Klei Mphŭn Dơ̆ng 13:10 - Klei Aê Diê Blŭ 2015

¹⁰ Y-Lot kngưr ală dlăng kơ jih lăn dap êa krông Yurdan truh kơ Ƀuôn Sôar, djăp anôk mâo êa sơăi, jing msĕ si war djam Khua Yang, msĕ si čar Êjip. Ka Khua Yang bi rai ôh ƀuôn Sôdôm leh anăn ƀuôn Gômôrơ.

Klei Mphŭn Dơ̆ng 13:10 Iomraidhean Croise

Klei Mphŭn Dơ̆ng 11:27

Anei phung anak čô Y-Têra: Y-Têra jing ama kơ Y-Abram, Y-Nahôr, leh anăn Y-Haran. Y-Haran jing ama kơ Y-Lot.

Klei Mphŭn Dơ̆ng 13:11

Snăn Y-Lot ruah kơ ñu pô jih Lăn Dap êa krông Yurdan, leh anăn ñu nao phă ngŏ. Snăn yơh diñu bi ktlah.

Klei Mphŭn Dơ̆ng 13:9

Amâo djŏ hĕ mâo jih čar ti anăp ih? Bi ktlah bĕ ih pô mơ̆ng kâo; tơdah ih mă tĭng điâo, kâo srăng nao tĭng hnuă; amâodah tơdah ih mă tĭng hnuă, kâo srăng nao tĭng điâo.”

Klei Mphŭn Dơ̆ng 14:2

phung mtao anăn bi blah hŏng Y-Bêra mtao ƀuôn Sôdôm, Y-Birsa mtao ƀuôn Gômôrơ, Y-Sinap mtao ƀuôn Atma, Y-Sêmêber mtao ƀuôn Sêbôim, leh anăn mtao ƀuôn Bêla (jing ƀuôn Sôar).

Klei Mphŭn Dơ̆ng 14:8

Hlăk anăn mtao ƀuôn Sôdôm, mtao ƀuôn Gômôrơ, mtao ƀuôn Atma, mtao ƀuôn Sêbôim, leh anăn mtao ƀuôn Bêla (jing ƀuôn Sôar) nao leh anăn dăp kahan diñu kơ klei bi blah hlăm Tlung Siđim

Klei Mphŭn Dơ̆ng 3:6

Snăn tơdah mniê ƀuh boh ana kyâo anăn jăk ƀơ̆ng, mơak dlăng, leh anăn yuôm dưi brei klei thâo mĭn, ñu pĕ boh ana kyâo anăn leh anăn ƀơ̆ng, ñu brei mơh kơ ung ñu dôk giăm ñu, leh anăn gơ̆ ƀơ̆ng.

Klei Mphŭn Dơ̆ng 47:6

Čar Êjip dôk ti anăp ih. Brei ama ih leh anăn phung ayŏng adei ih dôk hlăm anôk jăk hĭn hlăm čar anei; brei diñu dôk hlăm krĭng Gôsen. Tơdah ih ƀuh hlăm phung diñu mnuih mbruă, brei ñu jing khua kiă kriê mnơ̆ng kâo rông.”

Klei Mphŭn Dơ̆ng 6:2

phung anak êkei Aê Diê ƀuh phung anak mniê phung mnuih kmưn jing siam; leh anăn digơ̆ dôk mô̆ hŏng hlei pô digơ̆ ruah.

I Bruă Mtao 7:46

Hlăm anôk lăn dap êa krông Yurdan mtao tuh dŏ anăn, hlăm lăn lŭ plah wah ƀuôn Sukôt hŏng ƀuôn Sarêthan.

Y-Yôp 40:23

Nĕ anei, tơdah êa lêč ñu amâo huĭ ôh; ñu dôk êđăp ênang wăt tơdah êa krông Yurdan tlă ƀăng êgei ñu.

Klei Mmuñ Hđăp 107:34

mbliư̆ lăn čăt mnơ̆ng jing lăn msĭn, kyua klei ƀai phung dôk tinăn.

Y-Êsai 15:5

Ai tiê kâo ur krao kyua čar Môap, phung mnuih diñu êran đuĕ ti ƀuôn Sôar, truh ti ƀuôn Êglat-Sêlisija. Diñu đĭ nao ti ƀuôn Luhit hia êjai, leh anăn ktuê êlan ƀuôn Hôrônaim diñu ur kyua klei bi rai.

