Klei Mphŭn Dơ̆ng 13:7 - Klei Aê Diê Blŭ 2015

⁷ Mâo klei bi msao hdơ̆ng phung mgăt êmô biăp Y-Abram leh anăn phung mgăt êmô biăp Y-Lot. Hlăk anăn phung Kanaan leh anăn phung Pêrisit ăt dôk hlăm čar.

Klei Mphŭn Dơ̆ng 13:7 Iomraidhean Croise

Klei Mphŭn Dơ̆ng 10:19

Knông lăn phung Kanaan mă mơ̆ng ƀuôn Sidôn phă ƀuôn Gêrar truh ti ƀuôn Gasa leh anăn phă ƀuôn Sôdôm, ƀuôn Gômôrơ, ƀuôn Atma, leh anăn ƀuôn Sêbôim truh ti ƀuôn Lasa.

Klei Mphŭn Dơ̆ng 12:6

Y-Abram găn čar anăn truh ti anôk Sičem, truh ti ana kyâo arăng kkuh mpŭ ti Môrê. Hlăk anăn phung Kanaan dôk hlăm čar anăn.

Klei Mphŭn Dơ̆ng 21:25

Y-Abraham ƀuah kơ Y-Abimêlek kyua klei phung dĭng buăl Y-Abimêlek plah mă sa boh kbăng êa.

Klei Mphŭn Dơ̆ng 26:20

phung mgăt biăp êmô ƀuôn Gêrar bi msao hŏng phung mgăt biăp êmô Y-Isăk, lač, “Êa hmei.” Ñu pia kbăng êa anăn Êsek, kyuadah phung mgăt biăp êmô bi msao hŏng ñu.

Klei Mphŭn Dơ̆ng 34:30

Y-Yakôp lač kơ Y-Simêôn leh anăn Y-Lêwi, “Diih bi truh klei rŭng răng kơ kâo leh anăn brei phung mnuih ƀuôn sang phung Kanaan leh anăn phung Pêrisit bi êmut kơ kâo. Kâo jing knŏng phung ƀiă; tơdah diñu srăng bi kƀĭn mđrăm mbĭt bi kdơ̆ng hŏng kâo leh anăn ngă kơ kâo, kâo srăng rai tuč mbĭt hŏng sang kâo.”

Klei Mphŭn Dơ̆ng 46:34

brei diih lač, ‘Phung dĭng buăl ih, hmei wăt phung aê hmei, rông êmô biăp dơ̆ng mơ̆ng hmei hlăk ai truh ti ară anei,’ čiăng kơ diih dưi dôk hlăm čar Gôsen; kyuadah phung mgăt biăp jing mnơ̆ng phung Êjip bi êmut kheh.”

Y-Nêhêmi 5:9

Snăn kâo lač, “Klei diih ngă anăn amâo jăk ôh. Amâo djŏ hĕ jing djŏ diih êbat hlăm klei huĭ mpŭ kơ Aê Diê drei, čiăng đăm phung găp djuê mkăn phung roh drei mưč kơ drei?

Klei Kbiă 2:17

Phung mgăt biăp truh leh anăn suôt digơ̆; ƀiădah Y-Môis kgŭ čiăng mgang digơ̆ leh anăn bi mnăm biăp digơ̆.

Klei Bi Hriêng 20:3

Jing klei mpŭ kơ mnuih amâo ngă ôh klei bi mneh msao, ƀiădah knŏng mnuih mluk lĕ hlăm klei anăn.

Y-Markôs 3:25

Leh anăn tơdah sa boh sang bi mbha hĕ ñu pô, sang anăn amâo dưi dôk ôh.

I Kôrantô 3:3

kyuadah diih ăt jing phung tui si kđeh. Kyuadah êjai mâo klei nač leh anăn klei bi mneh msao hdơ̆ng diih, amâo djŏ hĕ diih jing tui si kđeh, leh anăn dôk dơ̆ng ƀơ̆ng huă msĕ si mnuih kđeh?

Galati 5:20

klei kkuh rup yang, klei jing mjâo, klei bi roh, klei bi msao, klei nač, klei čôñ ăl, klei čuôt klih, klei bi tăng, klei mĭn bi kah phung,

Kôlôs 4:5

Brei diih dôk hdĭp hŏng klei thâo mĭn ti anăp phung amâo đăo ôh, yua mông diih bi jăk.

I Têsalônik 4:12

čiăng kơ phung ti tač mpŭ kơ diih, leh anăn diih amâo knang kơ sa čô mkăn ôh.

Y-Tit 3:3

Kyuadah mphŭn dô drei pô jing mluk, amâo thâo gưt asăp ôh, klah đuĕ leh, jing hlŭn kơ djăp mta klei kđeh tluh leh anăn klei kđeh čiăng, drei hdĭp hlăm klei jhat ƀai leh anăn hlăm klei tluh, arăng bi êmut kơ drei leh anăn drei bi êmut hdơ̆ng drei.

Y-Yakơ 3:16

Kyuadah ti anôk mâo klei nač leh anăn klei čuôt klih, tinăn srăng mâo klei rŭng răng leh anăn djăp mta bruă jhat.

Y-Yakơ 4:1

Mơ̆ng kbiă hriê klei bi blah leh anăn klei bi mneh msao hlăm phung diih? Amâo djŏ hĕ klei anăn kbiă hriê mơ̆ng klei kđeh tluh dôk bi blah hlăm ai tiê diih?

I Y-Pêtrôs 2:12

Brei diih dôk dơ̆ng ƀơ̆ng huă jăk nanao ti krah phung amâo đăo, čiăng kơ tơdah diñu mčeh kơ diih jing mnuih ngă jhat, diñu dưi ƀuh bruă jăk diih ngă leh anăn mpŭ mni kơ Aê Diê ti hruê Ñu srăng lŏ hriê.