Klei Mphŭn Dơ̆ng 1:2 - Klei Aê Diê Blŭ 2015

² Lăn ala mâo klei lŭk lăk leh anăn êhŏng, klei mmăt guôm ti dlông ƀăng êlam; leh anăn Mngăt Myang Aê Diê krăm ti dlông êlah êa.

Klei Mphŭn Dơ̆ng 1:2 Iomraidhean Croise

Y-Yôp 26:14

Nĕ klei anei jing knŏng kdrêč ti êngao mơ̆ng jih bruă Ñu; leh anăn drei hmư̆ klei Ñu blŭ mhač djơ djĕ! Ƀiădah hlei dưi thâo săng grăm klei myang Ñu?”

Y-Yôp 26:7

Ñu lang Dưr ti dlông anôk êhŏng, Ñu yuôl boh lăn ala ti anôk hơăi hlăm adiê.

Y-Yôp 38:9

tơdah Kâo mjing knam brei guôm ñu, leh anăn klei mmăt kpal jing msĕ si čhiăm păn kơ ñu,

Y-Yôp 41:32

Ti tluôn ñu êa kbhoh mngač tui hlue; leh anăn ƀăng êlam jing kô̆ msĕ si ƀŭk mnuih mduôn.

Klei Mmuñ Hđăp 104:30

Tơdah Ih mơĭt Mngăt Myang Ih, diñu jing mtam; leh anăn Ih bi mrâo ƀô̆ mta lăn ala.

Klei Mmuñ Hđăp 104:6

Ih guôm gơ̆ leh hŏng anôk êlam msĕ si čhiăm ao; êa đĭ dlông hĭn kơ čư̆.

Klei Mmuñ Hđăp 136:6

Pô lang leh lăn ti dlông êa; kyua klei khăp Ñu dôk nanao hlŏng lar.

Klei Mmuñ Hđăp 148:7

Bi mni bĕ kơ Yêhôwa mơ̆ng lăn ala, jih jang mnơ̆ng prŏng hlăm êa ksĭ leh anăn jih jang ƀăng êlam,

Klei Mmuñ Hđăp 33:6

Yêhôwa hrih phung adiê hŏng klei Ñu blŭ, leh anăn jih jang mnơ̆ng hŏng êwa mơ̆ng ƀăng êgei Ñu.

Klei Bi Hriêng 8:24

Ñu mjing kâo hlăk ka mâo ƀăng êlam ôh, hlăk ka mâo akŏ êa ƀlĕ ôh.

Y-Êsai 31:5

Msĕ si čĭm phiơr sa anôk ti dlông êđai digơ̆, msĕ snăn mơh Yêhôwa kơ phung kahan srăng mgang ƀuôn Yêrusalem. Ñu srăng mgang leh anăn bi mtlaih gơ̆, Ñu pap leh anăn dŏng gơ̆.”

Y-Êsai 45:18

Kyuadah snei Yêhôwa lač, Pô Hrih phung adiê, Ñu yơh jing Aê Diê, Pô mmuôn lăn ala leh anăn mjing gơ̆, Ñu yơh bi kjăp gơ̆, Ñu amâo hrih gơ̆ čiăng jing anôk êhŏng ôh, ƀiădah mjing gơ̆ kơ anôk arăng dôk. Kâo jing Yêhôwa, amâo lŏ mâo pô mkăn ôh.

Y-Yêrêmi 4:23

Kâo dlăng kơ lăn ala, nĕ anei, ñu rai leh leh anăn êhŏng; kâo lŏ dlăng kơ phung adiê, amâo lŏ mâo klei mngač ôh.

Y-Nahum 2:10

Jing ênguôl! Jing êhŏng leh anăn rai leh! Ai tiê hwăt leh, kơŭt ktư̆ yơ̆ng, jih jang kơiêng ruă, jih jang ƀô̆ mta jing ơ̆ng kñĭ!

II Kôrantô 4:6

Kyuadah Aê Diê Pô lač leh, “Brei klei mngač mtrang hlăm anôk mmăt,” mtrang leh hlăm ai tiê hmei, čiăng brei klei mngač mơ̆ng klei thâo săng klei guh kơang Aê Diê mtrang mơ̆ng ƀô̆ mta Krist.

Klei Mtô Mñă Klei Bhiăn 32:11

Msĕ si tlang bi êrâo êđai ñu mrâo kčeh, phiơr ti dlông êđai ñu, mblang siap ñu, mă digơ̆, pŭ digơ̆ ti dlông mlâo siap ñu.