Y-Êsai 51:3

Sĭt nik Yêhôwa srăng bi juh ƀuôn Siôn. Ñu srăng bi juh jih jang anôk gơ̆ êhŏng, ñu srăng brei kdrăn tač gơ̆ jing msĕ si Êđen, ñu srăng brei dliê êhŏng gơ̆ jing msĕ si war djam Yêhôwa. Tinăn srăng mâo klei hơ̆k, klei mơak, klei bi mni leh anăn asăp mmuñ.

Y-Yêrêmi 48:34

Ƀuôn Hêsbôn leh anăn ƀuôn Êlêala ur, arăng hmư̆ asăp diñu truh ti ƀuôn Jahas, mơ̆ng ƀuôn Sôar truh ti ƀuôn Hôrônaim leh anăn ƀuôn Êglat-Sêlisiya. Kyuadah êa ƀuôn Nimrim msĕ mơh khuôt leh.”

Y-Êsêkiêl 16:46

Amai ih jing ƀuôn Samari, pô dôk mbĭt hŏng phung anak mniê gơ̆ tĭng điâo ih; leh anăn adei mniê ih dôk tĭng hnuă ih jing ƀuôn Sôdôm mbĭt hŏng phung anak mniê ñu.

Y-Êsêkiêl 16:49

Nĕ anei, klei jing soh adei mniê ih ƀuôn Sôdôm: ñu leh anăn phung anak mniê ñu mâo klei mgao, mnơ̆ng ƀơ̆ng huă êgao hnơ̆ng, jing mdrŏng êđăp ênang, ƀiădah amâo tuôm đru phung ƀun ƀin leh anăn phung kƀah mnơ̆ng ôh.

Y-Êsêkiêl 28:13

Ih dôk leh hlăm war Êđen, war djam Aê Diê; djăp mta boh tâo yuôm jing mnơ̆ng guôm ih, boh tâo karnêlian, boh tâo tôpas, leh anăn boh tâo jaspidi, boh tâo krisôlit, boh tâo bêril, leh anăn boh tâo ônik, boh tâo saphir, boh tâo karbunklơ, leh anăn boh tâo êmêrôt. Arăng mƀlir boh tâo ih leh anăn mnơ̆ng kač ih hŏng mah; arăng mkra mnơ̆ng anăn ti hruê arăng hrih ih.

Y-Êsêkiêl 31:8

Kyâo sêdar hlăm war djam Aê Diê amâo dưi bi knar hŏng ñu ôh, kăn kyâo hngô dưi mđơr hŏng adhan ñu rei; leh anăn kyâo ana tang jing hơăi mang tơdah bi msĕ hŏng adhan ñu; amâo mâo ana kyâo hlăm war djam Aê Diê jing siam msĕ si ñu ôh.

Y-Êsêkiêl 31:9

Kâo brei ñu jing siam hŏng lu adhan ñu, leh anăn jih jang ana kyâo hlăm Êđen, war djam Aê Diê tluh čiăng jing msĕ si ñu.’

Y-Êsêkiêl 47:18

Tĭng ngŏ, knông srăng dơ̆ng mơ̆ng plah wah ƀuôn Hauran leh anăn ƀuôn Damas, čar Galaat leh anăn čar Israel, hlue êa krông Yurdan; diih srăng mkă mơ̆ng knông dưr truh kơ êa ksĭ ngŏ. Anăn srăng jing knông tĭng ngŏ.

Y-Yôel 2:3

Pui ƀơ̆ng ti anăp diñu, leh anăn pui dôk trơ̆ng ti tluôn diñu. Êlâo diñu truh, čar jing msĕ si war djam Êđen, ƀiădah leh diñu đuĕ jing kdrăn tač êhŏng, amâo mâo sa mnơ̆ng tlaih mơ̆ng diñu ôh.

Klei Mtô Mñă Klei Bhiăn 34:3

ala čar Dhŭng leh anăn Lăn Dap, si tô hmô tlung Yêrikô ƀuôn mâo lu ana boh đung, truh ti ƀuôn Sôar.