Klei Mphŭn Dơ̆ng 12:3 - Klei Aê Diê Blŭ 2015

³ Kâo srăng brei klei jăk jĭn kơ hlei pô brei klei jăk jĭn kơ ih; Kâo srăng tăm pah kơ hlei pô tăm pah kơ ih; leh anăn hlăm ih jih jang găp djuê mnuih hlăm lăn ala srăng mâo klei jăk jĭn.”

Klei Mphŭn Dơ̆ng 12:3 Iomraidhean Croise

Klei Mphŭn Dơ̆ng 18:18

Kyuadah Y-Abraham srăng jing sa phung găp djuê prŏng leh anăn ktang, leh anăn jih jang phung găp djuê hlăm lăn ala srăng mâo klei jăk jĭn hlăm ñu.

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

Klei Mphŭn Dơ̆ng 22:18

Jih jang phung găp djuê hlăm lăn ala srăng mâo klei jăk jĭn kyua phung anak čô ih, kyuadah ih gưt leh asăp Kâo.”

Klei Mphŭn Dơ̆ng 24:35

Yêhôwa brei klei jăk jĭn lu kơ khua kâo, leh anăn ñu mdrŏng leh. Yêhôwa brei kơ ñu leh lu biăp leh anăn lu êmô, prăk leh anăn mah, phung dĭng buăl êkei leh anăn phung dĭng buăl mniê, lu aseh samô leh anăn aseh dliê.

Klei Mphŭn Dơ̆ng 25:11

Leh djiê Y-Abraham, Aê Diê brei klei jăk jĭn kơ Y-Isăk anak ñu. Y-Isăk dôk giăm kbăng êa Bêr-La-Hai-Rôi.

Klei Mphŭn Dơ̆ng 26:29

čiăng kơ ih đăm ngă klei jhat kơ hmei ôh, msĕ si hmei amâo tuôm ruêh ih ôh, leh anăn hmei ngă leh knŏng klei jăk kơ ih, leh anăn hmei brei ih đuĕ nao hŏng klei êđăp ênang. Ară anei ih jing pô Yêhôwa hơêč hmưi.”

Klei Mphŭn Dơ̆ng 26:4

Kâo srăng bi lar phung anak čô ih msĕ si mtŭ hlăm adiê; leh anăn Kâo srăng brei jih čar anei kơ phung anak čô ih. Jih jang găp djuê hlăm lăn ala srăng mâo klei jăk jĭn kyua phung anak čô ih;

Klei Mphŭn Dơ̆ng 27:29

Brei lu mnuih ƀuôn sang jing dĭng buăl ih, leh anăn lu phung găp djuê buôn ti anăp ih. Brei ih jing khua kơ phung adei ih, leh anăn brei phung anak êkei amĭ ih buôn ti anăp ih. Brei hlei pô tăm pah ih jing mnuih arăng tăm pah; leh anăn brei hlei pô ngă klei jăk jĭn kơ ih mâo klei jăk jĭn.”

Klei Mphŭn Dơ̆ng 28:14

Phung anak čô ih srăng jing lu msĕ si ƀruih lăn; ih srăng bi lar phă yŭ, phă ngŏ, phă dưr, leh anăn phă dhŭng, leh anăn jih jang phung găp djuê hlăm lăn ala srăng mâo klei jăk jĭn kyua ih leh anăn kyua phung anak čô ih.

Klei Mphŭn Dơ̆ng 30:27

Y-Laban lač kơ ñu, “Brei kâo lač klei anei: kâo thâo Yêhôwa brei leh klei jăk jĭn kơ kâo kyua ih.

Klei Mphŭn Dơ̆ng 30:30

Kyuadah ih mâo ƀiă mnơ̆ng êlâo kâo truh, ƀiădah ñu đĭ jing lu. Yêhôwa brei leh klei jăk jĭn kơ ih ti anôk kâo nao. Bi ară anei hin, hbĭl kâo srăng bi mâo mnơ̆ng kơ sang kâo pô lĕ?”

Klei Mphŭn Dơ̆ng 39:5

Dơ̆ng mơ̆ng hruê gơ̆ brei ñu jing khua hlăm sang gơ̆ leh anăn kơ jih jang dŏ gơ̆ mâo, Yêhôwa brei klei jăk jĭn kơ sang mnuih Êjip kyua Y-Yôsep. Klei jăk jĭn Yêhôwa dôk ti jih jang dŏ dô gơ̆ mâo hlăm sang wăt hlăm hma.

Klei Mmuñ Hđăp 72:17

Brei anăn ñu dôk hlŏng lar, brei klei hing ang ñu ăt dôk êjai yang hruê ăt dôk. Brei jih jang găp djuê mnuih mâo klei jăk jĭn kyua ñu, brei jih jang digơ̆ hơêč hmưi kơ ñu.

