Klei Mphŭn Dơ̆ng 11:4 - Klei Aê Diê Blŭ 2015

⁴ Diñu lač, “Bơ drei, brei drei ngă sa boh ƀuôn prŏng, leh anăn sa boh sang êñan, kŏ ñu sô̆ ti adiê. Brei drei duah klei hing ang, huĭdah drei srăng klah đuĕ hiu tar ƀar lăn ala.”

Klei Mphŭn Dơ̆ng 11:4 Iomraidhean Croise

Klei Mphŭn Dơ̆ng 6:4

Phung mnuih prŏng dlông dôk hdĭp ti lăn ala ênuk anăn, leh anăn êdei tinăn hlăk phung anak êkei Aê Diê dôk hŏng phung anak mniê mnuih kmưn leh anăn diñu bi mâo anak; phung anăn jing phung mnuih jhŏng ktang hlăm ênuk đưm. Diñu jing phung hing ang.

II Y-Samuel 8:13

Y-Đawit bi mâo anăn hing ang kơ ñu pô. Tơdah ñu lŏ wĭt, ñu bi mdjiê pluh sa păn êbâo čô phung Êđôm hlăm Tlung Hra.

Klei Mmuñ Hđăp 107:26

Kŭmpăn diñu đĭ phă adiê, lŏ trŭn kơ ƀăng êlam; diñu êdu ai kyua klei rŭng răng mơ̆ng êa ksĭ.

Klei Mmuñ Hđăp 92:9

Sĭt nik phung roh Ih, Ơ Yêhôwa, sĭt nik, phung roh Ih srăng rai tuč; jih jang phung ngă klei wê srăng bra đuĕ mdê mdê.

Klei Bi Hriêng 10:7

Klei hdơr kơ mnuih kpă ênô jing klei jăk jĭn, ƀiădah anăn phung jhat ƀai srăng luč rai.

Y-Yêrêmi 51:53

Wăt tơdah ƀuôn Ƀaƀilôn srăng đĭ truh kơ adiê, leh anăn wăt tơdah ñu srăng bi kjăp kđông ti anôk dlông dưn, ăt phung bi rai kbiă hriê mơ̆ng Kâo srăng truh kơ ñu,” Yêhôwa lač.

Y-Đaniel 4:11

Ana kyâo anăn hriê kơ prŏng leh anăn kjăp, ƀrŏng ñu sô̆ ti adiê, leh anăn mơ̆ng knhal lăn ala arăng dưi ƀuh ñu.

Y-Đaniel 4:22

Ơ mtao, ana kyâo anăn jing ih yơh, pô hriê kơ prŏng leh anăn kjăp. Klei prŏng ih mđĭ truh ti adiê, leh anăn klei ih kiă kriê truh ti knhal lăn ala.

Y-Đaniel 4:27

Snăn Ơ mtao, brei ih tŭ klei kâo bi kčĕ kơ ih: ngă klei kpă ênô hrô kơ klei soh ih, leh anăn ngă klei pap kơ phung arăng ktư̆ juă hrô kơ klei wê ih, čiăng kơ năng ai dưi bi sui hĭn klei êđăp ênang ih.”

Y-Đaniel 4:30

mtao lač, “Amâo djŏ hĕ anei ƀuôn Ƀaƀilôn prŏng kâo pô mdơ̆ng leh hŏng klei ktang kâo, jing sang mtao dôk, hŏng klei guh kơang kơ kdrăm kâo?”

Y-Luk 1:51

Ñu bi êdah leh klei ktang hŏng păl Ñu, Ñu suôt leh phung mâo ai tiê klei mĭn mgao.

Y-Yôhan 5:44

Si diih dưi đăo, tơdah diih mă tŭ klei guh kơang hdơ̆ng diih pô, leh anăn amâo duah ôh klei guh kơang kbiă hriê mơ̆ng Aê Diê mâo knŏng sa čô?

Klei Mtô Mñă Klei Bhiăn 1:28

Ti anôk drei srăng đĭ nao? Phung ayŏng adei drei bi êdu ai drei, lač, “Phung ƀuôn sang anăn jing prŏng hĭn leh anăn dlông awan hĭn kơ drei; ƀuôn diñu prŏng leh anăn bư̆ mnư̆ kjăp dlông sô̆ adiê; êbeh kơ anăn hmei ƀuh phung anak êkei Anakim tinăn.”’

Klei Mtô Mñă Klei Bhiăn 4:27

Leh anăn Yêhôwa srăng bi bra đuĕ diih ti krah phung găp djuê mnuih, leh anăn diih srăng ăt dôk knŏng ƀiă ti krah phung găp djuê mnuih anôk Yêhôwa srăng atăt diih dôk.

Klei Mtô Mñă Klei Bhiăn 9:1

“Dôk hmư̆ bĕ, Ơ Israel, hruê anei diih srăng găn êa krông Yurdan, čiăng mŭt suôt phung găp djuê prŏng hĭn leh anăn ktang hĭn kơ ih, lu boh ƀuôn prŏng leh anăn mâo mnư̆ kpal đĭ truh kơ adiê,