Klei Mphŭn Dơ̆ng 10:4 - Klei Aê Diê Blŭ 2015

⁴ Phung anak êkei Y-Jawan: Y-Êlisa, Y-Tarsis, Y-Kitim, leh anăn Y-Dôdanim.

Klei Mphŭn Dơ̆ng 10:4 Iomraidhean Croise

Klei Mphŭn Dơ̆ng 10:5

Mơ̆ng phung anăn kbiă hriê phung ƀuôn sang bra hiu dôk hlăm čar hang êa ksĭ leh anăn ti plao êa ksĭ. Anăn jing phung anak êkei Y-Japhet hlăm čar diñu, grăp phung tui si klei diñu pô blŭ, tui si găp djuê diñu.

I Klei Yăl Dliê 1:7

Phung anak êkei Y-Jawan: Y-Êlisa, Y-Tarsis, Y-Kitim, leh anăn Y-Rôdanim.

Y-Êsai 23:1

Klei blŭ djŏ kơ ƀuôn Tir: Čŏk hia bĕ, Ơ kŭmpăn Tarsis, kyuadah arăng bi rai ƀuôn Tir leh, amâo lŏ mâo sang ôh, amâo lŏ mâo anôk dôk jưh ti hang êa ksĭ ôh. Mơ̆ng čar Kitim arăng bi êdah klei anăn kơ diñu.

Y-Êsai 23:12

Ñu lač, “Ih amâo srăng lŏ hơ̆k mơak ôh, Ơ anak mniê êra hrông ƀuôn Sidôn pô arăng bi mčhŏ leh. Kgŭ bĕ ih, brei ih găn nao kơ čar Kitim. Wăt tinăn kăn ih srăng mâo klei mdei rei.”

Y-Êsêkiêl 27:12

Phung Tarsis čhĭ mnia hŏng ih kyua ih mâo lu ngăn drăp djăp mta: prăk, msei, thao, leh anăn kmrak diñu bi mlih hŏng mnơ̆ng ih čhĭ.

Y-Êsêkiêl 27:25

Kŭmpăn mơ̆ng čar Tarsis mdiăng ba mnơ̆ng ih mnia, ih bŏ leh hŏng mnơ̆ng mdiăng ktrŏ ti krah êa ksĭ.

Y-Êsêkiêl 27:6

Hŏng kyâo êgiêr mơ̆ng čar Basan diñu ngă kwa ih; diñu ngă čuôr ih hŏng kyâo hngô mơ̆ng plao êa ksĭ Kitim luôm hŏng mla.

Y-Êsêkiêl 27:7

Hŏng kbuă điêt aruăt đêč leh mơ̆ng čar Êjip arăng ngă čhiăm tlă angĭn mjing čhiăm gru kơ ih; čhiăm piơk leh anăn hrah jŭ mơ̆ng hang plao ksĭ čar Êlisa čiăng bi êyui kơ ih.

Y-Đaniel 11:30

Kyuadah lu kŭmpăn mơ̆ng čar Kitim srăng bi kdơ̆ng hŏng ñu, ñu srăng huĭ leh anăn kdŭn. Wăt ñu srăng ngêñ leh anăn ngă kơ klei bi mguôp doh jăk. Ñu srăng wĭt leh anăn pap kơ phung lui klei bi mguôp doh jăk.

Klei Yap 24:24

Ƀiădah lu kŭmpăn srăng hriê mơ̆ng čar Kitim leh anăn srăng bi knap phung Asur leh anăn phung Êber; leh anăn wăt diñu mơh srăng rai.”