Klei Mphŭn Dơ̆ng 12:2 - Klei Aê Diê Blŭ 2015

² Kâo srăng brei ih jing sa găp djuê prŏng; Kâo srăng brei klei jăk jĭn kơ ih; Kâo srăng brei anăn ih mâo klei hing ang, leh anăn ih srăng jing klei jăk jĭn kơ phung mkăn.

Klei Mphŭn Dơ̆ng 12:2 Iomraidhean Croise

Klei Mphŭn Dơ̆ng 13:16

Kâo srăng brei phung anak čô ih jing lu msĕ si ƀruih lăn. Snăn tơdah arăng dưi yap ƀruih lăn, arăng dưi mơh yap phung anak čô ih.

Klei Mphŭn Dơ̆ng 15:5

Ñu atăt ba Y-Abram kơ tač leh anăn lač, “Kngưr ală ih phă adiê leh anăn yap mtŭ tơdah ih dưi.” Leh anăn Ñu lač kơ gơ̆, “Msĕ snăn yơh anak čô ih srăng jing.”

Klei Mphŭn Dơ̆ng 17:20

Bi kơ Y-Ismaêl, Kâo hmư̆ klei ih lač leh. Nĕ anei, Kâo srăng brei klei jăk jĭn kơ ñu, leh anăn Kâo srăng bi lar phung anak čô ñu lu snăk. Ñu srăng jing ama kơ pluh dua čô anak mtao; leh anăn Kâo srăng brei ñu jing sa găp djuê prŏng.

Klei Mphŭn Dơ̆ng 18:18

Kyuadah Y-Abraham srăng jing sa phung găp djuê prŏng leh anăn ktang, leh anăn jih jang phung găp djuê hlăm lăn ala srăng mâo klei jăk jĭn hlăm ñu.

Klei Mphŭn Dơ̆ng 18:19

Hơăi, kyuadah Kâo ruah ñu leh, čiăng kơ ñu mtă kơ phung anak ñu leh anăn kơ sang ñu kơ êdei, čiăng diñu djă pioh êlan Khua Yang hŏng klei ngă klei kpă ênô leh anăn klei djŏ, čiăng kơ Khua Yang dưi bi sĭt klei Ñu ƀuăn leh kơ Y-Abraham.”

Klei Mphŭn Dơ̆ng 19:29

Tơdah Aê Diê bi rai ƀuôn hlăm Lăn Dap, Aê Diê hdơr kơ Y-Abraham, leh anăn bi kbiă Y-Lot mơ̆ng krah klei bi rai anăn tơdah Ñu bi rai ƀuôn Y-Lot dôk mphŭn dô.

Klei Mphŭn Dơ̆ng 24:1

Y-Abraham mduôn snăk leh; Yêhôwa brei leh klei jăk jĭn kơ Y-Abraham hlăm djăp mta mnơ̆ng.

Klei Mphŭn Dơ̆ng 24:35

Yêhôwa brei klei jăk jĭn lu kơ khua kâo, leh anăn ñu mdrŏng leh. Yêhôwa brei kơ ñu leh lu biăp leh anăn lu êmô, prăk leh anăn mah, phung dĭng buăl êkei leh anăn phung dĭng buăl mniê, lu aseh samô leh anăn aseh dliê.

Klei Mphŭn Dơ̆ng 25:11

Leh djiê Y-Abraham, Aê Diê brei klei jăk jĭn kơ Y-Isăk anak ñu. Y-Isăk dôk giăm kbăng êa Bêr-La-Hai-Rôi.

Klei Mphŭn Dơ̆ng 26:3

Dôk hlăm čar anei leh anăn Kâo srăng dôk mbĭt hŏng ih leh anăn brei klei jăk jĭn kơ ih; kyuadah Kâo srăng brei jih čar anei kơ ih leh anăn kơ phung anak čô ih; leh anăn Kâo srăng bi sĭt klei kâo kat asei leh kơ Y-Abraham ama ih.

Klei Mphŭn Dơ̆ng 26:4

Kâo srăng bi lar phung anak čô ih msĕ si mtŭ hlăm adiê; leh anăn Kâo srăng brei jih čar anei kơ phung anak čô ih. Jih jang găp djuê hlăm lăn ala srăng mâo klei jăk jĭn kyua phung anak čô ih;

Klei Mphŭn Dơ̆ng 27:29

Brei lu mnuih ƀuôn sang jing dĭng buăl ih, leh anăn lu phung găp djuê buôn ti anăp ih. Brei ih jing khua kơ phung adei ih, leh anăn brei phung anak êkei amĭ ih buôn ti anăp ih. Brei hlei pô tăm pah ih jing mnuih arăng tăm pah; leh anăn brei hlei pô ngă klei jăk jĭn kơ ih mâo klei jăk jĭn.”

Klei Mphŭn Dơ̆ng 28:14

Phung anak čô ih srăng jing lu msĕ si ƀruih lăn; ih srăng bi lar phă yŭ, phă ngŏ, phă dưr, leh anăn phă dhŭng, leh anăn jih jang phung găp djuê hlăm lăn ala srăng mâo klei jăk jĭn kyua ih leh anăn kyua phung anak čô ih.

Klei Mphŭn Dơ̆ng 35:11

Aê Diê lač kơ ñu, “Kâo jing Aê Diê, Pô Mâo Jih Klei Myang. Brei ih bi lar êngŭm. Sa phung găp djuê leh anăn lu phung găp djuê srăng kbiă hriê mơ̆ng ih, leh anăn mơ̆ng tian prôč ih srăng kbiă phung mtao.

