pô.”

Klei Mmuñ Hđăp 120:7

Kâo čiăng kơ klei êđăp ênang, ƀiădah tơdah kâo blŭ, diñu čiăng kơ klei bi blah.

Y-Yêrêmi 40:4

Nĕ hruê anei kâo kleh săng đai ti kngan ih. Tơdah ih mĭn jăk nao mbĭt hŏng kâo kơ čar Ƀaƀilôn, nao bĕ, leh anăn kâo srăng kiă kriê ih bi jăk. Ƀiădah tơdah ih mĭn amâo jăk nao mbĭt hŏng kâo kơ čar Ƀaƀilôn, đăm nao ôh. Dlăng bĕ, jih čar dôk ti anăp ih; nao bĕ ti anôk ih mĭn jăk leh anăn djŏ.”

Hră Y-Pôl Mơĭt kơ Phung Rôm 12:18

Tơdah dưi, gĭr bĕ, dôk êđăp ênang hŏng jih jang mnuih.

I Kôrantô 6:7

Tơdah diih mâo klei bi kčŭt hdơ̆ng diih, klei anăn jing klei diih soh leh. Si ngă diih amâo tŭ ôh klei arăng bi msoh kơ diih? Si ngă diih amâo tŭ ôh arăng plah mnơ̆ng diih?

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.