Klei Mphŭn Dơ̆ng 11:7 - Klei Aê Diê Blŭ 2015

⁷ Bơ Drei, brei Drei trŭn leh anăn bi lŭk klei diñu blŭ, čiăng kơ diñu amâo dưi thâo săng ôh klei diñu blŭ hdơ̆ng diñu.”

Klei Mphŭn Dơ̆ng 11:7 Iomraidhean Croise

Klei Mphŭn Dơ̆ng 1:26

Hlăk anăn Aê Diê lač, “Brei Drei mjing mnuih tui si rup Drei, msĕ si Drei pô; leh anăn brei diñu kiă kriê kan hlăm êa ksĭ, čĭm hlăm adiê, hlô mnơ̆ng rông, jih jang hlô dliê tar ƀar lăn ala leh anăn jih jang mnơ̆ng êbat ban ti rŏng lăn ala.”

Klei Mphŭn Dơ̆ng 10:20

Anăn yơh phung anak êkei Y-Čam tui si djuê diñu, tui si klei diñu blŭ, hlăm čar diñu, tui si djuê ana diñu.

Klei Mphŭn Dơ̆ng 10:32

Anăn yơh jing phung găp djuê phung anak êkei Y-Nôê tui si ênuk diñu, hlăm čar diñu. Mơ̆ng diñu yơh phung găp djuê bra hiu dôk hlăm lăn ala leh êa lip.

Klei Mphŭn Dơ̆ng 10:5

Mơ̆ng phung anăn kbiă hriê phung ƀuôn sang bra hiu dôk hlăm čar hang êa ksĭ leh anăn ti plao êa ksĭ. Anăn jing phung anak êkei Y-Japhet hlăm čar diñu, grăp phung tui si klei diñu pô blŭ, tui si găp djuê diñu.

Klei Mphŭn Dơ̆ng 11:5

Khua Yang trŭn čiăng dlăng ƀuôn leh anăn sang êñan phung anak mnuih mdơ̆ng leh.

Klei Mphŭn Dơ̆ng 3:22

Khua Yang Aê Diê lač, “Nĕ anei, mnuih jing leh msĕ si Drei, thâo kral klei jăk leh anăn klei jhat. Ară anei hin, huĭdah ñu yơr kngan pĕ mơh boh ana kyâo klei hdĭp, ƀơ̆ng, leh anăn dôk hdĭp hlŏng lar.”

Klei Mphŭn Dơ̆ng 42:23

Diñu amâo thâo ôh kơ Y-Yôsep thâo săng klei diñu blŭ, kyuadah mâo pô kăp mblang brei kơ diñu.

Y-Yôp 12:20

Ñu bi kmlô phung kčĕ arăng knang leh, leh anăn Ñu mă mđuĕ hĕ klei thâo mĭn phung khua mduôn.

Klei Mmuñ Hđăp 2:4

Pô dôk ti jhưng mtao hlăm adiê tlao; Yêhôwa mưč kơ digơ̆.

Klei Mmuñ Hđăp 33:10

Yêhôwa bi luč klei phung găp djuê mnuih kčĕ; Ñu amâo brei truh ôh klei phung ƀuôn sang mĭn čiăng ngă.

Klei Mmuñ Hđăp 55:9

Ơ Khua Yang, bi luč hĕ klei diñu čiăng ngă, leh anăn bi lŭk klei diñu blŭ; kyuadah kâo ƀuh leh hlăm ƀuôn prŏng klei măk ƀai leh anăn klei bi čĭk bi čăm.

Klei Kbiă 4:11

Yêhôwa lač kơ ñu, “Hlei pô mjing ƀăng êgei mnuih? Leh anăn hlei pô brei mnuih jing kmlô amâodah kngăl, thâo ƀuh amâodah bum ală? Amâo djŏ Kâo hĕ, Yêhôwa?

Y-Êsai 33:19

Ih amâo srăng lŏ ƀuh phung ƀuôn sang jhŏng ƀai ôh, phung ƀuôn sang anăn blŭ klei mmăt ih amâo dưi thâo săng ôh, blŭ amâo mâo mngač klei tue ih amâo dưi thâo săng ôh.

Y-Êsai 6:8

Leh anăn kâo hmư̆ asăp Khua Yang lač, “Hlei pô kâo srăng tiŏ nao? Hlei pô srăng nao brei kơ drei?” Hlăk anăn kâo lač, “Tinei kâo, tiŏ nao kâo bĕ.”

Y-Yêrêmi 5:15

Nĕ anei, Kâo dôk atăt ba sa găp djuê mơ̆ng čar kbưi hriê ngă kơ ih, Ơ sang Israel,” Yêhôwa lač. “Găp djuê anăn srăng dôk sui, leh anăn jing mơ̆ng sui leh, sa găp djuê blŭ klei diih amâo tuôm hmư̆ ôh, kăn diih thâo săng rei klei diñu lač.

I Kôrantô 14:23

Snăn tơdah jih Phung Sang Aê Diê bi kƀĭn leh anăn jih jang blŭ klei blŭ amâo mâo pô thâo, leh anăn phung ti êngao amâodah phung amâo đăo mŭt, amâo djŏ hĕ diñu srăng lač diih jing khŏ?

Klei Mtô Mñă Klei Bhiăn 28:49

Yêhôwa srăng atăt ba sa găp djuê mơ̆ng kbưi, mơ̆ng knhal lăn ala, pral msĕ si tlang phiơr, sa găp djuê diih amâo thâo săng klei blŭ ôh ngă kơ diih,