Klei Mphŭn Dơ̆ng 13:8 - Klei Aê Diê Blŭ 2015

⁸ Y-Abram lač kơ Y-Lot, “Kâo kwưh kơ ih, đăm brei mâo ôh klei bi msao kâo hŏng ih, leh anăn phung mgăt êmô biăp kâo hŏng phung mgăt êmô biăp ih; kyuadah drei jing ayŏng adei.

Klei Mphŭn Dơ̆ng 13:8 Iomraidhean Croise

Klei Mphŭn Dơ̆ng 13:9

Amâo djŏ hĕ mâo jih čar ti anăp ih? Bi ktlah bĕ ih pô mơ̆ng kâo; tơdah ih mă tĭng điâo, kâo srăng nao tĭng hnuă; amâodah tơdah ih mă tĭng hnuă, kâo srăng nao tĭng điâo.”

Klei Mphŭn Dơ̆ng 14:14

Tơdah Y-Abram hmư̆ kơ anak adei ñu jing mnă leh, ñu atăt ba tlâo êtuh pluh sa păn čô ñu bi hriăm leh, phung kkiêng leh hlăm sang ñu, leh anăn tiŏ phung roh truh ti ƀuôn Dan.

Klei Mphŭn Dơ̆ng 45:24

Snăn ñu tiŏ nao phung ayŏng adei ñu, leh anăn tơdah digơ̆ nao, ñu lač kơ digơ̆, “Đăm diih bi mneh msao ktuê êlan ôh.”

Klei Mphŭn Dơ̆ng 46:34

brei diih lač, ‘Phung dĭng buăl ih, hmei wăt phung aê hmei, rông êmô biăp dơ̆ng mơ̆ng hmei hlăk ai truh ti ară anei,’ čiăng kơ diih dưi dôk hlăm čar Gôsen; kyuadah phung mgăt biăp jing mnơ̆ng phung Êjip bi êmut kheh.”

Klei Mmuñ Hđăp 133:1

Nĕ anei, jăk êdi, mơak êdi tơdah phung ayŏng adei dôk sa ai!

Klei Kbiă 2:13

Ñu lŏ kbiă hruê mgi, leh anăn nĕ anei, dua čô Hêbrơ dôk bi čĭk. Ñu lač kơ pô soh, “Si ngă ih čăm găp ih lĕ?”

Klei Bi Hriêng 15:1

Klei lŏ wĭt lač êdu bi hlai klei ngêñ, ƀiădah klei blŭ khăng bi mčhur klei ăl.

Klei Bi Hriêng 15:18

Sa čô mnuih djăl ăl bi mčhur klei bi mneh msao, ƀiădah hlei pô gĭr bi hlai klei anăn.

Klei Bi Hriêng 20:3

Jing klei mpŭ kơ mnuih amâo ngă ôh klei bi mneh msao, ƀiădah knŏng mnuih mluk lĕ hlăm klei anăn.

Y-Mathiơ 5:9

Jăk mơak yơh phung đru brei klei êđăp ênang hdơ̆ng mnuih, kyuadah Aê Diê srăng pia diñu phung anak Aê Diê.

Bruă Phung Khua Ƀĭng Kna 7:26

Ti hruê mgi ñu ƀuh dua čô digơ̆ dôk bi msao, čiăng bi grăng klei digơ̆, ñu lač, ‘Hơi, diih jing ayŏng adei, si ngă diih bi ngă jhat hdơ̆ng găp lĕ?’

Hră Y-Pôl Mơĭt kơ Phung Rôm 12:10

Brei diih bi khăp hdơ̆ng diih msĕ si ayŏng adei; brei diih hdơr mpŭ hdơ̆ng diih.

Philip 2:14

Ngă bĕ jih jang bruă amâo blŭ dŭñ dŭñ amâodah kĭ kơ̆ ôh,

I Têsalônik 4:9

Bi kơ klei khăp kơ phung ayŏng adei, amâo yuôm ôh arăng lŏ čih kơ diih, kyuadah Aê Diê bi hriăm leh diih brei bi khăp hdơ̆ng diih.

Hêbrơ 12:14

Tui duah bĕ klei êđăp ênang hŏng jih jang mnuih, leh anăn klei doh jăk, tơdah kƀah klei anăn amâo mâo sa čô srăng ƀuh Khua Yang ôh.

Hêbrơ 13:1

Brei diih ăt bi khăp nanao hdơ̆ng ayŏng adei.

I Y-Pêtrôs 1:22

Diih bi doh leh mngăt diih hŏng klei gưt asăp kơ klei sĭt nik, čiăng mâo klei khăp sĭt suôr kơ phung ayŏng amai adei. Snăn brei diih bi khăp hdơ̆ng diih hŏng jih ai tiê.

I Y-Pêtrôs 2:17

Mpŭ bĕ kơ jih jang mnuih. Khăp bĕ kơ phung ayŏng adei đăo. Huĭ mpŭ bĕ kơ Aê Diê. Mpŭ bĕ kơ mtao.

I Y-Pêtrôs 3:8

Ti knhal tuč, brei jih jang diih mâo klei mĭn bi mguôp, thâo bi săng bi pap, bi khăp hdơ̆ng ayŏng adei, mâo ai tiê jăk leh anăn klei mĭn luă gŭ.

I Y-Pêtrôs 4:8

Êgao hĭn kơ jih jang, brei diih bi khăp hdơ̆ng diih nanao, kyuadah klei khăp guôm lu klei soh.

II Y-Pêtrôs 1:7

klei khăp hdơ̆ng ayŏng adei kơ klei thâo mpŭ kơ Aê Diê, leh anăn ai tiê khăp kơ klei khăp hdơ̆ng ayŏng adei.

I Y-Yôhan 4:7

Ơ phung kâo khăp, brei drei bi khăp hdơ̆ng drei; kyuadah klei khăp kbiă hriê mơ̆ng Aê Diê, leh anăn hlei pô khăp, Aê Diê kkiêng kơ ñu leh, leh anăn ñu thâo kral Aê Diê.

Phung Khua Phat Kđi 9:26

Y-Gaal, anak êkei Y-Êbet nao kơ ƀuôn Sičem hŏng phung găp ñu; leh anăn phung êkei ƀuôn Sičem knang kơ ñu.