Klei Mphŭn Dơ̆ng 46:3

Aê Diê lač, “Kâo jing Aê Diê, Aê Diê ama ih. Đăm huĭ ôh trŭn nao kơ čar Êjip; kyuadah tinăn Kâo srăng brei ih jing sa găp djuê prŏng.

II Y-Samuel 7:9

Kâo dôk mbĭt hŏng ih leh grăp anôk ih nao, leh anăn bi rai leh jih jang phung roh ih mơ̆ng ti anăp ih; leh anăn Kâo srăng brei anăn ih jing prŏng, msĕ si anăn phung prŏng ti lăn ala.

I Bruă Mtao 1:47

Êbeh kơ anăn phung dĭng buăl mtao hriê čiăng hơêč hmưi kơ khua drei Mtao Đawit, lač, ‘Akâo kơ Aê Diê ih mjing anăn Y-Salômôn hing ang hĭn kơ anăn ih, leh anăn mjing jhưng mtao ñu prŏng hĭn kơ jhưng mtao ih.’ Leh anăn mtao pô buôn ti dlông jhưng pĭt ñu.

Y-Yôp 35:8

Klei ƀai knŏng bi jhat kơ mnuih msĕ si ih, leh anăn klei kpă ênô ih jing yuôm kơ phung anak mnuih.

Klei Mmuñ Hđăp 107:38

Hŏng klei Yêhôwa hơêč hmưi klei jăk jĭn, digơ̆ jing lar êngŭm, leh anăn Ñu amâo bi hrŏ ôh êmô biăp digơ̆.

Klei Kbiă 1:7

Ƀiădah phung Israel kkiêng lu anak, jing lar êngŭm, đĭ hĭn, leh anăn jing ktang hĭn nanao; leh anăn čar anăn bŏ hŏng diñu.

Klei Kbiă 32:10

Snăn ară anei, lui Kâo, čiăng kơ klei Kâo ngêñ dưi trơ̆ng hŏng diñu leh anăn Kâo bi rai diñu; ƀiădah Kâo srăng mjing mơ̆ng ih sa găp djuê prŏng.”

Y-Êsai 51:2

Brei diih dlăng kơ Y-Abraham ama diih, leh anăn kơ H'Sara pô kkiêng kơ diih. Tơdah Kâo iêô ñu leh, êjai ñu dôk hjăn, Kâo hơêč hmưi kơ ñu, leh anăn brei ñu jing lar.

Y-Êsêkiêl 34:26

Kâo srăng brei diñu leh anăn anôk jŭm dar kbuôn Kâo jing klei jăk jĭn; leh anăn Kâo srăng brei êa hjan djŏ yan; êa hjan anăn srăng jing klei jăk jĭn.

Y-Mika 7:20

Ih srăng bi êdah klei sĭt suôr kơ Y-Yakôp, leh anăn klei jăk kơ Y-Abraham, msĕ si Ih kat asei leh kơ phung aê hmei hlăm ênuk đưm đă.

Y-Sakari 8:13

Msĕ si diih jing leh klei tăm pah ti krah phung găp djuê mnuih, Ơ sang Yuđa leh anăn sang Israel, msĕ snăn mơh Kâo srăng bi mtlaih diih, leh anăn diih srăng jing sa klei jăk jĭn. Đăm huĭ ôh, ƀiădah brei kngan diih jing ktang.”

Klei Yap 14:12

Kâo srăng čăm diñu djiê hŏng klei ruă tưp leh anăn srăng sua mơ̆ng diñu ngăn dưn, leh anăn Kâo srăng mjing mơ̆ng ih sa găp djuê prŏng hĭn leh anăn ktang hĭn kơ diñu.”

Klei Yap 22:12

Aê Diê lač kơ Y-Balaam, “Đăm ih nao mbĭt hŏng phung anăn ôh; đăm ih tăm pah kơ phung ƀuôn sang anei ôh, kyuadah diñu jing phung mâo leh klei hơêč hmưi.”

Klei Yap 23:20

Nĕ anei, kâo mă tŭ leh klei mtă brei hơêč hmưi. Ñu hơêč hmưi leh, kâo amâo dưi bi mlih klei anăn ôh!

Hră Y-Pôl Mơĭt kơ Phung Rôm 4:11

Ñu tŭ leh klei khăt klĭt jing klei bi knăl amâodah mnơ̆ng kđăm klei kpă ênô ñu mâo leh hŏng klei đăo êjai ñu ka khăt klĭt ôh. Klei anăn čiăng mjing ñu ama kơ jih jang hlei pô đăo amâo mâo khăt klĭt ôh, leh anăn msĕ snăn digơ̆ mă tŭ leh klei Aê Diê yap kpă.

Galati 3:14

čiăng kơ klei jăk jĭn Aê Diê ƀuăn leh kơ Y-Abraham dưi truh kơ phung tue hlăm Krist Yêsu, snăn drei dưi mă tŭ hŏng klei đăo klei Aê Diê ƀuăn leh jing Yang Mngăt Jăk.

Galati 3:7

Snăn, brei diih thâo săng phung mâo klei đăo yơh jing phung anak čô Y-Abraham sĭt.

Klei Mtô Mñă Klei Bhiăn 26:5

Diih srăng mâo klei blŭ ti anăp Yêhôwa Aê Diê diih, ‘Ama kâo đưm jing sa čô mnuih Aram hiu rưng; ñu trŭn nao kơ čar Êjip leh anăn dôk jưh bhiâo tinăn, jing sa phung ƀiă; leh anăn tinăn lŏ bliư̆ jing sa găp djuê prŏng, ktang, leh anăn êngŭm.