Klei Kbiă 23:22

Ƀiădah tơdah ih dôk hmư̆ asăp ñu leh anăn ngă jih klei Kâo srăng lač, snăn Kâo srăng jing roh hŏng phung roh ih, leh anăn Pô kdơ̆ng hŏng phung bi kdơ̆ng hŏng ih.

Klei Yap 24:9

Diñu lua, diñu đih msĕ si sa drei êmông gu knô, msĕ si sa drei êmông gu ana; hlei pô srăng bi mdih diñu? Jăk mơak yơh kơ hlei pô srăng brei klei jăk jĭn kơ ih; tăm pah hĕ kơ hlei pô srăng tăm pah kơ ih.”

Y-Mathiơ 25:40

Leh anăn Mtao srăng lŏ wĭt lač kơ diñu, ‘Sĭt nik Kâo lač kơ diih, êjai diih ngă leh klei anăn kơ sa čô hlăm phung ayŏng adei Kâo đơ điêt anei jing klei diih ngă leh kơ Kâo yơh.’

Y-Mathiơ 25:45

Ñu srăng lŏ wĭt lač kơ phung anăn, ‘Sĭt nik Kâo lač kơ diih, tơdah diih amâo tuôm ngă klei anăn kơ sa čô hlăm phung đơ điêt anei, jing msĕ si diih amâo tuôm ngă kơ Kâo ôh.’

Y-Luk 24:27

Leh anăn Ñu mblang kơ phung anăn jih jang klei čih leh djŏ kơ Ñu dơ̆ng mơ̆ng hdruôm hră Y-Môis truh kơ hdruôm hră jih jang phung khua pô hưn êlâo.

Hră Y-Pôl Mơĭt kơ Phung Rôm 4:11

Ñu tŭ leh klei khăt klĭt jing klei bi knăl amâodah mnơ̆ng kđăm klei kpă ênô ñu mâo leh hŏng klei đăo êjai ñu ka khăt klĭt ôh. Klei anăn čiăng mjing ñu ama kơ jih jang hlei pô đăo amâo mâo khăt klĭt ôh, leh anăn msĕ snăn digơ̆ mă tŭ leh klei Aê Diê yap kpă.

I Kôrantô 1:30

Aê Diê jing akŏ klei hdĭp diih hlăm Krist Yêsu, Pô Aê Diê mjing leh kơ drei klei thâo mĭn, klei kpă ênô, klei doh jăk, leh anăn klei bi tui.

Galati 3:16

Aê Diê brei leh klei ƀuăn kơ Y-Abraham leh anăn kơ čô čĕ ñu. Klei Aê Diê Blŭ amâo lač ôh, “Kơ phung čô čĕ”, djŏ kơ lu mnuih, ƀiădah lač djŏ “kơ čô čĕ ih”, Pô anăn jing Krist.

Galati 3:28

Amâo lŏ yap mdê ôh phung Yuđa hŏng phung Grĕk, phung hlŭn hŏng phung êngiê, phung êkei hŏng phung mniê; kyuadah jih jang diih jing leh sa hlăm Krist Yêsu.

Galati 3:8

Leh anăn Klei Aê Diê Blŭ hưn leh êlâo kơ Aê Diê srăng yap kpă phung tue hŏng klei đăo, snăn Klei Aê Diê Blŭ anăn mtô leh êlâo klei mrâo mrang jăk kơ Y-Abraham, lač, “Hlăm ih jih jang găp djuê mnuih srăng mâo klei jăk jĭn.”

Êphêsô 1:3

Bi mni kơ Aê Diê, Ama Khua Yang drei Yêsu Krist, Pô brei leh kơ drei hlăm Krist djăp mta klei jăk jĭn myang ti jih anôk hlăm adiê.

Kôlôs 3:11

Hlăm mnuih mrâo anei, amâo yap mdê ôh phung Grĕk amâodah phung Yuđa, mnuih tŭ klei khăt klĭt amâodah mnuih amâo tŭ klei khăt klĭt, mnuih dliê, mnuih Sit, mnuih hlŭn, mnuih êngiê, ƀiădah Krist jing jih hlăm jih jang.

Klei Bi Êdah 7:9

Leh klei anăn kâo dlăng leh anăn nĕ anei, mâo phung mnuih lu snăk arăng amâo dưi yap ôh, mơ̆ng jih jang găp djuê mnuih, mơ̆ng jih jang djuê ana, mơ̆ng jih jang phung ƀuôn sang, leh anăn jih jang klei blŭ. Diñu dôk dơ̆ng ti anăp jhưng mtao leh anăn ti anăp Êđai Biăp, hơô leh ao jhung kô̆ leh anăn djă pak ana boh đung hlăm kngan diñu.